3D ಕರ್ವ್ಡ್ ಡಿಸ್ಪ್ಲೇ, 6000mAh ಬ್ಯಾಟರಿ, 45W ಫಾಸ್ಟ್ ಚಾರ್ಜಿಂಗ್‌! ಹೊಸ Lava Curve 5G ಬಿಡುಗಡೆ
ದೇಶೀಯ ಸ್ಮಾರ್ಟ್‌ಫೋನ್‌ ಬ್ರ್ಯಾಂಡ್‌ ಲಾವಾ ಹೊಸ Curve 5G ಫೋನ್ ಬಿಡುಗಡೆ ಮಾಡಿದೆ. 6.67 ಇಂಚಿನ 3D ಕರ್ವ್ಡ್ AMOLED ಡಿಸ್ಪ್ಲೇ, MediaTek Dimensity 7100 ಪ್ರೊಸೆಸರ್, 6000mAh ಬ್ಯಾಟರಿ, 45W ಫಾಸ್ಟ್ ಚಾರ್ಜಿಂಗ್‌ ಮತ್ತು 50MP ಕ್ಯಾಮೆರಾ ಇದರ ಪ್ರಮುಖ ವೈಶಿಷ್ಟ್ಯಗಳಾಗಿವೆ. ಫೋನ್ Android 16ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಸೆಪ್ಟೆಂಬರ್‌ 28ರಿಂದ Flipkartನಲ್ಲಿ ಮಾರಾಟ ಆರಂಭವಾಗಲಿದೆ.
Lava Curve 5G Smartphone: ದೇಶೀಯ ಸ್ಮಾರ್ಟ್‌ಫೋನ್‌ ಬ್ರ್ಯಾಂಡ್‌ ಲಾವಾ (Lava) ತನ್ನ ಹೊಸ Lava Curve 5G ಸ್ಮಾರ್ಟ್‌ಫೋನ್‌ ಅನ್ನ ಮಾರುಕಟ್ಟೆಗೆ ಪರಿಚಯಿಸಿದೆ. 3D ಕರ್ವ್ಡ್ ಡಿಸ್ಪ್ಲೇ, 5G ಸಂಪರ್ಕ, ದೊಡ್ಡ ಬ್ಯಾಟರಿ ಹಾಗೂ ವೇಗದ ಚಾರ್ಜಿಂಗ್‌ ಸೇರಿದಂತೆ ಹಲವು ಫೀಚರ್‌ಗಳೊಂದಿಗೆ ಈ ಹೊಸ ಫೋನ್ ಗ್ರಾಹಕರ ಗಮನ ಸೆಳೆಯಲು ಸಜ್ಜಾಗಿದೆ. ಲಾವಾದ ವಿರಾಟ್ ಸರಣಿಯ ಭಾಗವಾಗಿರುವ ಈ ಮಾದರಿ, ವಿನ್ಯಾಸದ ಜೊತೆಗೆ ಕಾರ್ಯಕ್ಷಮತೆಗೂ ಆದ್ಯತೆ ನೀಡುತ್ತದೆ. ಈ ಹಿಂದೆ ಬಿಡುಗಡೆಯಾದ ಲಾವಾ ಬೋಲ್ಡ್ N4 ಪ್ರೊ ಮಾದರಿಯಲ್ಲಿಯೂ ಕರ್ವ್ಡ್ ಡಿಸ್ಪ್ಲೇ ನೀಡಲಾಗಿತ್ತು. ಇದೀಗ Lava Curve 5G ಮೂಲಕ ಕಂಪನಿ ಇದೇ ರೀತಿಯ 3D ಕರ್ವ್ಡ್ ಸ್ಕ್ರೀನ್‌ ಅನುಭವವನ್ನ 5G ಸ್ಮಾರ್ಟ್‌ಫೋನ್‌ನಲ್ಲಿ ನೀಡುತ್ತಿದೆ.
Lava Curve 5G ಬೆಲೆ ಮತ್ತು ಮಾರಾಟ
Lava Curve 5G ಅನ್ನ 6GB RAM + 128GB ಸ್ಟೋರೇಜ್ ಹೊಂದಿರುವ ಒಂದೇ ವೇರಿಯಂಟ್‌ನಲ್ಲಿ ಪರಿಚಯಿಸಲಾಗಿದೆ. ಫೋನ್ ಮೂರು ಬಣ್ಣಗಳ ಆಯ್ಕೆಯಲ್ಲಿ ಲಭ್ಯವಿದೆ. Heritage Indigo, Makrana Ivory ಮತ್ತು Ellora Slate ಬಣ್ಣಗಳಲ್ಲಿ ಗ್ರಾಹಕರು ಫೋನ್ ಖರೀದಿಸಬಹುದು. ಈ ಫೋನ್‌ನ ಮಾರಾಟ ಸೆಪ್ಟೆಂಬರ್‌ 28ರಂದು ಸಂಜೆ 7 ಗಂಟೆಗೆ ಆರಂಭವಾಗಲಿದೆ. ಇ-ಕಾಮರ್ಸ್‌ ಪ್ಲಾಟ್‌ಫಾರ್ಮ್‌ Flipkart ಮೂಲಕ ಮಾರಾಟ ನಡೆಯಲಿದೆ.
6.67 ಇಂಚಿನ 3D ಕರ್ವ್ಡ್ AMOLED ಡಿಸ್ಪ್ಲೇ
Lava Curve 5Gಯ ಪ್ರಮುಖ ಆಕರ್ಷಣೆ ಅದರ ಡಿಸ್ಪ್ಲೇ. ಫೋನ್‌ನಲ್ಲಿ 6.67 ಇಂಚಿನ Full HD+ 3D ಕರ್ವ್ಡ್ AMOLED ಡಿಸ್ಪ್ಲೇ ನೀಡಲಾಗಿದೆ. ಇದು 2400 x 1080 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಹೊಂದಿದ್ದು, 120Hz ರಿಫ್ರೆಶ್‌ ರೇಟ್‌ ಅನ್ನ ಬೆಂಬಲಿಸುತ್ತದೆ. ಡಿಸ್ಪ್ಲೇ ಗರಿಷ್ಠ 1,100 ನಿಟ್ಸ್‌ ಬ್ರೈಟ್‌ನೆಸ್‌ ನೀಡುತ್ತದೆ. ಸೆಂಟರ್‌ ಅಲೈನ್ಡ್ ಪಂಚ್‌-ಹೋಲ್ ವಿನ್ಯಾಸದ ಜೊತೆಗೆ ಇನ್‌-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್‌ ಸೆನ್ಸಾರ್‌ ಕೂಡ ನೀಡಲಾಗಿದೆ. ಹೀಗಾಗಿ ವಿಡಿಯೋ ವೀಕ್ಷಣೆ, ಗೇಮಿಂಗ್‌ ಹಾಗೂ ದಿನನಿತ್ಯದ ಬಳಕೆಯಲ್ಲಿ ಉತ್ತಮ ಸ್ಕ್ರೀನ್‌ ಅನುಭವ ನೀಡುವ ಗುರಿಯನ್ನ ಫೋನ್ ಹೊಂದಿದೆ.
MediaTek Dimensity 7100 ಪ್ರೊಸೆಸರ್
ಕಾರ್ಯಕ್ಷಮತೆಗಾಗಿ Lava Curve 5Gಯಲ್ಲಿ MediaTek Dimensity 7100 ಚಿಪ್‌ಸೆಟ್‌ ಅಳವಡಿಸಲಾಗಿದೆ. ಫೋನ್ 6GB RAM ಮತ್ತು 128GB ಇಂಟರ್ನಲ್‌ ಸ್ಟೋರೇಜ್‌ನೊಂದಿಗೆ ಬರುತ್ತದೆ. ಸ್ಟೋರೇಜ್ ಅನ್ನ ಮೈಕ್ರೋSD ಕಾರ್ಡ್‌ ಮೂಲಕ ಮತ್ತಷ್ಟು ವಿಸ್ತರಿಸಬಹುದಾಗಿದೆ.
6000mAh ಬ್ಯಾಟರಿ, 45W ಫಾಸ್ಟ್ ಚಾರ್ಜಿಂಗ್‌
ಬ್ಯಾಟರಿ ವಿಭಾಗದಲ್ಲಿಯೂ Lava Curve 5G ಗಮನ ಸೆಳೆಯುತ್ತದೆ. ಫೋನ್‌ನಲ್ಲಿ 6000mAh ಸಾಮರ್ಥ್ಯದ ಬ್ಯಾಟರಿ ನೀಡಲಾಗಿದೆ. ಇದು 45W ವೈರ್ಡ್‌ ಫಾಸ್ಟ್ ಚಾರ್ಜಿಂಗ್‌ ಅನ್ನ ಬೆಂಬಲಿಸುತ್ತದೆ. ಹೆಚ್ಚು ಸಮಯ ಫೋನ್ ಬಳಸುವವರಿಗೆ ದೊಡ್ಡ ಬ್ಯಾಟರಿ ಉಪಯುಕ್ತವಾಗಬಹುದು. ಇದರೊಂದಿಗೆ ಫೋನ್ Android 16 ಆಪರೇಟಿಂಗ್‌ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸುತ್ತದೆ. ಕಂಪನಿಯು ಎರಡು ವರ್ಷಗಳ ಆಪರೇಟಿಂಗ್‌ ಸಿಸ್ಟಂ ಅಪ್‌ಡೇಟ್‌ ಹಾಗೂ ಮೂರು ವರ್ಷಗಳ ಸೆಕ್ಯುರಿಟಿ ಅಪ್‌ಡೇಟ್‌ಗಳನ್ನು ನೀಡುವುದಾಗಿ ತಿಳಿಸಿದೆ.
50MP ಕ್ಯಾಮೆರಾ, 13MP ಸೆಲ್ಫಿ ಕ್ಯಾಮೆರಾ
ಫೋಟೋಗ್ರಫಿಗಾಗಿ ಫೋನ್‌ನ ಹಿಂಭಾಗದಲ್ಲಿ ಡ್ಯುಯಲ್‌ ಕ್ಯಾಮೆರಾ ಸೆಟಪ್‌ ನೀಡಲಾಗಿದೆ. ಇದರಲ್ಲಿ 50MP ಮುಖ್ಯ ಕ್ಯಾಮೆರಾ ಪ್ರಮುಖವಾಗಿದೆ. ಇದರ ಜೊತೆಗೆ ಸೆಕೆಂಡರಿ ಕ್ಯಾಮೆರಾವನ್ನೂ ನೀಡಲಾಗಿದೆ. ಸೆಲ್ಫಿ ಮತ್ತು ವಿಡಿಯೋ ಕಾಲ್‌ಗಳಿಗಾಗಿ ಮುಂಭಾಗದಲ್ಲಿ 13MP ಫ್ರಂಟ್‌ ಕ್ಯಾಮೆರಾ ನೀಡಲಾಗಿದೆ.
MIL-STD-810H ಮತ್ತು IP64 ರೇಟಿಂಗ್‌
ಬಾಳಿಕೆ ವಿಚಾರದಲ್ಲಿಯೂ Lava Curve 5G ಕೆಲವು ವಿಶೇಷತೆಗಳನ್ನ ಹೊಂದಿದೆ. ಫೋನ್ MIL-STD-810H ಮಿಲಿಟರಿ-ಗ್ರೇಡ್‌ ಡ್ಯುರಬಿಲಿಟಿ ಮಾನದಂಡವನ್ನ ಬೆಂಬಲಿಸುತ್ತದೆ. ಜೊತೆಗೆ IP64 ರೇಟಿಂಗ್‌ ಕೂಡ ಇದೆ. ಕನೆಕ್ಟಿವಿಟಿ ವಿಚಾರದಲ್ಲಿ Wi-Fi, Bluetooth ಹಾಗೂ IR Blaster ಸೇರಿದಂತೆ ಹಲವು ಆಯ್ಕೆಗಳನ್ನ ಫೋನ್ ಹೊಂದಿದೆ.
Lava Curve 5G ಪ್ರಮುಖ ವಿಶೇಷತೆಗಳು
| ಲಾವಾ ಕರ್ವ್ 5G | ವೈಶಿಷ್ಟ್ಯಗಳು |
| ಡಿಸ್ಲ್ಪೇ | 6.67 ಇಂಚುಗಳು, 120Hz |
| ಪ್ರೊಸೆಸರ್ | ಮೀಡಿಯಾ ಟೆಕ್ ಡೈಮೆನ್ಸಿಟಿ 7100 |
| ಸ್ಟೋರೇಜ್ | 6 GB, 128 GB |
| ಬ್ಯಾಟರಿ | 6000mAh, 45W |
| ಕ್ಯಾಮೆರಾ | 50 MP, 13 MP |
| OS | ಆಂಡ್ರಾಯ್ಡ್ 16 |
ಒಟ್ನಲ್ಲಿ 3D ಕರ್ವ್ಡ್ AMOLED ಡಿಸ್ಪ್ಲೇ, 6000mAh ಬ್ಯಾಟರಿ, 45W ಫಾಸ್ಟ್ ಚಾರ್ಜಿಂಗ್‌, 50MP ಕ್ಯಾಮೆರಾ ಮತ್ತು Android 16ನಂತಹ ಫೀಚರ್‌ಗಳೊಂದಿಗೆ Lava Curve 5G ಮಾರುಕಟ್ಟೆಗೆ ಪ್ರವೇಶಿಸಿದೆ. ದೇಶೀಯ ಬ್ರ್ಯಾಂಡ್‌ನಿಂದ ಬಂದಿರುವ ಈ ಹೊಸ 5G ಫೋನ್ ಗ್ರಾಹಕರಿಗೆ ಮತ್ತೊಂದು ಆಯ್ಕೆಯನ್ನ ನೀಡಲಿದೆ.
