ಅವಧಿಪೂರ್ವ ನಿವೃತ್ತಿ ಹೊಂದುವವರಿಗೆ ಇಪಿಎಫ್‌ಒ ನಿಯಮಗಳೇನು? ಫುಲ್‌ ಪಿಎಫ್‌ ಪಡೆಯಲು ಎಷ್ಟು ಸಮಯ ಬೇಕು!

ನೌಕರರ ಭವಿಷ್ಯ ನಿಧಿ ಸಂಸ್ಥೆ (EPFO) ಅವಧಿಪೂರ್ವ ನಿವೃತ್ತಿ ಹೊಂದುವವರಿಗೆ ಸಂಬಂಧಿಸಿದಂತೆ ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ. ಇದರ ನೇರ ಪರಿಣಾಮ ಇಪಿಎಫ್‌ಒ ಸದಸ್ಯರು ತಮ್ಮ ಪೂರ್ಣ ಇಪಿಎಫ್‌ ಹಣವನ್ನು ಹಿಂಪಡೆಯುವುದರ ಮೇಲೆ ಕಂಡು ಬರಲಿದೆ. ಏನು ಈ ಹೊಸ ಇಪಿಎಫ್‌ಒ ನಿಯಮ? ಇದು ಅವಧಿಪೂರ್ವ ನಿವೃತ್ತಿ ಹೊಂದುವವರಿಗೆ ಹೇಗೆ ಪರಿಣಾಮ ಬೀರಲಿದೆ ಎಂಬ ಮಹತ್ವದ ಮಾಹಿತಿ ಇಲ್ಲಿದೆ.

ಅವಧಿಪೂರ್ವ ನಿವೃತ್ತಿ ಎಂದರೆ ಏನು?
ಯಾವುದೇ ಉದ್ಯೋಗಿಯೂ 55 ವರ್ಷ ವಯಸ್ಸಾಗುವ ಮೊದಲೇ ತಮ್ಮ ಕೆಲಸವನ್ನು ತ್ಯಜಿಸುವ ಅಥವಾ ನಿವೃತ್ತಿಯನ್ನು ತೆಗೆದುಕೊಳ್ಳಲು ನಿರ್ಧರಿಸಿದರೆ ಅದನ್ನು ಅವಧಿಪೂರ್ವ ನಿವೃತ್ತಿ ಎಂದು ಹೇಳಲಾಗುತ್ತದೆ.

ಅವಧಿಪೂರ್ವ ನಿವೃತ್ತಿ ಹೊಂದಿದವರಿಗೆ ಇಪಿಎಫ್‌ ನಿಯಮಗಳೇನು?
ಕೇಂದ್ರ ಟ್ರಸ್ಟಿಗಳ ಮಂಡಳಿ (CBT) ಅವಧಿಪೂರ್ವ ನಿವೃತ್ತಿ ಹೊಂದಿದವರಿಗೆ ಇಪಿಎಫ್‌ ನಿಯಮಗಳಲ್ಲಿ ಮಹತ್ವದ ಬದಲಾವಣೆಗಳನ್ನು ಮಾಡಿದ್ದು ಈ ಕುರಿತಂತೆ ಜೂನ್ 29, 2026 ರಂದು ಹೊಸ ಅಧಿಸೂಚನೆಯನ್ನು ಹೊರಡಿಸಿತು. ವಾಸ್ತವವಾಗಿ, ಹಲವು ಇಪಿಎಫ್‌ ಸದಸ್ಯರು ತಮ್ಮ ಇಪಿಎಫ್‌ಒ ಖಾತೆಯಿಂದ ಹಣ ಹಿಂಪಡೆಯುವಲ್ಲಿ ಎದುರಿಸುತ್ತಿರುವ ಸಮಸ್ಯೆಗಳ ಬಗ್ಗೆ ದೂರು ಸಲ್ಲಿಸಿದ್ದ ಹಿನ್ನಲೆಯಲ್ಲಿ ಕೇಂದ್ರ ಟ್ರಸ್ಟಿಗಳ ಮಂಡಳಿಯ ಈ ಮಹತ್ವದ ಅಧಿಸೂಚನೆ ಹೊರಬಿದ್ದಿತ್ತು.

ಕೇಂದ್ರ ಟ್ರಸ್ಟಿಗಳ ಮಂಡಳಿ (CBT) ಗೆಜೆಟ್ ಅಧಿಸೂಚನೆ ಇಪಿಎಫ್‌ ನಿಧಿಯ ಬಗ್ಗೆ ಸ್ಪಷ್ಟವಾಗಿ ಉಲ್ಲೇಖಿಸಿದ್ದು, ಯಾವುದೇ ಉದ್ಯೋಗಿಯೂ  55 ವರ್ಷ ವಯಸ್ಸಾಗುವ ಮೊದಲು ನಿವೃತ್ತಿ ಪಡೆದರೆ ಅವರು 12 ತಿಂಗಳೊಳಗೆ ತಮ್ಮ ಇಪಿಎಫ್ ಬಾಕಿಯ 75 ಪ್ರತಿಶತವನ್ನು ಹಿಂಪಡೆಯಬಹುದು.  ಉದ್ಯೋಗಿಯು 55 ವರ್ಷವಿದ್ದಾಗ ನಿವೃತ್ತಿ ಹೊಂದಿದಲ್ಲಿ ಸೇವೆಯಿಂದ ಹೊರಬಂದ 10 ದಿನಗಳ ಒಳಗೆ ತಮ್ಮ ಸಂಪೂರ್ಣ ಬಾಕಿ ಮೊತ್ತವನ್ನು ಹಿಂಪಡೆಯಬಹುದು ಎಂದು ತಿಳಿಸಿದೆ.

ಕೇಂದ್ರ ಟ್ರಸ್ಟಿಗಳ ಮಂಡಳಿಗೆ ಸಲ್ಲಿಸಿದ್ದ ದೂರಿನಲ್ಲಿ ಇಪಿಎಫ್‌ಒ ಸದಸ್ಯರೊಬ್ಬರು, "ನಾನು 58 ನೇ ವಯಸ್ಸಿನಲ್ಲಿ ನಿವೃತ್ತಿ ಪಡೆದೆ. ಆದಾಗ್ಯೂ, ನಾನು ಕ್ಲೇಮ್‌ಗಳ ಇತ್ಯರ್ಥಕ್ಕಾಗಿ ಅರ್ಜಿ ಸಲ್ಲಿಸಲು ಪ್ರಯತ್ನಿಸಿದಾಗ 'ಸದಸ್ಯರು ಪ್ರಸ್ತುತ ಪಿಎಫ್ ಅಂತಿಮ ಇತ್ಯರ್ಥ (ಫಾರ್ಮ್ 19) ಕ್ಲೇಮ್ ಅನ್ನು ಸಲ್ಲಿಸಲು ಅರ್ಹರಲ್ಲ, ಏಕೆಂದರೆ ನಿರ್ಗಮನದ ದಿನಾಂಕದಿಂದ 12 ತಿಂಗಳ ಕಡ್ಡಾಯ ಕಾಯುವ ಅವಧಿ ಪೂರ್ಣಗೊಂಡಿಲ್ಲ' ಎಂಬ ಸಂದೇಶ ಬಂದಿದೆ ಎಂದು ಉಲ್ಲೇಖಿಸಿದ್ದರು.

ವಾಸ್ತವವಾಗಿ, ಇಪಿಎಫ್‌ಒದ ಈ ಸಂದೇಶವು ಜೂನ್ 29, 2026 ರಂದು ಕೇಂದ್ರ ಟ್ರಸ್ಟಿಗಳ ಮಂಡಳಿ (CBT) ಗೆಜೆಟ್ ಅಧಿಸೂಚನೆಗೆ ವಿರುದ್ಧವಾಗಿದೆ. ಇಂತಹ ಸಂದರ್ಭದಲ್ಲಿ ಆಗುವ ಸಾಮಾನ್ಯ ತಪ್ಪುಗಳ ಬಗ್ಗೆ ಇಪಿಎಫ್‌ಒ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಇಪಿಎಫ್‌ಒ ಸದಸ್ಯರು 55 ವರ್ಷ ವಯಸ್ಸನ್ನು ತಲುಪಿದ ನಂತರ ಸೇವೆಯಿಂದ ನಿವೃತ್ತರಾದಾಗ ನಿಧಿಯಲ್ಲಿನ ತನ್ನ ಪೂರ್ಣ ಮೊತ್ತವನ್ನು ಹಿಂಪಡೆಯಬಹುದು. ಆದರೆ, ಇದಕ್ಕಾಗಿ ಅರ್ಜಿ ಸಲ್ಲಿಸುವಾಗ ಇಪಿಎಫ್‌ಒ ಸಂಸ್ಥೆಯು, 'ನಿವೃತ್ತಿ' ಮತ್ತು '55 ವರ್ಷಗಳ ನಂತರ ನಿವೃತ್ತಿ' ಎಂಬ ಎರಡು ವಿಂಡೋಗಳನ್ನು ರಚಿಸಿದೆ. ನೀವು ಇಪಿಎಫ್‌ ಮೊತ್ತಕ್ಕಾಗಿ ಅರ್ಜಿ ಸಲ್ಲಿಸುವಾಗ "55 ವರ್ಷಗಳ ನಂತರ ನಿವೃತ್ತರಾಗುವವರು ಹಕ್ಕು ಸಲ್ಲಿಸುವಾಗ ಡ್ರಾಪ್ ಡೌನ್ ಮೆನುವಿನಲ್ಲಿ '55 ವರ್ಷಗಳ ನಂತರ ನಿವೃತ್ತಿ' ಆಯ್ಕೆ ಮಾಡಿಕೊಳ್ಳಬೇಕು. ಇತರರು 'ನಿವೃತ್ತಿ' ಆಯ್ಕೆಯ ಅಡಿಯಲ್ಲಿ ಸಲ್ಲಿಸಬಹುದು". ಇದು ಇಪಿಎಫ್‌ ಮೊತ್ತವನ್ನು ಹಿಂಪಡೆಯಲು ಇರುವ ಅರ್ಹತಾ ಮಾನದಂಡಗಳಲ್ಲಿನ ಗೊಂದಲವನ್ನು ನಿವಾರಿಸುತ್ತದೆ ಎಂದು ಇಪಿಎಫ್‌ಒ ಅಧಿಕಾರಿಗಳು ತಿಳಿಸಿದ್ದಾರೆ.

ಮೂರೇ ದಿನಗಳಲ್ಲಿ ಕೈ ಸೇರುತ್ತೆ ಇಪಿಎಫ್‌ ಸಂಪೂರ್ಣ ಹಣ:
55 ವರ್ಷ ವಯಸ್ಸಿನ ಸದಸ್ಯರು ₹5 ಲಕ್ಷಕ್ಕಿಂತ ಹೆಚ್ಚಿನ ಮೊತ್ತವನ್ನು ಹೊಂದಿದ್ದರೆ, ಏಳರಿಂದ 10 ದಿನಗಳಲ್ಲಿ ತಮ್ಮ ಪಿಎಫ್‌ ಹಣವನ್ನು ಸ್ವೀಕರಿಸುತ್ತಾರೆ. ₹ 5 ಲಕ್ಷಕ್ಕಿಂತ ಕಡಿಮೆ ಮೊತ್ತವನ್ನು ಹೊಂದಿದ್ದರೆ, ಮೂರು ದಿನಗಳಲ್ಲಿ ಹಣವನ್ನು ವಿತರಿಸಲಾಗುತ್ತದೆ. "55 ವರ್ಷ ತುಂಬಿದ ಮತ್ತು 'ನಿವೃತ್ತಿ' ವಿಂಡೋ ಅಡಿಯಲ್ಲಿ ಹಕ್ಕು ಸಲ್ಲಿಸುತ್ತಿರುವ ಕೆಲವು ಜನರಿಗೆ 12 ತಿಂಗಳ ಕಾಯುವ ಅವಧಿಯ ಸಂದೇಶ ಬರುತ್ತಿದೆ. ನಾವು ಇದನ್ನು FAQ ವಿಭಾಗದಲ್ಲಿ ಸ್ಪಷ್ಟಪಡಿಸಿದ್ದೇವೆ. ನಾವು ಇದನ್ನು ಸಾಮಾಜಿಕ ಮಾಧ್ಯಮದ ಮೂಲಕವೂ ಪ್ರಚಾರ ಮಾಡುತ್ತೇವೆ" ಎಂದು ಇಪಿಎಫ್‌ಒ ಅಧಿಕಾರಿಗಳು ತಿಳಿಸಿದ್ದಾರೆ.

ಇಂತಹವರಿಗೆ 12 ತಿಂಗಳ ಕಾಯುವ ಅವಧಿ ಪರಿಚಯ:
ಇದೇ ಸಂದರ್ಭದಲ್ಲಿ ಇಪಿಎಫ್‌ಒ ಹಣ ಪಡೆಯಲು ಕಾಯುವ ಅವಧಿ ಬಗ್ಗೆಯೂ ಮಾಹಿತಿ ನೀಡಿರುವ ಇಪಿಎಫ್‌ಒ ಅಧಿಕಾರಿ, ಯಾವುದೇ ನೌಕರರು ಉದ್ಯೋಗ ಬದಲಾಯಿಸುವಾಗ ಅಥವಾ ನಿರುದ್ಯೋಗದಂತಹ ಸಂದರ್ಭದಲ್ಲಿ ಭವಿಷ್ಯ ನಿಧಿಯಲ್ಲಿರುವ ತಮ್ಮ ಪೂರ್ಣ ಬಾಕಿ ಹಣವನ್ನು ಹಿಂಪಡೆಯುವುದನ್ನು ತಡೆಯಲು 12 ತಿಂಗಳ ಕಾಯುವ ಅವಧಿಯನ್ನು ಪರಿಚಯಿಸಲಾಗಿದೆ ಎಂದು ತಿಳಿಸಿದರು. ಇದರ ಹಿಂದಿನ ಕಾರಣವನ್ನೂ ಬಿಚ್ಚಿಟ್ಟ ಅವರು, ಸಾಮಾನ್ಯವಾಗಿ ನೌಕರರು ಕೆಲಸ ಬದಲಾಯಿಸುವಾಗ ತಮ್ಮ ಪಿಎಫ್‌ ಹಣವನ್ನು ಸಂಪೂರ್ಣವಾಗಿ ಹಿಂಪಡೆಯುತ್ತಾರೆ. ಈ ರೀತಿ ಮಾಡುವುದರಿಂದ ಅವರ ನಿವೃತ್ತಿ ನಿಧಿ ಕಡಿಮೆ ಆಗುತ್ತದೆ. ಇದನ್ನು ತಪ್ಪಿಸಲು ಪಿಎಫ್‌ ಹಣ ಹಿಂಪಡೆಯಲು ಒಂದು ವರ್ಷಗಳ ಕಾಯುವಿಕೆಯನ್ನು ಪರಿಚಯಿಸಲಾಗಿದೆ ಎಂದು ಮಾಹಿತಿ ನೀಡಿದರು.

ಇಪಿಎಫ್‌ಒ ದತ್ತಾಂಶದ ಪ್ರಕಾರ, 2024-25ರಲ್ಲಿ ಒಟ್ಟು 52,95,281 ಸದಸ್ಯರು ಕ್ಲೇಮ್‌ಗಳ ಅಂತಿಮ ಇತ್ಯರ್ಥವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಈ ಸದಸ್ಯರಲ್ಲಿ ಶೇಕಡಾ 75 ಕ್ಕಿಂತ ಹೆಚ್ಚು ಸದಸ್ಯರು ₹ 50,000 ಕ್ಕಿಂತ ಕಡಿಮೆ ನಿಧಿಯನ್ನು ಪಡೆದಿದ್ದಾರೆ. 2024-25ರಲ್ಲಿ ಅಂತಿಮ ಇತ್ಯರ್ಥಕ್ಕೆ ಆಯ್ಕೆ ಮಾಡಿಕೊಂಡ ಶೇ. 48.73 ರಷ್ಟು ಸದಸ್ಯರು ₹ 20,000 ಕ್ಕಿಂತ ಕಡಿಮೆ ಹಣವನ್ನು ಪಡೆದಿದ್ದಾರೆ ಎಂದು ದತ್ತಾಂಶವು ತೋರಿಸುತ್ತದೆ. ಶೇ. 1.29 ರಷ್ಟು ಜನರು ₹ 5 ಲಕ್ಷದಿಂದ ₹ 10 ಲಕ್ಷದವರೆಗೆ ಪಡೆದರೆ, ಶೇ. 1.01 ರಷ್ಟು ಜನರು ₹ 10 ಲಕ್ಷದಿಂದ ₹ 25 ಲಕ್ಷದವರೆಗೆ ಪಡೆದಿದ್ದಾರೆ ಮತ್ತು ಶೇ. 0.62 ರಷ್ಟು ಜನರು ಮಾತ್ರ ₹ 25 ಲಕ್ಷಕ್ಕಿಂತ ಹೆಚ್ಚು ಪಡೆದಿದ್ದಾರೆ ಎಂದು ಅಂಕಿ ಅಂಶಗಳಿಂದ