- ಜೀ ನ್ಯೂಸ್ ಕನ್ನಡ
- /ಫೋಟೋಗ್ಯಾಲರಿ
- /ಬಿಗ್‌ ಬಾಸ್‌ ಮನೆಗೆ ವೈಲ್ಡ್ ಕಾರ್ಡ್ ಎಂಟ್ರಿ! ದೊಡ್ಮನೆಗೆ ಬಂದ ಮೂವರು ಸೋಷಿಯಲ್‌ ಮೀಡಿಯಾ ಸ್ಟಾರ್ಸ್‌
ಬಿಗ್‌ ಬಾಸ್‌ ಮನೆಗೆ ವೈಲ್ಡ್ ಕಾರ್ಡ್ ಎಂಟ್ರಿ! ದೊಡ್ಮನೆಗೆ ಬಂದ ಮೂವರು ಸೋಷಿಯಲ್‌ ಮೀಡಿಯಾ ಸ್ಟಾರ್ಸ್‌
Written ByChetana Devarmani
Published: Sep 27, 2026, 01:39 PM IST|Updated: Sep 27, 2026, 01:45 PM IST
Bigg Boss Kannada Season 13 Wild Card Entry: ಈ ವಾರ ಮೂವರು ವೈಲ್ಡ್ ಕಾರ್ಡ್ ಮೂಲಕ ಬಿಗ್‌ ಬಾಸ್‌ ಮನೆ ಒಳಗೆ ಪ್ರವೇಶಿಸಲಿದ್ದಾರೆ ಎನ್ನಲಾಗುತ್ತಿದೆ.
Bigg Boss Kannada Season 13 Wild Card Entry: ಬಿಗ್‌ಬಾಸ್‌ ಕನ್ನಡ ಸೀಸನ್‌ 13ರಲ್ಲಿ ಈಗಾಗಲೇ ಹಲವು ಅನಿರೀಕ್ಷಿತ ತಿರುವುಗಳು ಎದುರಾಗಿವೆ. ಎಮರ್ಜೆನ್ಸಿ ಎಕ್ಸಿಟ್‌, ಡಬಲ್‌ ಎಲಿಮಿನೇಷನ್‌ ಹಾಗೂ ತಾಂಡವ್‌ ರಾಮ್‌ ಅವರ ರೀ-ಎಂಟ್ರಿ ಬಳಿಕ ಇದೀಗ ದೊಡ್ಮನೆಯಲ್ಲಿ ಮತ್ತೊಂದು ದೊಡ್ಡ ಬದಲಾವಣೆಗೆ ವೇದಿಕೆ ಸಿದ್ಧವಾಗಿದೆ. ಮೂವರು ಹೊಸ ಸ್ಪರ್ಧಿಗಳು ವೈಲ್ಡ್‌ಕಾರ್ಡ್‌ ಮೂಲಕ ಬಿಗ್‌ಬಾಸ್‌ ಮನೆ ಪ್ರವೇಶಿಸಲಿದ್ದಾರೆ ಎಂಬುದನ್ನು ಕಿಚ್ಚ ಸುದೀಪ್‌ ಅಧಿಕೃತವಾಗಿ ಘೋಷಿಸಿದ್ದಾರೆ.
1/6ವೈಲ್ಡ್ ಕಾರ್ಡ್ ಎಂಟ್ರಿ
ಕಲರ್ಸ್‌ ಕನ್ನಡ ಈ ಕುರಿತು ಪ್ರೋಮೋ ಶೇರ್‌ ಮಾಡಿದೆ. ಇದರಲ್ಲಿ ಇಬ್ಬರು ಮಹಿಳಾ ಸ್ಪರ್ಧಿಗಳು ಮತ್ತು ಒಬ್ಬ ಪುರುಷ ಸ್ಪರ್ಧಿ ಬಿಗ್‌ ಬಾಸ್‌ ಮನೆಗೆ ವೈಲ್ಡ್ ಕಾರ್ಡ್ ಸ್ಪರ್ಧಿಗಳಾಗಿ ಎಂಟ್ರಿ ಕೊಟ್ಟಿದ್ದಾರೆ. ಈ ಬಾರಿ ವಿಶೇಷವೆಂದರೆ ಒಬ್ಬರು ಅಥವಾ ಇಬ್ಬರು ಅಲ್ಲ, ಒಟ್ಟಿಗೆ ಮೂವರು ಹೊಸ ಸ್ಪರ್ಧಿಗಳು ದೊಡ್ಮನೆಗೆ ಪ್ರವೇಶಿಸಲಿದ್ದಾರೆ ಎಂದು ಸುದೀಪ್‌ ಘೋಷಿಸಿದ್ದಾರೆ. ಭಾನುವಾರದ ಸಂಚಿಕೆಯಲ್ಲಿ ಈ ಹೊಸ ಸ್ಪರ್ಧಿಗಳ ಎಂಟ್ರಿ ನಡೆಯಲಿದೆ ಎಂದು ವರದಿಗಳು ತಿಳಿಸಿವೆ.
2/6ಬಿಗ್‌ ಬಾಸ್‌ ವೈಲ್ಡ್ ಕಾರ್ಡ್ ಎಂಟ್ರಿ
ಈ ಘೋಷಣೆಯ ಬೆನ್ನಲ್ಲೇ ವೈಲ್ಡ್‌ಕಾರ್ಡ್‌ ಆಗಿ ಯಾರು ಮನೆ ಪ್ರವೇಶಿಸಲಿದ್ದಾರೆ ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಹೆಚ್ಚಾಗಿದೆ. ಇದೇ ಸಂದರ್ಭದಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಒಂದು ಪೋಸ್ಟರ್‌ ಸಾಕಷ್ಟು ಗಮನ ಸೆಳೆಯುತ್ತಿದೆ.
3/6ಬಿಗ್‌ ಬಾಸ್‌ ವೈಲ್ಡ್ ಕಾರ್ಡ್ ಎಂಟ್ರಿ
ವೈರಲ್‌ ಆಗಿರುವ ಪೋಸ್ಟರ್‌ನಲ್ಲಿ ಪ್ರಶಾಂತ್‌, ಸೋನಿಕಾ ಗೌಡ ಮತ್ತು ಗಾನವಿ ಗೌಡ ಅವರ ಫೋಟೋಗಳನ್ನು ಹಾಕಲಾಗಿದ್ದು, ಮೂವರನ್ನೂ ‘ವೈಲ್ಡ್ ಕಾರ್ಡ್ ಕಂಟೆಸ್ಟೆಂಟ್ಸ್‌’ ಎಂದು ಉಲ್ಲೇಖಿಸಲಾಗಿದೆ.ಇದರಿಂದ ಈ ಮೂವರೇ ಬಿಗ್‌ಬಾಸ್‌ ಕನ್ನಡ 13ರ ಹೊಸ ವೈಲ್ಡ್‌ಕಾರ್ಡ್‌ ಸ್ಪರ್ಧಿಗಳೇ? ಎಂಬ ಚರ್ಚೆ ಸಾಮಾಜಿಕ ಜಾಲತಾಣದಲ್ಲಿ ಜೋರಾಗಿದೆ.
4/6ಬಿಗ್‌ ಬಾಸ್‌ ವೈಲ್ಡ್ ಕಾರ್ಡ್ ಎಂಟ್ರಿ
ಈ ಮೂವರು ಮನೆಯೊಳಗೆ ಕಾಲಿಟ್ಟ ಬಳಿಕ ಈಗಾಗಲೇ ಮೂರು ವಾರಗಳ ಕಾಲ ಆಟವಾಡಿರುವ ಸ್ಪರ್ಧಿಗಳ ನಡುವಿನ ಸಮೀಕರಣಗಳು ಬದಲಾಗುವ ಸಾಧ್ಯತೆಯಿದೆ. ಹೊಸ ಸ್ಪರ್ಧಿಗಳು ಯಾವ ತಂಡದೊಂದಿಗೆ ಗುರುತಿಸಿಕೊಳ್ಳುತ್ತಾರೆ? ಯಾರ ಜೊತೆ ಸ್ನೇಹ ಬೆಳೆಸುತ್ತಾರೆ? ಯಾರು ಯಾರಿಗೆ ಸವಾಲಾಗುತ್ತಾರೆ ಎಂಬುದೇ ಮುಂದಿನ ಕುತೂಹಲ.
5/6ಬಿಗ್‌ ಬಾಸ್‌ ವೈಲ್ಡ್ ಕಾರ್ಡ್ ಎಂಟ್ರಿ
ಮೂರನೇ ವಾರದಲ್ಲಿ ತಾಂಡವ್‌ ರಾಮ್‌ ಅವರ ಎಮರ್ಜೆನ್ಸಿ ಎಕ್ಸಿಟ್‌ ಬಳಿಕ ಅವರು ಮತ್ತೆ ದೊಡ್ಮನೆಗೆ ಮರಳಿದ್ದಾರೆ. ಇದೇ ಸಂದರ್ಭದಲ್ಲಿ ಅವಿನಾಶ್‌ ಶತಮರ್ಷನ್‌ ಮತ್ತು ವೈಷ್ಣವಿ ಎಲಿಮಿನೇಟ್‌ ಆಗಿದ್ದಾರೆ. ಈಗ ಮೂವರು ವೈಲ್ಡ್‌ಕಾರ್ಡ್‌ ಸ್ಪರ್ಧಿಗಳ ಪ್ರವೇಶದಿಂದ ಬಿಗ್‌ಬಾಸ್‌ ಮನೆಯ ಆಟ ಮತ್ತಷ್ಟು ಬದಲಾಗುವಂತಾಗಿದೆ.
6/6ಬಿಗ್‌ ಬಾಸ್‌ ವೈಲ್ಡ್ ಕಾರ್ಡ್ ಎಂಟ್ರಿ
ಹಾಗಾದರೆ ಪೋಸ್ಟರ್‌ನಲ್ಲಿ ಕಾಣಿಸಿಕೊಂಡಿರುವ ಪ್ರಶಾಂತ್‌, ಸೋನಿಕಾ ಗೌಡ ಮತ್ತು ಗಾನವಿ ಗೌಡ ಅವರೇ ಆ ಮೂವರು ವೈಲ್ಡ್‌ಕಾರ್ಡ್‌ ಸ್ಪರ್ಧಿಗಳಾ? ಅಧಿಕೃತ ಎಂಟ್ರಿ ಸಂಚಿಕೆಯಲ್ಲಿ ಈ ಕುತೂಹಲಕ್ಕೆ ಸಂಪೂರ್ಣ ಉತ್ತರ ಸಿಗಲಿದೆ.Trending
- News
- Photos
- Videos
)