ಪಿಎಫ್‌ ಅಡ್ವಾನ್ಸ್‌ ಪಡೆಯಲು ಯೋಚಿಸ್ತಾ ಇದ್ದೀರಾ.. ಈ 3 ಇಪಿಎಫ್‌ಒ ನಿಯಮಗಳನ್ನು ಮೊದಲು ಅರ್ಥ ಮಾಡಿಕೊಳ್ಳಿ

ಇಪಿಎಫ್‌ಒ

ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ - ಇಪಿಎಫ್‌ಒ ಪಿಎಫ್‌ ನಿಧಿಯಿಂದ ನೀವು ಮುಂಗಡ ಹಣವನ್ನು ಹಿಂಪಡೆಯಲು ಯೋಚಿಸುತ್ತಿದ್ದರೆ ಇಪಿಎಫ್‌ಒದ ಹೊಸ ನಿಯಮಗಳನ್ನು ಅರ್ಥ ಮಾಡಿಕೊಳ್ಳುವುದು ತುಂಬಾ ಅಗತ್ಯವಾಗಿದೆ. ಪಿಎಫ್‌ ಅಡ್ವಾನ್ಸ್‌ ಪಡೆಯುವ ಮೊದಲು ಈ ಮೂರು ಇಪಿಎಫ್‌ ನಿಯಮಗಳನ್ನು ಅರ್ಥೈಸಿಕೊಂಡರೆ ಇದು ನಿಮಗೆ ತುಂಬಾ ಸಹಕಾರಿ ಆಗಲಿದೆ.

ಇಪಿಎಫ್‌ಒ ನಿಯಮ

ಇಪಿಎಫ್‌ಒ ಜುಲೈ 1, 2026 ರಿಂದ ಭವಿಷ್ಯ ನಿಧಿ ಖಾತೆಯಿಂದ ​​ಭಾಗಶಃ ಹಿಂಪಡೆಯುವಿಕೆ ನಿಯಮಗಳಲ್ಲಿ ಪ್ರಮುಖ ಬದಲಾವಣೆಗಳನ್ನು ಜಾರಿಗೆ ತಂದಿದೆ. ಇದರಡಿ ಹಿಂದೆ ಇದ್ದ 13 ವಿಭಿನ್ನ ಕಾರಣಗಳ ಬದಲಿಗೆ, ಕೇವಲ ಮೂರು ವಿಭಾಗಗಳನ್ನು ವಿಂಗಡಿಸಲಾಗಿದೆ. ಇದರನ್ವಯ ಎಷ್ಟು ಮಿತಿಯವರೆಗೆ ಪಿಎಫ್‌ ಹಣವನ್ನು ಹಿಂಪಡೆಯಬಹುದು? ಕನಿಷ್ಠ ಬ್ಯಾಲೆನ್ಸ್‌ ನಿಯಮವೇನು? ಎಂಬ ಮಾಹಿತಿ ಇಲ್ಲಿದೆ.

ಪಿಎಫ್‌ ಅಡ್ವಾನ್ಸ್‌ ಹಿಂಪಡೆಯಲು ನಿಯಮ

ಮೊದಲೇ ತಿಳಿಸಿದಂತೆ ಇಪಿಎಫ್‌ಒ ನಿಯಮಗಳ ಪ್ರಕಾರ, ಈಗ ಇಪಿಎಫ್‌ಒ ಸದಸ್ಯರು ಅನಾರೋಗ್ಯ, ಶಿಕ್ಷಣ ಹಾಗೂ ವಸತಿ ಉದ್ದೇಶಗಳಿಗೆ ತಮ್ಮ ಪಿಎಫ್‌ನಿಂದ ಅಡ್ವಾನ್ಸ್‌ ರೂಪದಲ್ಲಿ ಹಣವನ್ನು ಹಿಂಪಡೆಯಬಹುದು.

ಯಾವ ಕಾರಣಕ್ಕೆ ಎಷ್ಟು ಹಣ ಹಿಂಪಡೆಯಬಹುದು?

ಇಪಿಎಫ್‌ಒ ನಿಯಮಗಳ ಪ್ರಕಾರ, ಅನಾರೋಗ್ಯ ಕಾರಣಗಳಿಗೆ ಪಿಎಫ್‌ ಮುಂಗಡವನ್ನು ಹಿಂಪಡೆಯಲು ಯಾವುದೇ ಮಿತಿ ಇಲ್ಲ. ಮಕ್ಕಳ ಶಿಕ್ಷಣಕ್ಕೆ 10 ಬಾರಿ ಹಾಗೂ ಮದುವೆಗಾಗಿ 5 ಬಾರಿ ಪಿಎಫ್‌ ಅಡ್ವಾನ್ಸ್‌ ಪಡೆಯಲು ಅವಕಾಶವಿದೆ. ವಸತಿ ಸಂಬಂಧಿತ ಉದ್ದೇಶಗಳಿಗಾಗಿ ಗರಿಷ್ಠ ಐದು ಬಾರಿ ಪಿಎಫ್‌ ನಿಧಿಯಿಂದ ಮುಂಗಡ ಹಣವನ್ನು ಹಿಂಪಡೆಯಬಹುದಾಗಿದೆ.

25% ಪಿಎಫ್‌ ನಿಧಿ ಕಾಯ್ದುಕೊಳ್ಳುವುದು ಕಡ್ಡಾಯ

ಇಪಿಎಫ್‌ಒ ನಿಯಮಗಳ ಪ್ರಕಾರ, ಸದಸ್ಯರು ತಮ್ಮ ಭವಿಷ್ಯ ನಿಧಿ ಖಾತೆಯಲ್ಲಿರುವ ಹಣದಲ್ಲಿ ಗರಿಷ್ಠ 75% ವರೆಗಿನ ಹಣವನ್ನು ಮಾತ್ರ ಮುಂಗಡವಾಗಿ ಹಿಂಪಡೆಯಲು ಅವಕಾಶವಿದ್ದು, ಉಳಿದ 25% ಅನ್ನು ಕನಿಷ್ಠ ಬ್ಯಾಲೆನ್ಸ್‌ ಆಗಿ ನಿರ್ವಹಿಸುವುದು ಕಡ್ಡಾಯವಾಗಿದೆ.

ಸಂಪೂರ್ಣ ಹಣವನ್ನು ಹಿಂಪಡೆಯಲು ನಿಯಮ

ಆದಾಗ್ಯೂ, ಇಪಿಎಫ್‌ಒ ಹೊಸ ನಿಯಮದಲ್ಲಿ ನಿಯಮಿತ ಷರತ್ತುಗಳನ್ನು ಪೂರೈಸುವ ಮೂಲಕ ಭಾಗಶಃ ಮೊತ್ತವನ್ನು ಹಿಂಪಡೆಯಲು ಅವಕಾಶವಿದ್ದು, ನೀವು ಪಿಎಫ್‌ನಿಂದ ಮುಂಗಡವನ್ನು ಹಿಂಪಡೆಯಲು ಯೋಜಿಸುತ್ತಿದ್ದರೆ, ಅರ್ಜಿ ಸಲ್ಲಿಸುವ ಮೊದಲು ನಿಮ್ಮ ಸೇವಾ ಅವಧಿ ಮತ್ತು ವರ್ಗದ ನಿಯಮಗಳನ್ನು ಪರಿಶೀಲಿಸಲು ಮರೆಯದಿರಿ. (ಗಮನಿಸಿ: ನಿಮ್ಮ ನಿಖರವಾದ ಅರ್ಹತೆ ಮತ್ತು ಆನ್‌ಲೈನ್ ಕ್ಲೈಮ್ ಸ್ಥಿತಿಯನ್ನು ಪರಿಶೀಲಿಸಲು, EPFO ​​ನ ಅಧಿಕೃತ ಸದಸ್ಯ ಇ-ಸೇವಾ ಪೋರ್ಟಲ್‌ಗೆ ಭೇಟಿ ನೀಡಿ ಅಥವಾ ನಿಮ್ಮ ಉದ್ಯೋಗದಾತರು/HR ಅನ್ನು ಸಂಪರ್ಕಿಸಿ.)