ಸತತ ಮಳೆಗೆ ಹಿಮದ ರಾಶಿ ಹೊದ್ದ ಹಿಮವದ್ ಗೋಪಾಲಸ್ವಾಮಿ ಬೆಟ್ಟ

ಹಿಮವದ್ ಗೋಪಾಲಸ್ವಾಮಿ ಬೆಟ್ಟ

ಕಳೆದ 3-4 ದಿನಗಳಿಂದ ಸತತ ಮಳೆಯಾಗುತ್ತಿರುವ ಪರಿಣಾಮ ಗುಂಡ್ಲುಪೇಟೆ ತಾಲೂಕಿನ ಪ್ರಸಿದ್ಧ ಪ್ರವಾಸಿ ಸ್ಥಳ ಹಿಮವದ್ ಗೋಪಾಲಸ್ವಾಮಿ ಬೆಟ್ಟ ಸಂಪೂರ್ಣ ಮಂಜು ಕವಿದಂತಾಗಿದೆ.

ಕಾಶ್ಮೀರದಂತೆ ಭಾಸ

ಹಿಮವದ್‌ ಗೋಪಾಲಸ್ವಾಮಿ ಬೆಟ್ಟ ಹಿಮದ ರಾಶಿ ಹೊದ್ದು ಮಲಗಿದ್ದು, ಪ್ರವಾಸಿಗರಿಗೆ ಕಾಶ್ಮೀರದಂತೆ ಭಾಸವಾಗುತ್ತಿದೆ.

ಮಂಜಿನ ಚಾದರ ಹೊದ್ದ ಬೆಟ್ಟ

ಹಲವು ದಿನಗಳಿಂದ ಉತ್ತಮ ಮಳೆಯಾಗಿರುವ ಹಿನ್ನಲೆಯಲ್ಲಿ ಪರಿಸರವೆಲ್ಲ ಹಚ್ಚಹಸಿರಿನಿಂದ ಕೂಡಿದ್ದು ಹಿಮವದ್ ಗೋಪಾಲಸ್ವಾಮಿ ಬೆಟ್ಟ ಮಂಜಿನ ಚಾದರ ಹೊದ್ದಂತೆ ಕಂಡುಬರುತ್ತಿದೆ.

ದೇವಾಲಯ ಆವರಣವೆಲ್ಲಾ ಮಂಜು

ಇಡೀ ದೇವಾಲಯ ಆವರಣವೆಲ್ಲಾ ಮಂಜು ಮುಸುಕಿದ್ದು ಒಬ್ಬರ ಮುಖ ಮತ್ತೊಬ್ಬರಿಗೆ ಕಾಣದಷ್ಟು ಹಿಮಾವೃತಗೊಂಡಿದೆ‌.

ಪ್ರವಾಸಿಗರಿಗೆ ಹರ್ಷ

ತುಂತುರು ಮಳೆ ನಡುವೆ ಚುಮುಚುಮು ಚಳಿ, ಹಚ್ಚ ಹಸಿರಿನ ವಾತಾವರಣ ಹಿಮವದ್‌ ಗೋಪಾಲಸ್ವಾಮಿ ಬೆಟ್ಟಕ್ಕೆ ಭೇಟಿ ನೀಡುವ ಪ್ರವಾಸಿಗರಿಗೆ ಆನಂದ ಉಂಟು ಮಾಡುತ್ತಿದೆ.