HMTಯಿಂದ 'ಕನ್ನಡಿಗ' ವಾಚ್ ಅನಾವರಣ : ಮತ್ತೆ ಮರುಕಳಿಸಿತು ಹಳೆಯ ವೈಭವ

ಬೆಂಗಳೂರು: ಕನ್ನಡ ರಾಜ್ಯೋತ್ಸವದ ವಿಶೇಷ ದಿನದಂದು ಕನ್ನಡಿಗರಿಗೆ ಕೇಂದ್ರ ಸರ್ಕಾರಿ ಸ್ವಾಮ್ಯದ ಹೆಚ್‌ಎಂಟಿ (HMT) ಸಂಸ್ಥೆಯಿಂದ ಅತ್ಯಂತ ಸುಂದರವಾದ ಉಡುಗೊರೆಯೊಂದು ಸಿಕ್ಕಿದೆ. ಹೌದು, ಕನ್ನಡಿಗರ ಅಸ್ಮಿತೆಯ ಪ್ರತೀಕವಾಗಿದ್ದ ಹೆಚ್‌ಎಂಟಿ ಕಂಪನಿಯು ಈಗ ವಿಶೇಷವಾಗಿ 'hmt ಕನ್ನಡಿಗ' ಹೆಸರಿನ ಹೊಸ ಸರಣಿಯ ಕೈಗಡಿಯಾರಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಕೇಂದ್ರ ಬೃಹತ್ ಕೈಗಾರಿಕೆ ಮತ್ತು ಉಕ್ಕು ಖಾತೆ ಸಚಿವರಾದ ಹೆಚ್.ಡಿ. ಕುಮಾರಸ್ವಾಮಿ ಅವರು ಬೆಂಗಳೂರಿನಲ್ಲಿ ಅಧಿಕೃತವಾಗಿ ಈ ನೂತನ ವಾಚ್‌ಗಳನ್ನು ನಾಡಿಗೆ ಸಮರ್ಪಿಸಿದರು.

ಕಾರ್ಯಕ್ರಮದಲ್ಲಿ ಮಾತನಾಡುತ್ತಾ ಭಾವುಕರಾದ ಸಚಿವರು, ಒಂದು ಕಾಲದಲ್ಲಿ 'ಭಾರತದ ಸಮಯಪಾಲಕ' ಎಂದೇ ಖ್ಯಾತಿ ಪಡೆದಿದ್ದ ಹೆಚ್‌ಎಂಟಿ ವಾಚ್‌ಗಳು ನಮ್ಮ ಕರ್ನಾಟಕದ ಹೆಮ್ಮೆಯಾಗಿದ್ದವು. ಅಂತಹ ವೈಭವದ ದಿನಗಳನ್ನು ಮರಳಿ ತರಲು ತಾವು ಪ್ರಾಮಾಣಿಕ ಪ್ರಯತ್ನ ಮಾಡುತ್ತಿರುವುದಾಗಿ ತಿಳಿಸಿದರು. ಈ ಗಡಿಯಾರಗಳು ಈಗ ಅಧಿಕೃತವಾಗಿ ಬಿಡುಗಡೆಯಾಗಿದ್ದು, ಶೀಘ್ರದಲ್ಲೇ ಹೆಚ್‌ಎಂಟಿ ಮಳಿಗೆಗಳಲ್ಲಿ ಮಾರಾಟಕ್ಕೆ ಲಭ್ಯವಿರಲಿವೆ.

ವಾಚ್‌ನ ವಿಶೇಷತೆಗಳು ಮತ್ತು ಬೆಲೆ ಎಷ್ಟು?
ಚೈನ್ ಮತ್ತು ಬೆಲ್ಟ್ (ಸ್ಟ್ರಾಪ್) ಮಾದರಿಗಳಲ್ಲಿ ಒಟ್ಟು ಎಂಟು ಹೊಸ ವಿನ್ಯಾಸದ ಕೈಗಡಿಯಾರಗಳನ್ನು ಬಿಡುಗಡೆ ಮಾಡಲಾಗಿದೆ. ಯುವಜನರು, ಮಹಿಳೆಯರು ಹಾಗೂ ಎಲ್ಲಾ ವಯೋಮಾನದ ಪುರುಷರಿಗೂ ಒಪ್ಪುವಂತೆ ಇವುಗಳನ್ನು ಆಕರ್ಷಕವಾಗಿ ರೂಪಿಸಲಾಗಿದೆ. ಇವುಗಳ ಬೆಲೆ ರೂ. 3,500 ರಿಂದ ರೂ. 3,600 ರವರೆಗೆ ಇರಲಿದೆ. ಬೆಲ್ಟ್ ಮಾದರಿಯ ವಾಚ್‌ಗಳಿಗೆ ಅಪ್ಪಟ ಇಟಾಲಿಯನ್ ಚರ್ಮದ ಬೆಲ್ಟ್‌ಗಳನ್ನು ಬಳಸಲಾಗಿದೆ. ಕೇವಲ ಆ ಬೆಲ್ಟ್‌ನ ಬೆಲೆಯೇ ರೂ. 450 ಇದೆ. ಉತ್ಕೃಷ್ಟ ಗುಣಮಟ್ಟ, ಅತ್ಯಾಧುನಿಕ ತಂತ್ರಜ್ಞಾನ ಮತ್ತು ರಾತ್ರಿ ವೇಳೆಯೂ ಸುಲಭವಾಗಿ ಕಾಣುವ ರೇಡಿಯಂ ಹೊಳಪು ಈ ವಾಚ್‌ಗಳ ಪ್ರಮುಖ ವಿಶೇಷತೆಯಾಗಿದೆ.

ಹೆಚ್‌ಎಂಟಿ ಕಾರ್ಖಾನೆಯ ಐತಿಹಾಸಿಕ ಹಿನ್ನೆಲೆ
ಮೈಸೂರಿನ ಮಹಾರಾಜರಾದ ನಾಲ್ವಡಿ ಕೃಷ್ಣರಾಜ ಒಡೆಯರ್ ಅವರ ದೂರದೃಷ್ಟಿ ಮತ್ತು ಒತ್ತಾಸೆಯಿಂದ 1953ರಲ್ಲಿ ಬೆಂಗಳೂರಿನಲ್ಲಿ ಹೆಚ್‌ಎಂಟಿ ಕಾರ್ಖಾನೆ ಸ್ಥಾಪನೆಯಾಯಿತು. ಈ ಸಂಸ್ಥೆಯು ಒಂದು ಕಾಲದಲ್ಲಿ ಲಕ್ಷಾಂತರ ಕುಟುಂಬಗಳಿಗೆ ಅನ್ನ ನೀಡುವ ಮೂಲಕ ಆರ್ಥಿಕ ಭದ್ರತೆ ಒದಗಿಸಿತ್ತು. ಕೇವಲ ವಾಚ್‌ಗಳಷ್ಟೇ ಅಲ್ಲದೆ, ಟ್ರ್ಯಾಕ್ಟರ್‌ಗಳು, ರಕ್ಷಣೆ ಮತ್ತು ಬಾಹ್ಯಾಕಾಶ ಕ್ಷೇತ್ರಕ್ಕೆ ಬೇಕಾದ ಅನೇಕ ಯಂತ್ರೋಪಕರಣಗಳನ್ನು ಈ ಕಾರ್ಖಾನೆ ತಯಾರಿಸಿದೆ. ಕೇವಲ ವಾಚ್ ವಿಭಾಗದಲ್ಲೇ ಸುಮಾರು 7,000 ಕಾರ್ಮಿಕರು ಕೆಲಸ ಮಾಡುತ್ತಿದ್ದರು. ಪ್ರಧಾನಿ ನರೇಂದ್ರ ಮೋದಿಯವರ ಮಾರ್ಗದರ್ಶನದೊಂದಿಗೆ ಈ ಐತಿಹಾಸಿಕ ಕಾರ್ಖಾನೆಯನ್ನು ಉಳಿಸಿ ಬೆಳೆಸಲು ಪ್ರಾಮಾಣಿಕ ಪ್ರಯತ್ನ ಮಾಡಲಾಗುತ್ತಿದೆ ಎಂದು ಕುಮಾರಸ್ವಾಮಿ ತಿಳಿಸಿದರು.

ಈ ಅಪರೂಪದ ಸಮಾರಂಭಕ್ಕೆ ರಾಜ್ಯದ ನಾನಾ ಭಾಗಗಳಿಂದ ಕನ್ನಡ ಪರ ಹೋರಾಟಗಾರರನ್ನು ಆಹ್ವಾನಿಸಲಾಗಿದ್ದು, ಅವರ ಉಪಸ್ಥಿತಿ ತಮಗೆ ಅತ್ಯಂತ ಖುಷಿ ತಂದಿದೆ ಎಂದು ಸಚಿವರು ಹರ್ಷ ವ್ಯಕ್ತಪಡಿಸಿದರು. ಕಾರ್ಯಕ್ರಮದಲ್ಲಿ ಹೆಚ್‌ಎಂಟಿ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾದ ರಮೇಶ್ ಕುಮಾರ್ ನೂತನ ವಾಚ್‌ಗಳ ಕುರಿತು ಮಾಹಿತಿ ನೀಡಿದರು. ಈ ಸಮಾರಂಭದಲ್ಲಿ ವಿಧಾನಸಭೆ ಪ್ರತಿಪಕ್ಷ ನಾಯಕ ಆರ್. ಅಶೋಕ್, ವಿಧಾನ ಪರಿಷತ್ ಪ್ರತಿಪಕ್ಷ ನಾಯಕ ಛಲವಾದಿ ನಾರಾಯಣಸ್ವಾಮಿ, ಸಂಸದ ಡಾ. ಸಿ.ಎನ್. ಮಂಜುನಾಥ್, ಶಾಸಕರಾದ ಮುನಿರತ್ನ, ಎಂ.ಟಿ. ಕೃಷ್ಣಪ್ಪ, ಟಿ.ಎ. ಶರವಣ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು. ಕಾರ್ಯಕ್ರಮದ ಅಂತ್ಯದಲ್ಲಿ ಪ್ರಖ್ಯಾತ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಮತ್ತು ಅವರ ತಂಡದವರಿಂದ ನಡೆದ ಸಂಗೀತ ಸಂಜೆ ಜನಮನ ಸೆಳೆಯಿತು.

ಎಚ್‌ಎಂಟಿಯಿಂದ ‘ಎಚ್‌ಎಂಟಿ ಕನ್ನಡಿಗ’ ನೂತನ ವಾಚ್‌ ಬಿಡುಗಡೆ: ಕುಮಾರಸ್ವಾಮಿ ಭಾವೋದ್ವೇಗ

ಬೆಂಗಳೂರು: ಕನ್ನಡ ರಾಜ್ಯೋತ್ಸವದ ವಿಶೇಷ ಸಂದರ್ಭದಲ್ಲಿ ಕೇಂದ್ರ ಸರ್ಕಾರದ ಸ್ವಾಮ್ಯದ ಹೆಚ್‌ಎಂಟಿ (HMT) ಕಂಪನಿಯು ಕನ್ನಡಿಗರಿಗಾಗಿಯೇ ತಯಾರಿಸಿರುವ ನೂತನ ಸರಣಿಯ ‘ಎಚ್‌ಎಂಟಿ ಕನ್ನಡಿಗ’ (hmt ಕನ್ನಡಿಗ) ಕೈಗಡಿಯಾರಗಳನ್ನು ಕೇಂದ್ರ ಬೃಹತ್ ಕೈಗಾರಿಕೆ ಮತ್ತು ಉಕ್ಕು ಖಾತೆ ಸಚಿವ ಎಚ್.ಡಿ. ಕುಮಾರಸ್ವಾಮಿ ಅವರು ಲೋಕಾರ್ಪಣೆ ಮಾಡಿದರು.

ಚೈನ್ ಮತ್ತು ಬೆಲ್ಟ್ (ಸ್ಟ್ರಾಪ್) ಮಾದರಿಗಳಲ್ಲಿ ಒಟ್ಟು ಎಂಟು ನೂತನ ಕೈಗಡಿಯಾರಗಳನ್ನು ನಾಡಿಗೆ ಸಮರ್ಪಿಸಿದ ಬಳಿಕ ಮಾತನಾಡಿದ ಅವರು, ನನ್ನ ಬದುಕಿನಲ್ಲಿ ಇದೊಂದು ಅವಿಸ್ಮರಣೀಯ ಕ್ಷಣ ಎಂದು ಭಾವುಕರಾದರು. ಒಂದು ಕಾಲದಲ್ಲಿ 'ಭಾರತದ ಸಮಯಪಾಲಕ' (Timekeeper of India) ಎಂದೇ ಖ್ಯಾತಿ ಗಳಿಸಿದ್ದ ಎಚ್‌ಎಂಟಿ ವಾಚ್‌ಗಳು ಕರ್ನಾಟಕದ ಅಸ್ಮಿತೆಯಾಗಿದ್ದವು. ಬೆಂಗಳೂರಿನಲ್ಲಿ ತಯಾರಾಗುತ್ತಿದ್ದ ಈ ಗಡಿಯಾರಗಳು ನಮ್ಮ ನಾಡಿನ ನಾವಿನ್ಯತೆ ಮತ್ತು ಕೌಶಲ್ಯದ ಪ್ರತೀಕವಾಗಿದ್ದವು. ಆ ಹಳೆಯ ವೈಭವದ ದಿನಗಳನ್ನು ಮರಳಿ ತರಲು ನಾನು ಪ್ರಾಮಾಣಿಕವಾಗಿ ಪ್ರಯತ್ನಿಸುತ್ತಿದ್ದೇನೆ ಎಂದು ಅವರು ತಿಳಿಸಿದರು.

ಈ ನೂತನ ಗಡಿಯಾರಗಳು ಈಗ ಅಧಿಕೃತವಾಗಿ ಬಿಡುಗಡೆಗೊಂಡಿದ್ದು, ಶೀಘ್ರದಲ್ಲೇ ಮಾರುಕಟ್ಟೆಯಲ್ಲಿ ಹಾಗೂ ಎಚ್‌ಎಂಟಿ ಅಧಿಕೃತ ಮಳಿಗೆಗಳಲ್ಲಿ ಗ್ರಾಹಕರಿಗೆ ಲಭ್ಯವಾಗಲಿವೆ. ಎಚ್‌ಎಂಟಿ ಬ್ರಾಂಡಿನ ವಾಚ್‌ಗಳನ್ನು ಕಟ್ಟಿಕೊಳ್ಳಲು ಯಾವುದೇ ವಯಸ್ಸಿನ ಮಿತಿಯಿಲ್ಲ. ಯುವಜನರು, ಹಿರಿಯರು ಸೇರಿದಂತೆ ಎಲ್ಲಾ ವಯೋಮಾನದ ಪುರುಷರು ಮತ್ತು ಮಹಿಳೆಯರಿಗೆ ಇಷ್ಟವಾಗುವ ರೀತಿಯಲ್ಲಿ ಇವುಗಳನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಸಚಿವರು ವಿವರಿಸಿದರು.

ವಿಶೇಷತೆಗಳು ಮತ್ತು ಬೆಲೆ ಎಷ್ಟು? ಅತ್ಯುತ್ತಮ ಗುಣಮಟ್ಟ, ಅತ್ಯಾಧುನಿಕ ತಂತ್ರಜ್ಞಾನ ಹಾಗೂ ರೇಡಿಯಂ ಹೊಳಪನ್ನು ಹೊಂದಿರುವ ಈ ಗಡಿಯಾರಗಳ ಬೆಲೆ ಮೂರೂವರೆ ಸಾವಿರದಿಂದ ಮೂರೂವರೆ ಸಾವಿರದ ಆಸುಪಾಸಿನಲ್ಲಿದೆ (₹3,500 ರಿಂದ ₹3,600). ಬೆಲ್ಟ್ ಮಾದರಿಯ ವಾಚ್‌ಗಳಿಗೆ ಇಟಲಿಯ ಅಪ್ಪಟ ಚರ್ಮದ ಬೆಲ್ಟ್‌ಗಳನ್ನು ಅಳವಡಿಸಲಾಗಿದ್ದು, ಕೇವಲ ಆ ಬೆಲ್ಟ್ ಒಂದರ ಬೆಲೆಯೇ 450 ರೂಪಾಯಿಗಳಷ್ಟಿದೆ ಎಂದು ಸಚಿವರು ಮಾಹಿತಿ ನೀಡಿದರು.

ಕನ್ನಡ ಹೋರಾಟಗಾರರ ಉಪಸ್ಥಿತಿ: ಕರ್ನಾಟಕದ ಸಂಸ್ಕೃತಿ ಹಾಗೂ ಪರಂಪರೆಯ ಸಂಕೇತವಾಗಿರುವ ಈ ಕಾರ್ಯಕ್ರಮಕ್ಕೆ ರಾಜ್ಯದ ಎಲ್ಲಾ ಪ್ರಮುಖ ಕನ್ನಡಪರ ಸಂಘಟನೆಗಳ ಮುಖಂಡರನ್ನು ಆಹ್ವಾನಿಸಲಾಗಿತ್ತು. ಆಹ್ವಾನವನ್ನು ಸ್ವೀಕರಿಸಿ ಆಗಮಿಸಿದ ಕನ್ನಡ ಹೋರಾಟದ ಕಟ್ಟಾಳುಗಳನ್ನು ಕಂಡು ತಮಗೆ ಅತೀವ ಸಂತೋಷವಾಗಿದೆ ಎಂದರು. ಕನ್ನಡ ರಾಜ್ಯೋತ್ಸವ ಮತ್ತು ಹೆಚ್‌ಎಂಟಿ ವಾಚ್‌ಗಳ ಬಿಡುಗಡೆ ಒಂದೇ ದಿನ ಬಂದಿರುವುದು ಅಪರೂಪದ ಕಾಕತಾಳೀಯ ಹಾಗೂ ಅವಿಸ್ಮರಣೀಯ ಸಂಗತಿ ಎಂದು ಬಣ್ಣಿಸಿದರು.

ಮೈಸೂರಿನ ಮಹಾರಾಜರಾದ ನಾಲ್ವಡಿ ಕೃಷ್ಣರಾಜ ಒಡೆಯರ್ ಅವರ ದೂರದೃಷ್ಟಿ ಮತ್ತು ಒತ್ತಾಸೆಯಿಂದಾಗಿ 1953ರಲ್ಲಿ ಬೆಂಗಳೂರಿನಲ್ಲಿ ಎಚ್‌ಎಂಟಿ ಕಾರ್ಖಾನೆ ಸ್ಥಾಪನೆಯಾಯಿತು. ಈ ಕಾರ್ಖಾನೆ ಲಕ್ಷಾಂತರ ಕುಟುಂಬಗಳಿಗೆ ನೆಲೆ ಕಲ್ಪಿಸಿಕೊಟ್ಟಿತ್ತು. ಕೇವಲ ವಾಚ್‌ಗಳಷ್ಟೇ ಅಲ್ಲದೆ ಟ್ರ್ಯಾಕ್ಟರ್‌ಗಳು, ರಕ್ಷಣೆ ಮತ್ತು ಬಾಹ್ಯಾಕಾಶ ಕ್ಷೇತ್ರಕ್ಕೆ ಬೇಕಾದ ಅನೇಕ ಯಂತ್ರೋಪಕರಣಗಳನ್ನು ಇದು ತಯಾರಿಸುತ್ತಿತ್ತು. ಗಡಿಯಾರ ವಿಭಾಗವೊಂದರಲ್ಲೇ ಸುಮಾರು ಏಳು ಸಾವಿರ ಕಾರ್ಮಿಕರು ಕೆಲಸ ಮಾಡುತ್ತಿದ್ದರು. ಅಂತಹ ಹೆಗ್ಗಳಿಕೆಯ ಕಾರ್ಖಾನೆಯನ್ನು ಉಳಿಸಿ ಬೆಳೆಸಲು ಪ್ರಧಾನಿ ನರೇಂದ್ರ ಮೋದಿಯವರ ಮಾರ್ಗದರ್ಶನದಲ್ಲಿ ನಿರಂತರ ಶ್ರಮಿಸುತ್ತಿದ್ದೇವೆ ಎಂದು ತಿಳಿಸಿದರು.

ಕಾರ್ಯಕ್ರಮಕ್ಕೂ ಮುನ್ನ ಹೆಚ್‌ಎಂಟಿ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ರಮೇಶ್ ಕುಮಾರ್ ಅವರು ನೂತನ ಕೈಗಡಿಯಾರಗಳ ತಾಂತ್ರಿಕ ವೈಶಿಷ್ಟ್ಯಗಳ ಬಗ್ಗೆ ವಿವರಣೆ ನೀಡಿದರು. ಕಾರ್ಯಕ್ರಮದಲ್ಲಿ ವಿಧಾನಸಭೆ ಪ್ರತಿಪಕ್ಷ ನಾಯಕ ಆರ್. ಅಶೋಕ್, ವಿಧಾನ ಪರಿಷತ್ ಪ್ರತಿಪಕ್ಷ ನಾಯಕ ಛಲವಾದಿ ನಾರಾಯಣಸ್ವಾಮಿ, ಸಂಸದ ಡಾ. ಸಿ.ಎನ್. ಮಂಜುನಾಥ್, ಶಾಸಕರಾದ ಮುನಿರತ್ನ, ಎಂ.ಟಿ. ಕೃಷ್ಣಪ್ಪ, ಟಿ.ಎ. ಶರವಣ, ವಿಧಾನಪರಿಷತ್ ಸದಸ್ಯ ಎ.ಪಿ. ರಂಗನಾಥ್ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು.

ಸಮಾರಂಭದ ಅಂತ್ಯದಲ್ಲಿ ಪ್ರಖ್ಯಾತ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಮತ್ತು ಅವರ ತಂಡದಿಂದ ನಡೆಸಿಕೊಡಲ್ಪಟ್ಟ ಕನ್ನಡ ಸಂಗೀತ ಸಂಜೆ ಕಾರ್ಯಕ್ರಮವು ನೆರೆದಿದ್ದ ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸಿತು. ಕನ್ನಡದ ಜನಪ್ರಿಯ ಗೀತೆಗಳ ಮೂಲಕ ಅಭಿಮಾನಿಗಳಲ್ಲಿ ರೋಮಾಂಚನ ಮೂಡಿಸಿತು.