SOCIAL MEDIA

Newsletter

PARTNER SITES
Select Language Select State

ದೊಡ್ಮನೆಯಲ್ಲಿ ಭಾರೀ ಚರ್ಚೆಗೆ ಗ್ರಾಸವಾದ ಮಂಜನ ಹೇಳಿಕೆ.. ಈಗ ಸಖತ್‌ ವೈರಲ್!

ಬಿಗ್‌ ಬಾಸ್‌ ಕನ್ನಡ ಸೀಸನ್‌ 13ರಲ್ಲಿ ಜಗ್ಗಿ ಹಾಗೂ ಮಂಜು ಮಧ್ಯೆ ಜಗಳ ವಿಕೋಪಕ್ಕೆ ತಿರುಗಿದೆ. ಗಾನವಿ ಪರ ವಹಿಸಿಕೊಂಡು ಮಾತನಾಡಿದ ಮಂಜ ಜಗದೀಶ್‌ ವಿರುದ್ಧ ಸಿಡಿದೆದ್ದಿದ್ದಾರೆ. ಈ ವಿಷಯ ವೀಕೆಂಡ್‌ನಲ್ಲಿ ಚರ್ಚೆಗೆ ಬರೋದು ಫಿಕ್ಸ್‌ ಎಂಬ ಮಾತು ಕೇಳಿ ಬರುತ್ತಿದೆ.

Written By Yashaswini V
Published: Nov 17, 2026, 11:04 IST | Updated: Nov 17, 2026, 11:09 IST
Join

ಬಿಗ್‌ ಬಾಸ್‌ ಕನ್ನಡ ಸೀಸನ್‌ 13ರಲ್ಲಿ ದಿನದಿಂದ ದಿನಕ್ಕೆ ಆಟದ ಕಾವು ಹೆಚ್ಚಾಗುತ್ತಿದೆ. ಮನೆಯ ಸ್ಪರ್ಧಿಗಳ ನಡುವೆ ಮಹಾ ರಾಣಿಯ ಪಟ್ಟಕ್ಕಾಗಿ ನಡೆಯುತ್ತಿರುವ ಪೈಪೋಟಿ ಒಂದೆಡೆಯಾದರೆ, ಮತ್ತೊಂದೆಡೆ ತಂತ್ರ – ಪ್ರತಿತಂತ್ರಗಳ ಆಟ ಜೋರಾಗಿದೆ. ಈ ವಾರದ ಮಹಾರಾಣಿ ಪಟ್ಟಕ್ಕಾಗಿ ನಡೆಯುತ್ತಿರುವ ಸ್ಪರ್ಧೆ ಇದೀಗ ಕುತೂಹಲದ ಘಟ್ಟ ತಲುಪಿದೆ. ಅದರಲ್ಲೂ ಸೌಂದರ್ಯ ಶೆಟ್ಟಿಯನ್ನು ಆಟದಿಂದ ಹೊರಗಿಡಲು ಗಾನವಿ ಮತ್ತು ಆಸಿಯಾ ತಂಡಗಳು ರೂಪಿಸಿದ ಸೀಕ್ರೆಟ್‌ ಮಾಸ್ಟರ್‌ ಪ್ಲ್ಯಾನ್‌ ಎಲ್ಲರ ಗಮನ ಸೆಳೆದಿದೆ.

ಈ ವಾರದ ರಾಜಕುಮಾರಿ ಪಟ್ಟದ ಟಾಸ್ಕ್‌ನಲ್ಲಿ ಮೂರು ತಂಡಗಳು ಕಣಕ್ಕೆ ಇಳಿದಿದ್ದವು. ಗಾನವಿ ಪರವಾಗಿ ಧನುಷ್‌, ಮಂಜುನಾಥ್‌ ಹಾಗೂ ಗಗನ್‌ ಚಿನ್ನಪ್ಪ ಆಟವಾಡಿದರೆ, ಸೌಂದರ್ಯ ಶೆಟ್ಟಿ ಪರವಾಗಿ ಯಶಸ್‌ ಮತ್ತು ತಾಂಡವ್‌ ರಾಮ್‌ ಸ್ಪರ್ಧಿಸಿದ್ದರು. ಇನ್ನು ಆಸಿಯಾ ಪರವಾಗಿ ಕಿರಣ್‌ ಶಾಸ್ತ್ರಿ ಹಾಗೂ ಪ್ರಶಾಂತ್‌ ತಮ್ಮ ಸಾಮಾರ್ಥ್ಯ ಪ್ರದರ್ಶಿಸಿದ್ದರು. ಸೌಂದರ್ಯ ಶೆಟ್ಟಿಯನ್ನು ಆಟದಿಂದ ಹೊರಗಿಡಲು ಆಸಿಯಾ ಹಾಗೂ ಗಾನವಿ ಗೌಡ ತಂಡ ಮಾಡಿದ ಸೀಕ್ರೆಟ್‌ ಪ್ಲ್ಯಾನ್‌ ಈ ಬಾರಿಯ ಹೈಲೆಟ್‌ ಆಗಿದೆ. ಈ ಮಧ್ಯೆ ಗಾನವಿ ಹಾಗೂ ಜಗ್ಗು ನಡುವೆ ಮಾತಿನ ಚಕಮಕಿಯಲ್ಲಿ ಮಂಜ ಮಧ್ಯೆ ಪ್ರವೇಶಿಸಿ ಗಾನವಿ ಪರ ಮಾತನಾಡಿರುವುದು ಜಗಳಕ್ಕೆ ಕಾರಣವಾಗಿದೆ.

ಇನ್ನು ಬಿಗ್‌ ಬಾಸ್‌ ಮನೆಯಲ್ಲಿ ಟಾಸ್ಕ್‌ ಮಾತ್ರವಲ್ಲದೇ ಜಗಳವೂ ಜೋರಾಗಿದೆ. ಗಾನವಿ ಹಾಗೂ ಜಗ್ಗು ನಡುವೆ ಮಾತಿನ ಚಕಮಕಿ ನಡೆದಿದ್ದು, ಪರಿಸ್ಥಿತಿ ಮತ್ತಷ್ಟು ಬಿಗಾಡಾಯಿಸಿದೆ. ಈ ವೇಳೆ ಮಂಜು ಮಧ್ಯ ಪ್ರವೇಶಿಸಿದ್ದು, ಗಾನವಿ ಪರವಾಗಿ ಮಾತನಾಡಿದ್ದಾರೆ. ಜಗದೀಶ್‌ ವಿರುದ್ಧ ಆಕ್ರೋಶ ಹೊರ ಹಾಕಿದ ಮಂಜು ಮಾಡಿರೋದು ಒಂದೇ ಒಂದು ಸಿನಿಮಾ, ಗಂಡಸರ ಹಾಗೇ ನಡೆದುಕೋ ಎಂದು ಖಡಕ್‌ ಆಗಿ ಹೇಳಿದ್ದಾರೆ. ಮಂಜು ಅವರ ಈ ಮಾತು ಮನೆಯಲ್ಲಿ ಮತ್ತೊಂದು ವಾಗ್ವಾದಕ್ಕೆ ಕಾರಣವಾಗಿರುವ ಪ್ರೋಮೋ ರಿಲೀಸ್‌ ಆಗಿದೆ. 
 


ಗಾನವಿ ಪರವಾಗಿ ನಿಂತು ಮಂಜು ಅವರ ನಡೆ ಇದೀಗ ಚರ್ಚೆಗೆ ಗ್ರಾಸವಾಗಿದೆ. ಗಾನವಿ ಮತ್ತು ಜಗ್ಗಿ ನಡುವಿನ ಕಿತ್ತಾಟಕ್ಕೆ ಮಂಜು ಎಂಟ್ರಿ ಕೊಟ್ಟಿರುವುದರಿಂದ ಮನೆಯ ವಾತಾವರಣ ಮತ್ತಷ್ಟು ಕಾವೇರಿದೆ. ಗಾನವಿ ಪರ ಮಂಜ ನಿಂತಿರುವುದು ಅವರ ಆಟದ ಭಾಗವೇ ಅಥವಾ ಸ್ನೇಹದ ದೃಷ್ಟಿಯಿಂದ ನೀಡಿದ ಬೆಂಬಲವೇ ಎಂಬ ಕುತೂಹಲ ವೀಕ್ಷಕರಲ್ಲಿದೆ.

 

ಒಟ್ಟಿನಲ್ಲಿ ಬಿಗ್‌ ಬಾಸ್‌ ಮನೆಯಲ್ಲಿ ನಡೆದ ಇಂತಹ ಘಟನೆಗಳು ವಾರಾಂತ್ಯದ ಸಂಚಿಕೆಯಲ್ಲಿ ಪ್ರಮುಖ ಚರ್ಚೆಯ ವಿಷಯವಾಗುವುದು ಸಾಮಾನ್ಯ. ಹೀಗಾಗಿ ಈ ಬಾರಿಯ ವೀಕೆಂಡ್‌ನಲ್ಲಿ ಕಿಚ್ಚ ಸುದೀಪ್‌ ಅವರು ಗಾನವಿ, ಜಗ್ಗಿ ಮತ್ತು ಮಂಜು ನಡುವಿನ ಗಲಾಟೆಯನ್ನು ಪ್ರಸ್ತಾಪಿಸುತ್ತಾರಾ ಎಂಬ ನೀರಿಕ್ಷೆ ಹೆಚ್ಚಾಗಿದೆ. ಈ ಮೂವರಿಗೂ ವಾರಾಂತ್ಯದಲ್ಲಿ ಯಾವ ರೀತಿ ಕ್ಲಾಸ್‌ ನಡೆಯುತ್ತದೆ ಎಂಬುದನ್ನು ಕಾದು ನೋಡಬೇಕಿದೆ. 

Add Zee News as a Preferred Source
TAGS:

About the Author

ಯಶಸ್ವಿನಿ ವಿ (Yashaswini V) Zee ಕನ್ನಡ ಡಿಜಿಟಲ್ ಮಾಧ್ಯಮದ ಮೊದಲ ಪತ್ರಕರ್ತೆ. 2017 ರಿಂದ Zee ಕನ್ನಡ‌ ನ್ಯೂಸ್‌ ಡಿಜಿಟಲ್‌ ಮಾಧ್ಯಮದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಇವರು ಪ್ರಸ್ತುತ Zee ಕನ್ನಡ ನ್ಯೂಸ್‌ನಲ್ಲಿ ಸಹಾಯಕ ಸುದ್ದಿ ಸಂಪಾದಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಪತ್ರಿಕೋದ್ಯಮದಲ್ಲಿ ಹತ್ತು ವರ್ಷಗಳಿಗೂ ಹೆಚ್ಚು ಅನುಭವ ಹೊಂದಿರುವ ಇವರು ದೆಹಲಿ ಮತ್ತು ಬೆಂಗಳೂರಿನಲ್ಲಿ ಕೆಲಸ ಮಾಡಿದ್ದಾರೆ. ತಮ್ಮ ಓದುಗರ ಆಸಕ್ತಿಗಳು ಮತ್ತು ಅಗತ್ಯಗಳನ್ನು ಗೌರವಿಸುತ್ತಾರೆ. ತಮ್ಮ ಬರವಣಿಗೆಯನ್ನು ಓದುಗರೊಂದಿಗೆ ಸಂಪರ್ಕ ಸಾಧಿಸುವ ಮಾಧ್ಯಮವೆಂದು ಪರಿಗಣಿಸುವ ಯಶಸ್ವಿನಿ ವಿ ಅವರು ವ್ಯವಹಾರ, ವೈಯಕ್ತಿಕ ಹಣಕಾಸು, ಕೇಂದ್ರ ಬಜೆಟ್, ರಾಜ್ಯ ಬಜೆಟ್, ಕೇಂದ್ರ ಸರ್ಕಾರಿ ನೌಕರರು, ವೇತನ ಆಯೋಗಗಳು, ಸರ್ಕಾರಿ ನೀತಿಗಳು, ಪಿಂಚಣಿ ಯೋಜನೆಗಳು, ಪಿಂಚಣಿದಾರರು, ಆದಾಯ ತೆರಿಗೆ, ಬ್ಯಾಂಕಿಂಗ್, ಆರ್ಥಿಕತೆ, ಕೃಷಿ ಮತ್ತು ಅಂತರರಾಷ್ಟ್ರೀಯ ವ್ಯವಹಾರಗಳು ಸೇರಿದಂತೆ ವ್ಯಾಪಕ ಶ್ರೇಣಿಯ ವಿಷಯಗಳ ಕುರಿತು ಬರೆಯುವಲ್ಲಿ ಪರಿಣತಿ ಹೊಂದಿದ್ದಾರೆ ಮತ್ತು ರಾಜಕೀಯ ಬೆಳವಣಿಗೆಗಳು, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮಿಕ, ತಂತ್ರಜ್ಞಾನ ಸಂಬಂಧಿತ ಉತ್ತಮ ಮೌಲ್ಯಯುತ ಲೇಖನಗಳನ್ನು ಬರೆಯುವ ಮೂಲಕ ಗುರುತಿಸಿಕೊಂಡಿದ್ದಾರೆ. 
Read More

ZEENEWS TRENDING STORIES