'ಅನ್ನಸೇವೆ' ಮೊಬೈಲ್ ಆಪ್: ಪಡಿತರ ಚೀಟಿ ಇ-ಕೆವೈಸಿ ಇಂದಿನಿಂದ ಮತ್ತಷ್ಟು ಸುಲಭ

Anna Seve Mobile App: ಪಡಿತರ ಚೀಟಿದಾರರಿಗಾಗಿ ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಇಲಾಖೆ ಮಹತ್ವ ಹೆಜ್ಜೆ ಇಟ್ಟಿದ್ದು ರೇಷನ್‌ ಕಾರ್ಡ್‌ ಇ-ಕೆವೈಸಿ ಅನ್ನು ಇರುವ ಜಾಗದಲ್ಲಿಯೇ ಕಂಪ್ಲೀಟ್‌ ಮಾಡಲು ಅನುಕೂಲವಾಗುವಂತೆ ಅನ್ನ ಸೇವಾ ಮೊಬೈಲ್ ಅಪ್ಲಿಕೇಶನ್ ಅನ್ನು ಬಿಡುಗಡೆ ಮಾಡಿದೆ. ಏನಿದು ಅನ್ನ ಸೇವೆ ಆಪ್‌? ಇದರಿಂದ ಯಾರಿಗೆ ಪ್ರಯೋಜನವಾಗಲಿದೆ? ಇದನ್ನು ಬಳಸುವುದು ಹೇಗೆ ಎಂಬ ಇತ್ಯಾದಿ ಮಾಹಿತಿ ಇಲ್ಲಿದೆ.

ಏನಿದು ಅನ್ನ ಸೇವಾ ಮೊಬೈಲ್‌ ಆಪ್?
ಅನ್ನ ಸೇವಾ ಮೊಬೈಲ್ ಅಪ್ಲಿಕೇಶನ್ ಒಂದು ಬಗೆಯ ಮೊಬೈಲ್‌ ಅಪ್ಲಿಕೇಷನ್‌ ಆಗಿದ್ದು, ಪಡಿತರ ಚೀಟಿದಾರರು ನ್ಯಾಯಬೆಲೆ ಅಂಗಡಿಗೆ ಭೇಟಿ ನೀಡದೆ ಮನೆಯಿಂದಲೇ ಇ-ಕೆವೈಸಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಈ ಆಪ್ ಅನುವು ಮಾಡಿಕೊಡುತ್ತದೆ. ಅನ್ನ ಸೇವಾ ಮೊಬೈಲ್‌ ಆಪ್‌ ಫಲಾನುಭವಿಗಳ ಗುರುತನ್ನು ಪರಿಶೀಲಿಸಲು ಆಧಾರ್ ಆಧಾರಿತ ಫೇಸ್‌ ಅಥೆಂಟಿಕೇಷನ್ ತಂತ್ರಜ್ಞಾನವನ್ನು ಬಳಸುತ್ತದೆ.
‌
ಅನ್ನ ಸೇವಾ ಮೊಬೈಲ್‌ ಆಪ್ ಯಾರಿಗೆ ಪ್ರಯೋಜನ ನೀಡಲಿದೆ?
ಕರ್ನಾಟಕ ಸರ್ಕಾರದ ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಸಚಿವ ರಿಜ್ವಾನ್ ಅರ್ಷದ್, 2026ರ ಅಕ್ಟೋಬರ್ 1 ರಂದು ಬಿಡುಗಡೆ ಮಾಡಿದ ಅನ್ನ ಸೇವಾ ಮೊಬೈಲ್‌ ಆಪ್,  ಅನ್ನ ಭಾಗ್ಯ ಯೋಜನೆ ಮತ್ತು ಇತರ ಸಾರ್ವಜನಿಕ ವಿತರಣಾ ಕಾರ್ಯಕ್ರಮಗಳ ಫಲಾನುಭವಿಗಳು ಸ್ಮಾರ್ಟ್‌ಫೋನ್‌ನಲ್ಲೇ ಅನ್ನ ಸೇವಾ ಮೊಬೈಲ್‌ ಆಪ್ ಡೌನ್‌ಲೋಡ್‌ ಮಾಡಿ ಅದರಲ್ಲಿಯೇ ಫೇಸ್‌ ಅಥೆಂಟಿಕೇಷನ್‌ ಮಾಡುವ ಮೂಲಕ ಪಡಿತರ ಚೀಟಿಯಲ್ಲಿ ಇ-ಕೆವೈಸಿ ಕಂಪ್ಲೀಟ್‌ ಮಾಡಬಹುದಾಗಿದೆ.

ಮೊದಲ ಹಂತದಲ್ಲಿ 8 ಜಿಲ್ಲೆಗಳಲ್ಲಿ ಬಿಡುಗಡೆಗೊಂಡಿದ್ದ ಅನ್ನ ಸೇವಾ ಮೊಬೈಲ್‌ ಆಪ್:
ಗಮನಾರ್ಹವಾಗಿ, ಅಕ್ಟೋಬರ್‌ 01, 2026ರಂದು ಆಹಾರ ಸಚಿವ ರಿಜ್ವಾನ್‌ ಅರ್ಷದ್‌, ಪ್ರಾಯೋಗಿಕವಾಗಿ ಎಂಟು ಜಿಲ್ಲೆಗಳಲ್ಲಿ ಅನ್ನ ಸೇವಾ ಮೊಬೈಲ್‌ ಆಪ್ ಅನ್ನು ಬಿಡುಗಡೆ ಮಾಡಿದ್ದರು. ಲಭ್ಯವಿರುವ ಮಾಹಿತಿಗಳ ಪ್ರಕಾರ, ಪ್ರಾಯೋಗಿಕ ಅವಧಿಯಲ್ಲಿ 1.6 ಲಕ್ಷಕ್ಕೂ ಹೆಚ್ಚು ಫಲಾನುಭವಿಗಳು ಇ-ಕೆವೈಸಿ ಪೂರ್ಣಗೊಳಿಸಿ

ಇಂದಿನಿಂದ ಎಲ್ಲರಿಗೂ ಲಭ್ಯವಾಗಲಿದೆ ಅನ್ನ ಸೇವಾ ಮೊಬೈಲ್‌ ಆಪ್: 
ಇದೀಗ ಇಂದಿನಿಂದ (ಅಕ್ಟೋಬರ್‌ 14, 2026) ರಾಜ್ಯದ್ಯಂತ ಎಲ್ಲಾ ಪಡಿತರ ಚೀಟಿದಾರರಿಗೂ ʼಅನ್ನ ಸೇವಾ ಮೊಬೈಲ್‌ ಆಪ್ʼ ಲಭ್ಯವಾಗಲಿದ್ದು ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿ ಅದರಲ್ಲಿಯೇ ಇ-ಕೆವೈಸಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದಾಗಿದೆ.  

ಅನ್ನ ಸೇವಾ ಮೊಬೈಲ್‌ ಆಪ್ ಬಿಡುಗಡೆಗೆ ಸಂಬಂಧಿಸಿದಂತೆ ಆಹಾರ ಇಲಾಖೆ ಸಚಿವರಾದ ರಿಜ್ವಾನ್‌ ಅರ್ಷದ್‌ ತಮ್ಮ ಎಕ್ಸ್‌ ಖಾತೆಯಲ್ಲಿ ಮಾಹಿತಿ ನೀಡಿದ್ದಾರೆ. ರಾಜ್ಯದಾದ್ಯಂತ ಇಂದಿನಿಂದ ನೂತನ ಅನ್ನ ಸೇವೆ ಮೊಬೈಲ್‌ ಆ್ಯಪ್ ಇಂದು ಅಧಿಕೃತವಾಗಿ ಲೋಕಾರ್ಪಣೆಗೊಳ್ಳಲಿದೆ ಎಂದಿರುವ ಆಹಾರ ಸಚಿವ ರಿಜ್ವಾನ್‌ ಅರ್ಷದ್, 
ರಾಷ್ಟ್ರೀಯ ಮಾಹಿತಿ ಕೇಂದ್ರ ಹಾಗೂ ಇ- ಆಡಳಿತ ಇಲಾಖೆಯ ಜಂಟಿ ಸಹಯೋಗದಲ್ಲಿ ಈ ಸುಧಾರಿತ ಆ್ಯಪ್ ಅಭಿವೃದ್ಧಿಪಡಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.

ANNA SEVA APP AVAILABLE ACROSS ALL DISTRICTS OF KARNATAKA FROM TOMORROW! Ration cardholders can now complete their e-KYC through a simple and convenient process. Install the Anna Seva, AadhaarFace RD and CSC apps to avail of this facility. Simple Process. Seamless Service. Citizen-Friendly Digital Solutions. ರಾಜ್ಯದ ಎಲ್ಲಾ ಜಿಲ್ಲೆಗಳಲ್ಲೂ ನಾಳೆಯಿಂದ ಅನ್ನ ಸೇವೆ ಆ್ಯಪ್ ಲಭ್ಯ! ಪಡಿತರ ಚೀಟಿದಾರರು ಇನ್ನು ಸುಲಭವಾಗಿ, ಸರಳ ಪ್ರಕ್ರಿಯೆಯ ಮೂಲಕ ತಮ್ಮ ಇ-ಕೆವೈಸಿ ಪೂರ್ಣಗೊಳಿಸಬಹುದು. ಅನ್ನ ಸೇವೆ, ಆಧಾರ್‌ಫೇಸ್ ಆರ್‌ಡಿ ಹಾಗೂ ಸಿಎಸ್‌ಸಿ ಆ್ಯಪ್‌ಗಳನ್ನು ಅಳವಡಿಸಿಕೊಂಡು ಈ ಸೌಲಭ್ಯದ ಪ್ರಯೋಜನ ಪಡೆದುಕೊಳ್ಳಿ. ಸರಳ ಪ್ರಕ್ರಿಯೆ, ಸುಗಮ ಸೇವೆ - ಜನಸ್ನೇಹಿ ಡಿಜಿಟಲ್ ಸೌಲಭ್ಯ! #AnnaSeveApp #EKYC #Karnataka #RationCard @KarnatakaVarthe

— Rizwan Arshad (@ArshadRizwan) October 13, 2026

ಅನ್ನ ಸೇವೆ ಮೊಬೈಲ್‌ ಆ್ಯಪ್ ಡೌನ್‌ಲೋಡ್‌ ಮಾಡುವುದು ಹೇಗೆ?
ಮೊದಲಿಗೆ ಗೂಗಲ್‌ ಪ್ಲೇ ಸ್ಟೋರ್‌ಗೆ ಹೋಗಿ ʼಅನ್ನ ಸೇವೆʼ ಆ್ಯಪ್ ಡೌನ್‌ಲೋಡ್ ಮಾಡಿಕೊಂಡು, ಯುಐಡಿಎಐನ ಫೇಸ್ ಅಥೆಂಟಿಕೇಶನ್ ತಂತ್ರಜ್ಞಾನದ ಮೂಲಕ ಫಲಾನುಭವಿಗಳು ತಾವೇ ಸ್ವತಃ ಇ-ಕೆವೈಸಿ (e-KYC) ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದು.

ಅನ್ನ ಸೇವೆ ಮೊಬೈಲ್‌ ಆ್ಯಪ್ ಬಳಕೆಯಿಂದಾಗಿ ಸಾರ್ವಜನಿಕರು ಹಾಗೂ ವೃದ್ಧರು ಇ- ಕೆವೈಸಿ ಮಾಡಿಸಲು ನ್ಯಾಯಬೆಲೆ ಅಂಗಡಿಗಳ ಮುಂದೆ ನಿತ್ಯ ಕ್ಯೂ ನಿಲ್ಲುವುದು ಮತ್ತು ಕಚೇರಿಗಳಿಗೆ ಅಲೆದಾಡುವುದು ತಪ್ಪಲಿದೆ. ಪಡಿತರ ಚೀಟಿದಾರರು ಇ-ಕೆವೈಸಿ ಪೂರ್ಣಗೊಳಿಸಲು ಅಕ್ಟೋಬರ್ 20 ಕೊನೆಯ ದಿನಾಂಕವಾಗಿದ್ದು ಅಷ್ಟರೊಳಗೆ ನಿಮ್ಮ ರೇಷನ್ ಕಾರ್ಡ್‌ ಇ-ಕೆವೈಸಿ ಕಂಪ್ಲೀಟ್‌ ಮಾಡುವುದನ್ನು ಖಚಿತಪಡಿಸಿಕೊಳ್ಳಿ.