ಮೊಹಮ್ಮದ್ ಶಮಿ ಬಿಗ್‌ ಕಮ್‌ಬ್ಯಾಕ್‌ ಫಿಕ್ಸ್‌.. ಟೀಕೆಗಳಿಗೆ ಟಕ್ಕರ್‌ ಕೊಡಲಿರೋ ಟೀಮ್‌ ಇಂಡಿಯಾದ ಪೇಸರ್

Mohammed Shami in Bengal Squad: 2026-27ರ ರಣಜಿ ಟ್ರೋಫಿಗಾಗಿ ಬಂಗಾಳ ತಂಡದಲ್ಲಿ ಭಾರತದ ಅನುಭವಿ ವೇಗದ ಬೌಲರ್ ಮೊಹಮ್ಮದ್ ಶಮಿ ಅವರನ್ನು ಹೆಸರಿಸಲಾಗಿದೆ. ಅಕ್ಟೋಬರ್ 7 ರಂದು ಮುಂಬರುವ ರಣಜಿ ಸೀಸನ್‌ನ ಆರಂಭಿಕ ಪಂದ್ಯಕ್ಕಾಗಿ ಬಂಗಾಳ ಕ್ರಿಕೆಟ್ ಸಂಸ್ಥೆ 17 ಸದಸ್ಯರ ತಂಡವನ್ನು ಘೋಷಿಸಲಾಗಿದೆ. ಹೆಚ್ಚುವರಿಯಾಗಿ ಏಳು ಸ್ಟ್ಯಾಂಡ್‌ಬೈ ಆಟಗಾರರನ್ನು ಘೋಷಣೆ ಮಾಡಲಾಗಿದೆ. ಮೊಹಮ್ಮದ್‌ ಶಮಿ ಅವರು ತಂಡದ ಮುಖ್ಯ ಭಾಗವಾಗಿರುವುದು ವಿಶೇಷವಾಗಿದೆ. ಮೊಹಮ್ಮದ್‌ ಶಮಿ ಟೀಮ್ ಇಂಡಿಯಾಕ್ಕೆ ಮರಳುವ ಸಾಧ್ಯತೆಯ ಬಗ್ಗೆ ಊಹಾಪೋಹಗಳು ಕೂಡ ತೀವ್ರಗೊಂಡಿವೆ.

‌ಬಿಸಿಸಿಐನ ಮುಖ್ಯ ಆಯ್ಕೆದಾರ ಆಗಿದ್ದ ಅಜಿತ್ ಅಗರ್ಕರ್ ಅವರ ಅಧಿಕಾರಾವಧಿ ಮುಗಿದ ನಂತರ ಭುವನೇಶ್ವರ್ ಕುಮಾರ್ ಟೀಮ್ ಇಂಡಿಯಾಕ್ಕೆ ಕಮ್‌ಬ್ಯಾಕ್‌ ಆಗಿದ್ದಾರೆ. ಮುಂಬರುವ ನ್ಯೂಜಿಲೆಂಡ್ ವಿರುದ್ಧದ ಟಿ20 ಸರಣಿಗೆ ಭುವನೇಶ್ವರ್ ಅವರನ್ನು ತಂಡದಲ್ಲಿ ಸೇರಿಸಿಕೊಳ್ಳಲಾಗಿದೆ. 36 ವರ್ಷದ ಭುವನೇಶ್ವರ್ ಮತ್ತೆ ಟೀಮ್ ಇಂಡಿಯಾ ಪರ ಆಡುವುದಿಲ್ಲ ಎಂದು ಕ್ರಿಕೆಟ್ ತಜ್ಞರು ಮತ್ತು ಅಭಿಮಾನಿಗಳು ಅಂದುಕೊಂಡಿದ್ದರು. ಆದ್ರೆ ಬಿಸಿಸಿಐ ಆಯ್ಕೆ ಸಮಿತಿಯ ನಿರ್ಧಾರ ಎಲ್ಲರಿಗೂ ಅಚ್ಚರಿ ಮೂಡಿಸಿದೆ. ಈ ಬೆಳವಣಿಗೆ ಮೊಹಮ್ಮದ್‌ ಶಮಿ ಅವರನ್ನು ಮೊದಲೇ ರಣಜಿ ತಂಡಕ್ಕೆ ಆಯ್ಕೆ ಮಾಡಲಾಗಿದ್ದರೂ, ಟೀಮ್‌ ಇಂಡಿಯಾಗೆ ಕಮ್‌ಬ್ಯಾಕ್‌ ಮಾಡುವ ಕುರಿತು ಊಹಾಪೋಹಗಳಿಗೆ ಎದ್ದಿವೆ.

ದೆಹಲಿ ವಿರುದ್ಧ ಮೊದಲ ಪಂದ್ಯ ಆಡಲಿರುವ ಬಂಗಾಳ

ಬಂಗಾಳ ರಣಜಿ ತಂಡವು ಅಕ್ಟೋಬರ್ 11 ರಿಂದ 14 ರವರೆಗೆ ದೆಹಲಿ ವಿರುದ್ಧ ತಮ್ಮ ಮೊದಲ ರಣಜಿ ಟ್ರೋಫಿ ಪಂದ್ಯವನ್ನು ಆಡಲಿದೆ. ಈ ಪಂದ್ಯವು ಕಲ್ಯಾಣಿಯ ಬಂಗಾಳ ಕ್ರಿಕೆಟ್ ಅಕಾಡೆಮಿ ಮೈದಾನದಲ್ಲಿ ನಡೆಯಲಿದೆ. ತಂಡದಲ್ಲಿ ಸೇರ್ಪಡೆಗೊಂಡಿರುವ ಮೊಹಮ್ಮದ್‌ ಶಮಿ, ಆಡುವ XI ನಲ್ಲಿ ಸ್ಥಾನ ಪಡೆಯುವುದು ಬಹುತೇಕ ಖಚಿತವಾಗಿದೆ. ಮೊಹಮ್ಮದ್‌ ಶಮಿ ಹಿಂದಿನ ಸೀಸನ್‌ನಲ್ಲಿ ರಣಜಿ ಟ್ರೋಫಿ ಮತ್ತು ಇತರ ದೇಶೀಯ ಪಂದ್ಯಾವಳಿಗಳಲ್ಲಿ ಬಂಗಾಳವನ್ನು ಪ್ರತಿನಿಧಿಸಿದ್ದರು.

ಅಭಿಮನ್ಯು ಈಶ್ವರನ್ ಕ್ಯಾಪ್ಟನ್
ಬಂಗಾಳ ತಂಡದ ನಾಯಕತ್ವವನ್ನು ಅಭಿಮನ್ಯು ಈಶ್ವರನ್ ಅವರಿಗೆ ಹಸ್ತಾಂತರಿಸಲಾಗಿದೆ. 31 ವರ್ಷದ ಈಶ್ವರನ್ ದೇಶೀಯ ಕ್ರಿಕೆಟ್‌ನಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ದೀರ್ಘ ಸ್ವರೂಪದಲ್ಲಿ ತಾಳ್ಮೆಯ ಬ್ಯಾಟಿಂಗ್‌ಗೆ ಹೆಸರುವಾಸಿಯಾದ ಅಭಿಮನ್ಯು ಅವರಿಗೆ ಇನ್ನೂ ಟೀಮ್ ಇಂಡಿಯಾ ಪರ ಪಾದಾರ್ಪಣೆ ಮಾಡುವ ಅವಕಾಶ ಸಿಕ್ಕಿಲ್ಲ. ಆದರೂ ಅಭಿಮನ್ಯು ಈಶ್ವರನ್ ಅವರನ್ನು ಟೆಸ್ಟ್ ತಂಡಕ್ಕೆ ಸೇರಿಸಿಕೊಳ್ಳುವ ಬಗ್ಗೆ ಹಲವು ಚರ್ಚೆಗಳು ನಡೆದಿವೆ. ಸುದೀಪ್ ಘರಾಮಿಗೆ ಉಪನಾಯಕನ ಜವಾಬ್ದಾರಿಯನ್ನು ನೀಡಲಾಗಿದೆ.

ಅಭಿಷೇಕ್ ಪೊರೆಲ್ ಕೇಸ್
ವಿಕೆಟ್‌ ಕೀಪರ್‌ ಮತ್ತು ಬ್ಯಾಟ್ಸ್‌ಮನ್‌ ಆಗಿರುವ ಅಭಿಷೇಕ್ ಪೊರೆಲ್ ಅವರ ಮೇಲೆ ಪೊಲೀಸ್‌ ಪ್ರಕರಣಗಳು ಇದ್ದರೂ ಬಂಗಾಳ ತಂಡದಲ್ಲಿ ಅವಕಾಶ ನೀಡಲಾಗಿದೆ. ಅತ್ಯಾಚಾರ ಮತ್ತು ಇತರ ಲೈಂಗಿಕ ಆರೋಪಗಳ ಆರೋಪದಡಿಯಲ್ಲಿ ಇತ್ತೀಚೆಗೆ ಜಾಮೀನು ಪಡೆದಿರುವ ವಿಕೆಟ್ ಕೀಪರ್-ಬ್ಯಾಟರ್ ಅಭಿಷೇಕ್ ಪೊರೆಲ್, ಕಲ್ಯಾಣಿಯಲ್ಲಿ ದೆಹಲಿ ವಿರುದ್ಧದ ರಣಜಿ ಟ್ರೋಫಿ ಋತುವಿನ ಆರಂಭಿಕ ಪಂದ್ಯಕ್ಕಾಗಿ ಬಂಗಾಳದ 17 ಸದಸ್ಯರ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

ಪಶ್ಚಿಮ ಬಂಗಾಳ ತಂಡ; 
ಅಭಿಮನ್ಯು ಈಶ್ವರನ್ (ನಾಯಕ), ಸುದೀಪ್ ಘರಾಮಿ (ಉಪನಾಯಕ), ಸುದೀಪ್ ಚಟರ್ಜಿ, ಅಭಿಷೇಕ್ ಪೊರೆಲ್ (ವಿಕೆಟ್ ಕೀಪರ್), ಶಾಕಿರ್ ಗಾಂಧಿ (ವಿಕೆಟ್ ಕೀಪರ್), ಅಂಕುರ್ ಪೌಲ್, ಸುಮಂತ್ ಗುಪ್ತಾ, ಅಂಕಿತ್ ಶುಕ್ಲಾ, ಶುಭಂ ಚಟರ್ಜಿ, ಮೊಹಮ್ಮದ್ ಶಮಿ, ಆಕಾಶ್ ದೀಪ್, ಮುಖೇಶ್‌ ಕುಮಾರ್, ಸುರಾಜ್‌ ಜೈಸ್ವಾಲ್‌, ಪ್ರದೀಪ್ತ್‌ ಪ್ರಾಮಾಣಿಕ್‌, ಆಮೀರ್‌ ಗನಿ, ಮೊಹಮ್ಮದ್ ಕೈಫ್ ಮತ್ತು ಸೌಮ್ಯದೀಪ್ ಮೊಂಡಲ್.

ಸ್ಟ್ಯಾಂಡ್‌ಬೈ ಆಟಗಾರರು : ಕರಣ್ ಲಾಲ್, ಅಖಿಲೇಶ್ ಯಾದವ್, ಗೀತ್ ಪುರಿ, ಅಭಿಷೇಕ್ ರಾಮನ್, ಶುಭಂ ಸರ್ಕಾರ್, ಸುಮಿತ್ ಮೊಹಾಂತ ಮತ್ತು ಆದಿತ್ಯ ಪುರೋಹಿತ್.