- ಜೀ ನ್ಯೂಸ್ ಕನ್ನಡ
- /ಫೋಟೋಗ್ಯಾಲರಿ
- /ಟೀಮ್‌ ಇಂಡಿಯಾ, ವೆಸ್ಟ್‌ ಇಂಡೀಸ್‌ ತಂಡಗಳ ಮುಂದಿನ ಸರಣಿ ಯಾವುದು, ಯಾವಾಗಿನಿಂದ ಆರಂಭ?
ಟೀಮ್‌ ಇಂಡಿಯಾ, ವೆಸ್ಟ್‌ ಇಂಡೀಸ್‌ ತಂಡಗಳ ಮುಂದಿನ ಸರಣಿ ಯಾವುದು, ಯಾವಾಗಿನಿಂದ ಆರಂಭ?
Written ByBhimappa
Published: Oct 04, 2026, 02:31 PM IST|Updated: Oct 04, 2026, 02:38 PM IST
ವೆಸ್ಟ್‌ ಇಂಡೀಸ್‌ ವಿರುದ್ಧ ನಡೆಯಲಿರುವ 5 ಪಂದ್ಯಗಳ T20 ಸರಣಿಯಲ್ಲಿ ಟೀಮ್‌ ಇಂಡಿಯಾದ ಯುವ ಪಡೆ ಅಖಾಡಕ್ಕೆ ಧುಮಕಲಿದೆ. ಎಲ್ಲರೂ ಅದ್ಭುತವಾದ ಫಾರ್ಮ್‌ನಲ್ಲಿದ್ದು ಬಲಿಷ್ಠ ವೆಸ್ಟ್‌ ಇಂಡೀಸ್‌ ಪಡೆಯನ್ನು ಮಣಿಸಬೇಕಿದೆ.
T20 series Team India, West Indies: ಟೀಮ್‌ ಇಂಡಿಯಾ ಮತ್ತು ವೆಸ್ಟ್‌ ಇಂಡೀಸ್‌ ಭರ್ಜರಿ ಪೈಪೋಟಿಗೆ ಬಿದ್ದು ಏಕದಿನ ಸರಣಿಯಲ್ಲಿ ಭರ್ಜರಿ ರನ್‌ ಹೊಳೆ ಹರಿಸಿದವು. ಆದರೆ ಸರಣಿಯ ಕೊನೆಯ ಪಂದ್ಯಕ್ಕೂ ಮೊದಲೇ ಶುಭ್‌ಮನ್‌ ಗಿಲ್ ನೇತೃತ್ವದ ಟೀಮ್‌ ಇಂಡಿಯಾ ಸರಣಿಯನ್ನು 2-1 ರಿಂದ ಗೆದ್ದುಕೊಂಡಿತು. ರೋಹಿತ್‌ ಶರ್ಮಾ, ಕ್ಯಾಪ್ಟನ್ ಶುಭ್‌ಮನ್‌ ಗಿಲ್ ಮತ್ತು ವಿಕೆಟ್ ಕೀಪರ್ ಕೆ.ಎಲ್ ರಾಹುಲ್‌ ಅವರ ಮಿಂಚಿನ ಬ್ಯಾಟಿಂಗ್‌ನಿಂದ ಸರಣಿ ಭಾರತಕ್ಕೆ ಒಲಿಯಿತು. ಎರಡು ತಂಡಗಳು ಸಮಬಲವಾಗಿ ಹೋರಾಡಿದರೂ ಗೆಲುವಿನ ಪತಾಕೆ ಹಾರಿಸಿದ್ದು ಟೀಮ್‌ ಇಂಡಿಯಾ. ಹಾಗಾದರೆ ಟೀಮ್‌ ಇಂಡಿಯಾ ಮತ್ತು ವೆಸ್ಟ್‌ ಇಂಡೀಸ್‌ ತಂಡಗಳ ಮುಂದಿನ ಸರಣಿ ಯಾವುದು, ಯಾವಾಗಿನಿಂದ ಆರಂಭ ಎನ್ನುವ ಸಂಪೂರ್ಣವಾದ ಮಾಹಿತಿ ಇಲ್ಲಿ ನೀಡಲಾಗಿದೆ.
1/6ರೋಹಿತ್‌ ಶರ್ಮಾ ಜಾರಿ ಬಿದ್ದರು
ಏಕದಿನ ಸರಣಿ ಮುಗಿಸಿರುವ ಟೀಮ್‌ ಇಂಡಿಯಾ ಈಗ ಏನಿದ್ದರೂ T20 ಸರಣಿಗೆ ಭರ್ಜರಿ ತಯಾರಿ ನಡೆಸಿದೆ. ಏಷ್ಯನ್‌ ಗೇಮ್ಸ್‌ನಲ್ಲಿ ಚಿನ್ನದ ಪದಕಕ್ಕೆ ಮುತ್ತಿಟ್ಟಿರುವ ಟೀಮ್‌ ಇಂಡಿಯಾ ತವರಿನಲ್ಲಿ ವೆಸ್ಟ್‌ ಇಂಡೀಸ್‌ ವಿರುದ್ಧ ಹಣಾಹಣಿಗೆ ಬೀಳಲಿದೆ. ಏಕದಿನ ಸರಣಿ ಗೆದ್ದುಕೊಂಡಿರುವ ಭಾರತ ತಂಡ, T20 ಸರಣಿ ಮೇಲೆ ಕಣ್ಣಿಟ್ಟಿದೆ. ಇತ್ತ ಸೇಡು ತೀರಿಸಿಕೊಳ್ಳಲು ವೆಸ್ಟ್‌ ಇಂಡೀಸ್‌ ಕಾತುರದಿಂದಿದೆ.
2/6ವೈಭವ್‌ ಸೂರ್ಯವಂಶಿ
ಶುಭ್‌ಮನ್‌ ಗಿಲ್ ಪಡೆಯ ಹಲವು ಆಟಗಾರರು T20 ತಂಡದಲ್ಲಿ ಇಲ್ಲದ ಕಾರಣ ವಿಶ್ರಾಂತಿಯಲ್ಲಿ ಇರಲಿದ್ದಾರೆ. ಹೌದು ಭಾರತದ T20 ತಂಡದಲ್ಲಿ ಕೆ.ಎಲ್ ರಾಹುಲ್‌, ಒಡಿಐ ಕ್ಯಾಪ್ಟನ್ ಗಿಲ್, ರುತುರಾಜ್‌ ಗಾಯಕ್ವಾಡ್‌, ನಮನ್‌ ಧೀರ್‌, ಅನ್ಶುಲ್‌ ಕಾಂಬೋಜ್‌, ಗುರ್ನೂರ್‌ ಬ್ರಾರ್‌, ಸಿರಾಜ್‌ ಇಲ್ಲ. ರೋಹಿತ್‌, ಕೊಹ್ಲಿ ಈಗಾಗಲೇ T20 ಕ್ರಿಕೆಟ್‌ಗೆ ನಿವೃತ್ತಿ ಹೇಳಿದ್ದಾರೆ.
3/6ವೈಭವ್‌ ಸೂರ್ಯವಂಶಿ
ಇದರಿಂದ ವೆಸ್ಟ್‌ ಇಂಡೀಸ್‌ ವಿರುದ್ಧ ನಡೆಯಲಿರುವ 5 ಪಂದ್ಯಗಳ T20 ಸರಣಿಯಲ್ಲಿ ಟೀಮ್‌ ಇಂಡಿಯಾದ ಯುವ ಪಡೆ ಅಖಾಡಕ್ಕೆ ಧುಮಕಲಿದೆ. ಎಲ್ಲರೂ ಅದ್ಭುತವಾದ ಫಾರ್ಮ್‌ನಲ್ಲಿದ್ದು ಬಲಿಷ್ಠ ವೆಸ್ಟ್‌ ಇಂಡೀಸ್‌ ಪಡೆಯನ್ನು ಮಣಿಸಬೇಕಿದೆ. ಅಲ್ಲದೇ ಈಗಾಗಲೇ ಭಾರತದ ವಾತಾವರಣಕ್ಕೆ ಹೊಂದಿಕೊಂಡಿರುವ ವೆಸ್ಟ್‌ ಇಂಡೀಸ್‌ ಪ್ಲೇಯರ್‌ಗಳ ಬಗ್ಗೆ ಭಾರತದ ಆಟಗಾರರು ಜಾಗೃತವಾಗಿ ಆಡಬೇಕು.
4/6ವೈಭವ್‌ ಸೂರ್ಯವಂಶಿ
ಈಗಾಗಲೇ ಏಕದಿನ ಸರಣಿಯಲ್ಲಿ ಎಲ್ಲ ವೆಸ್ಟ್‌ ಇಂಡೀಸ್‌ ಪ್ಲೇಯರ್‌ಗಳು ಬೆಸ್ಟ್‌ ಪರ್ಫಾಮೆನ್ಸ್‌ ನೀಡಿದ್ದಾರೆ. ಅದರಲ್ಲಿ T20 ಕ್ರಿಕೆಟ್‌ಗೆ ಹೇಳಿ ಮಾಡಿಸಿದಂತಹ ಆಟಗಾರರು ಯಾವಾಗಲೂ ವೆಸ್ಟ್‌ ಇಂಡೀಸ್‌ ತಂಡದಲ್ಲಿ ಇದ್ದೇ ಇರುತ್ತಾರೆ. ಯಾರು ಯಾವಾಗ ಸಿಡಿದೇಳುತ್ತಾರೆ ಎನ್ನುವುದನ್ನು ಹೇಳುವುದಕ್ಕೆ ಆಗಲಿಲ್ಲ.
5/6ರೋಹಿತ್‌ ಶರ್ಮಾ
ಮೊದಲ T20 ಪಂದ್ಯ ಲಕ್ನೋ ನಗರದಲ್ಲಿ ಅಕ್ಟೋಬರ್‌ 6 ರಂದು ಸಂಜೆ 7 ಗಂಟೆಗೆ ನಡೆಯಲಿದೆ 2ನೇ T20 ಪಂದ್ಯ ರಾಂಚಿ ನಗರದಲ್ಲಿ ಅಕ್ಟೋಬರ್‌ 9 ರಂದು ಸಂಜೆ 7 ಗಂಟೆಗೆ ನಡೆಯಲಿದೆ 3ನೇ T20 ಪಂದ್ಯ ಇಂದೋರ್‌ ನಗರದಲ್ಲಿ ಅಕ್ಟೋಬರ್‌ 11 ರಂದು ಸಂಜೆ 7 ಗಂಟೆಗೆ ನಡೆಯಲಿದೆ 4ನೇ T20 ಪಂದ್ಯ ಹೈದರಾಬಾದ್‌ನಲ್ಲಿ ಅಕ್ಟೋಬರ್‌ 14 ರಂದು ಸಂಜೆ 7 ಗಂಟೆಗೆ ನಡೆಯಲಿದೆ 5ನೇ T20 ಪಂದ್ಯ ಬೆಂಗಳೂರಲ್ಲಿ ಅಕ್ಟೋಬರ್‌ 17 ರಂದು ಸಂಜೆ 7 ಗಂಟೆಗೆ ನಡೆಯಲಿದೆ
6/6ಕೆಎಲ್‌ ರಾಹುಲ್‌ ಸಾಯಿ ಹೋಪ್
T20 Team India Players; ಅಭಿಷೇಕ್‌ ಶರ್ಮಾ, ವೈಭವ್‌ ಸೂರ್ಯವಂಶಿ, ಶ್ರೇಯಸ್‌ ಅಯ್ಯರ್‌ (ಕ್ಯಾಪ್ಟನ್), ಸಂಜು ಸ್ಯಾಮ್ಸನ್‌ (ವಿಕೆಟ್ ಕೀಪರ್), ಇಶಾನ್‌ ಕಿಶನ್‌, ತಿಲಕ್‌ ವರ್ಮಾ, ಶಿವಂ ದುಬೆ, ಕುಲ್‌ದೀಪ್‌ ಯಾದವ್‌, ಅಕ್ಷರ್‌ ಪಟೇಲ್‌, ವಾಷಿಂಗ್ಟನ್‌ ಸುಂದರ್‌, ರವಿ ಬಿಷ್ಣೋಯಿ, ನಿತೀಶ್‌ ಕುಮಾರ್‌, ಪ್ರಿನ್ಸ್‌ ಯಾದವ್‌, ಮಯಾಂಕ್‌ ಯಾದವ್‌ ಮತ್ತು ಅರ್ಷದೀಪ್‌ ಸಿಂಗ್‌,TAGS:
Trending
- News
- Photos
- Videos
)