ಬಿಗ್‌ಬಾಸ್‌ನಿಂದ ಹೊರಬಂದ ಮಂಜ.. ಕೇವಲ 5 ವಾರಗಳ ಆಟಕ್ಕೆ ಪಡೆದ ಸಂಭಾವನೆ ಎಷ್ಟು ಗೊತ್ತೇ?

Bigg Boss Manja Remuneration: ಬಿಗ್‌ಬಾಸ್ ಕನ್ನಡ ಸೀಸನ್ 13ರ ಮನೆಯಿಂದ ಹೊರಬಂದಿರುವ ಮಂಜ ರೆಡ್‌ ಕಾರ್ಡ್‌ ಪಡೆದ ಕಾರಣ ಐದು ವಾರಗಳಲ್ಲೇ ತಮ್ಮ ಆಟವನ್ನು ಕೊನೆಗೊಳಿಸಿದ್ದಾರೆ. ಟಾಸ್ಕ್‌ ವೇಳೆ ತಾಂಡವ್‌ ರಾಮ್‌ ಅವರೊಂದಿಗೆ ನಡೆದ ಸಂಘರ್ಷ ಹಾಗೂ ಕಾಲಿನಿಂದ ಒದ್ದ ಘಟನೆ ಮಂಜ ಅವರ ಎಲಿಮಿನೇಷನ್‌ಗೆ ಪ್ರಮುಖ ಕಾರಣವಾಗಿದೆ. ಈ ಬೆಳವಣಿಗೆಯ ಬೆನ್ನಲ್ಲೇ ಮಂಜ ಅವರ ಸಂಭಾವನೆ ಕುರಿತ ಚರ್ಚೆ ಶುರುವಾಗಿದೆ. ಈ ಕುರಿತ ಇಂಟ್ರೆಸ್ಟಿಂಗ್ ಮಾಹಿತಿ ಇಲ್ಲಿದೆ.

ಬಿಗ್‌ಬಾಸ್ ಕನ್ನಡ ಸೀಸನ್ 13ರಲ್ಲಿ ತಮ್ಮದೇ ಶೈಲಿಯಿಂದ ಗಮನ ಸೆಳೆದಿರುವ ಮಂಜ ಅವರ ಸಂಭಾವನೆ ಎಷ್ಟು ಎಂಬ ಕುತೂಹಲ ಅಭಿಮಾನಿಗಳಲ್ಲಿದೆ. ಬಿಗ್‌ಬಾಸ್ ಮನೆಯಲ್ಲಿ ಸ್ಪರ್ಧಿಗಳು ಪಡೆಯುವ ಸಂಭಾವನೆ, ಬಹುಮಾನ ಮತ್ತು ಇತರ ಸೌಲಭ್ಯಗಳ ಬಗ್ಗೆ ಪ್ರೇಕ್ಷಕರು ಆಸಕ್ತಿ ತೋರಿಸುತ್ತಿದ್ದಾರೆ. ಈ ನಡುವೆ ಮಂಜ ಅವರಿಗೆ ವಾರದ ಸಂಭಾವನೆಯ ಜೊತೆಗೆ ಪ್ರಾಯೋಜಕರಿಂದ 3 ಲಕ್ಷ ರೂಪಾಯಿ ನಗದು ಬಹುಮಾನ ಸಿಕ್ಕರೆ ಅವರ ಒಟ್ಟು ಗಳಿಕೆ ಎಷ್ಟಾಗಬಹುದು ಎಂಬ ಲೆಕ್ಕಾಚಾರವೂ ಇಲ್ಲಿದೆ.

ಬಿಗ್‌ಬಾಸ್ ಮನೆಯಲ್ಲಿ ಸ್ಪರ್ಧಿಗಳಿಗೆ ಸಾಮಾನ್ಯವಾಗಿ ಅವರು ಮಾಡಿಕೊಂಡಿರುವ ಒಪ್ಪಂದದ ಪ್ರಕಾರ ಸಂಭಾವನೆ ನೀಡಲಾಗುತ್ತದೆ. ಸ್ಪರ್ಧಿಯ ಜನಪ್ರಿಯತೆ, ಕಾರ್ಯಕ್ರಮದಲ್ಲಿ ಉಳಿಯುವ ಅವಧಿ ಮತ್ತು ಒಪ್ಪಂದದ ಷರತ್ತುಗಳನ್ನು ಆಧರಿಸಿ ಈ ಮೊತ್ತ ಬದಲಾಗಬಹುದು.

ಒಂದು ವೇಳೆ ಮಂಜ ಅವರಿಗೆ ವಾರಕ್ಕೆ 40 ಸಾವಿರ ರೂಪಾಯಿವರೆಗೆ ಸಂಭಾವನೆ ನಿಗದಿಯಾಗಿದ್ದರೆ, ಐದು ವಾರಗಳ ಕಾಲ ಬಿಗ್‌ಬಾಸ್ ಮನೆಯಲ್ಲಿ ಉಳಿದಿದ್ದಕ್ಕೆ ಒಟ್ಟು ಸುಮಾರು 2 ಲಕ್ಷ ರೂಪಾಯಿವರೆಗೆ ಸಂಭಾವನೆ ಸಿಗಬಹುದು.

ಇನ್ನು ಪ್ರಾಯೋಜಕರಿಂದ ದೊರೆಯುವ 3 ಲಕ್ಷ ರೂಪಾಯಿ ನಗದು ಬಹುಮಾನವನ್ನು ಸೇರಿಸಿದರೆ, ಮಂಜ ಅವರಿಗೆ ಬಿಗ್‌ಬಾಸ್ ಮನೆಯಿಂದ ಒಟ್ಟು 5 ಲಕ್ಷ ರೂಪಾಯಿ ಹಣ ಸಿಗಬಹುದು ಎಂದು ಅಂದಾಜಿಸಬಹುದಾಗಿದೆ. ಆದರೆ, ಈ ಸಂಭಾವನೆ ಮತ್ತು ಬಹುಮಾನದ ಮೊತ್ತ ಅಧಿಕೃತವಾಗಿ ದೃಢಪಟ್ಟಿಲ್ಲ.

ಮಂಜಗೆ ರೆಡ್‌ ಕಾರ್ಡ್‌ ನೀಡಿದ್ದೇಕೆ?

ಬಿಗ್‌ಬಾಸ್ ಮನೆಯಲ್ಲಿ ಟಾಸ್ಕ್‌ ನಡೆಯುವ ಸಂದರ್ಭದಲ್ಲಿ ಮಂಜ ಹಾಗೂ ತಾಂಡವ್‌ ರಾಮ್‌ ನಡುವೆ ಸಂಘರ್ಷ ನಡೆದಿತ್ತು. ಈ ವೇಳೆ ಮಂಜ ತಾಂಡವ್‌ ರಾಮ್‌ ಅವರನ್ನು ಕಾಲಿನಿಂದ ಒದ್ದಿದ್ದಾರೆ ಎನ್ನಲಾದ ಘಟನೆ ವಿವಾದಕ್ಕೆ ಕಾರಣವಾಯಿತು. ಮನೆಯೊಳಗಿನ ನಿಯಮ ಉಲ್ಲಂಘನೆಯ ಹಿನ್ನೆಲೆಯಲ್ಲಿ ಮಂಜಗೆ ರೆಡ್‌ ಕಾರ್ಡ್‌ ನೀಡಲಾಗಿದ್ದು, ಅವರು ಬಿಗ್‌ಬಾಸ್ ಮನೆಯಿಂದ ಹೊರಬಂದಿದ್ದಾರೆ. ಹೀಗಾಗಿ ಕಡಿಮೆ ವೋಟ್‌ಗಳಿಂದ ಎಲಿಮಿನೇಟ್‌ ಆಗುವ ಬದಲು, ರೆಡ್‌ ಕಾರ್ಡ್‌ನೊಂದಿಗೆ ಅವರ ಆಟ ಅಂತ್ಯಗೊಂಡಿದೆ.

ಬಿಗ್‌ಬಾಸ್ ಕನ್ನಡ 13ರಲ್ಲಿ ಮಂಜ ಉತ್ತಮ ಸ್ಪರ್ಧಿಯಾಗಿದ್ದರು. ಆದರೆ, ತಮ್ಮ ವರ್ತನೆ ಹಾಗೂ ವಿವಾದಾತ್ಮಕ ಘಟನೆಯಿಂದಾಗಿ ಐದು ವಾರಗಳಲ್ಲೇ ಬಿಗ್‌ಬಾಸ್ ಪಯಣ ಮುಗಿಸಿದ್ದಾರೆ. ಇದೀಗ ಅವರ ಸಂಭಾವನೆ ಹಾಗೂ ಒಟ್ಟು ಗಳಿಕೆಯ ಬಗ್ಗೆ ಅಭಿಮಾನಿಗಳಲ್ಲಿ ಕುತೂಹಲ ಮುಂದುವರಿದಿದೆ.

ಗಮನಿಸಿ : ಈ ವರದಿಯಲ್ಲಿ ಉಲ್ಲೇಖಿಸಲಾಗಿರುವ ಮಂಜಾ ಅವರ ಸಂಭಾವನೆ ಸಂಪೂರ್ಣವಾಗಿ ಸಾಮಾಜಿಕ ಜಾಲತಾಣಗಳು ಮತ್ತು ವಿವಿಧ ಆನ್‌ಲೈನ್ ಮೂಲಗಳಲ್ಲಿ ಹರಿದಾಡುತ್ತಿರುವ ಊಹಾಪೋಹಗಳು ಹಾಗೂ ವರದಿಗಳನ್ನು ಆಧರಿಸಿದೆ. ಈ ಮಾಹಿತಿಗೆ ಸಂಬಂಧಿಸಿದಂತೆ ಬಿಗ್‌ಬಾಸ್ ಆಯೋಜಕರು, ವಾಹಿನಿ ಅಥವಾ ಸ್ಪರ್ಧಿ ಯಾವುದೇ ಅಧಿಕೃತ ಸ್ಪಷ್ಟನೆ ಅಥವಾ ದೃಢೀಕರಣ ನೀಡಿಲ್ಲ. Zee Kannada news ಇದನ್ನು ದೃಡೀಕರಿಸುವುದಿಲ್ಲ.