ದಿನಕ್ಕೆ ಎಷ್ಟು ಕಪ್‌ ʼಚಹಾʼ ಆರೋಗ್ಯಕ್ಕೆ ಒಳ್ಳೆಯದು? ತಜ್ಞರು ಏನಂತಾರೆ ಗೊತ್ತಾ!

ಚಹಾ

ಬಹುತೇಕ ಜನರಿಗೆ ಬೆಳಿಗ್ಗೆ ಎದ್ದ ಕೂಡಲೇ ಚಹಾ ಕುಡಿದಿಲ್ಲ ಎಂದರೆ ದಿನವೇ ಶುರುವಾಗುವುದಿಲ್ಲ. ಅಷ್ಟೇ ಅಲ್ಲ, ಇನ್ನೂ ಕೆಲವರು ಆಗಾಗ್ಗೆ ಚಹಾ ಕುಡಿಯುವ ಅಭ್ಯಾಸ ಹೊಂದಿರುತ್ತಾರೆ.

ಚಹಾದ ಅಭ್ಯಾಸ

ಚಹಾ ಕೆಲವರಿಗೆ ಒತ್ತಡ ಕಡಿಮೆ ಮಾಡುವುದು ಹಾಗೂ ಮೂಡ್‌ ಫ್ರೆಶ್‌ ಮಾಡುವ ಒಂದು ಮಾರ್ಗವಾದರೆ, ಇನ್ನೂ ಕೆಲವರಿಗೆ ಚಹಾ ಇಲ್ಲದೆ ತಲೆಯೇ ಓಡುವುದಿಲ್ಲ. ಆದರೆ, ಅತಿಯಾದ ಟೀ ಸೇವನೆ ಒಳ್ಳೆಯದೇ? ದಿನಕ್ಕೆ ಎಷ್ಟು ಕಪ್‌ ಚಹಾ ಸೇವನೆ ಆರೋಗ್ಯಕ್ಕೆ ಒಳ್ಳೆಯದು ಎಂದು ಎಂದಾದರೂ ಯೋಚಿಸಿದ್ದೀರಾ?

ಚಹಾದ ಪ್ರಯೋಜನ

ಚಹಾದಲ್ಲಿ ಪ್ಲೇವನಾಯ್ಡ್‌ಗಳು ಹೇರಳವಾಗಿದ್ದು, ಇದು ಒತ್ತಡವನ್ನು ಕಡಿಮೆ ಮಾಡುವುದರ ಜೊತೆಗೆ ದೇಹಕ್ಕೆ ಹಲವು ರೀತಿಯಲ್ಲಿ ಪ್ರಯೋಜನಕಾರಿ ಆಗಿದೆ. ಸೀಮಿತ ಪ್ರಮಾಣದಲ್ಲಿ ಚಹಾ ಸೇವನೆಯು ಕಿಡ್ನಿ ಸಮಸ್ಯೆಗಳಿಂದ ರಕ್ಷಣೆ ನೀಡುತ್ತದೆ.

ದಿನಕ್ಕೆ ಎಷ್ಟು ಕಪ್‌ ಚಹಾ ಕುಡಿಯಬಹುದು?

ಚಹಾದಿಂದ ಆರೋಗ್ಯಕ್ಕೆ ಪ್ರಯೋಜನವಿದೆ. ಆದರೂ, ದಿನಕ್ಕೆ ಕೇವಲ ಮೂರು ಕಪ್‌ ಅಥವಾ ಅದಕ್ಕಿಂತ ಕಡಿಮೆ ಪ್ರಮಾಣದಲ್ಲಿ ಚಹಾ ಸೇವಿಸುವುದು ಮಾತ್ರ ಒಳ್ಳೆಯದು ಎನ್ನುತ್ತಾರೆ ಆರೋಗ್ಯ ತಜ್ಞರು.

ಚಹಾ ಸೇವನೆ

ಆರೋಗ್ಯ ತಜ್ಞರ ಪ್ರಕಾರ, ಒಂದು ದಿನದಲ್ಲಿ 400 ಮಿಲಿಗ್ರಾಂಗಿಂತ ಅಧಿಕ ಚಹಾ ಸೇವನೆಯು ಆರೋಗ್ಯಕ್ಕೆ ಪ್ರಯೋಜನಗಳನ್ನು ನೀಡುವ ಬದಲಿಗೆ ಆರೋಗ್ಯ ಸಮಸ್ಯೆಗಳನ್ನು ಉಲ್ಬಣಿಸುವ ಸಾಧ್ಯತೆ ಇದೆ ಎನ್ನಲಾಗುತ್ತದೆ.

ದಿನಕ್ಕೆ ಎಷ್ಟು ಕಪ್‌ ಚಹಾ ಆರೋಗ್ಯಕ್ಕೆ ಒಳ್ಳೆಯದು?

ಅದಕ್ಕಾಗಿಯೇ ಅತಿಯಾಗಿ ಚಹಾ ಕುಡಿಯುವ ಬದಲು ದಿನಕ್ಕೆ ಎರಡರಿಂದ ಮೂರು ಚಿಕ್ಕ ಕಪ್‌ ಚಹಾ ಸೇವನೆ ಆರೋಗ್ಯಕ್ಕೆ ವರದಾನ ಎನ್ನಲಾಗುತ್ತದೆ. ಅತಿಯಾದ ಚಹಾ ಸೇವನೆಯು ವ್ಯಕ್ತಿಯಲ್ಲಿ ರಕ್ತಹೀನತೆ ಸಮಸ್ಯೆಗೂ ಕಾರಣವಾಗಬಹುದು ಎಂತಲೂ ಹೇಳಲಾಗುತ್ತದೆ. ‌ ಸೂಚನೆ: ಪ್ರಿಯ ಓದುಗರೇ, ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ದಯವಿಟ್ಟು ಅದನ್ನು ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಿ. Zee ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.