ಭೂಮಿ ಹುಣ್ಣಿಮೆ ಹಬ್ಬದ ಮಹತ್ವವೇನು? ಮಲೆನಾಡಿನ ರೈತರು ಭೂಮಿ ತಾಯಿಯನ್ನು ಪೂಜಿಸುವುದೇಕೆ?

 Bhumi Hunnime festival: ಭೂಮಿ ಹಣ್ಣಿಮೆಯು ಕರ್ನಾಟಕದ ರೈತಾಪಿ ಸಮುದಾಯವು ಆಚರಿಸುವ ಒಂದು ಪವಿತ್ರವಾದ ಹಬ್ಬವಾಗಿದೆ
 

ನಮ್ಮ ದೇಶ ಕೃಷಿ ಪ್ರಧಾನ ದೇಶ.. ರೈತನೇ ದೇಶದ ಬೆನ್ನೆಲುಬು.. ಅನ್ನ ನೀಡುವ ಭೂಮಿ ತಾಯಿಯನ್ನು ಪೂಜಿಸುವ ಸಂಪ್ರದಾಯ ನಮ್ಮ ನಾಡಿನಲ್ಲಿದೆ. ಅದರಲ್ಲೂ ಮಲೆನಾಡು ಮತ್ತು ಕರಾವಳಿ ಭಾಗಗಳಲ್ಲಿ ಭೂಮಿ ಹುಣ್ಣಿಮೆ ಹಬ್ಬಕ್ಕೆ ವಿಶೇಷ ಮಹತ್ವವಿದೆ. ಭೂಮಿ ತಾಯಿಗೆ ಪೂಜೆ ಸಲ್ಲಿಸಿ, ಭೂಮಿಯ ಒಡಲಿನಲ್ಲಿ ಬೆಳೆದ ಬೆಳೆಗಳಿಗೆ ಕೃತಜ್ಞತೆ ಅರ್ಪಿಸುವ ಈ ಹಬ್ಬದ ವಿಶೇಷತೆ ಏನು? ಆಚರಣೆ ಹೇಗಿರುತ್ತೆ? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್.

ಭೂಮಿ ಹುಣ್ಣಿಮೆ ವಿಶೇಷತೆ
ಭೂಮಿ ತಾಯಿ.. ನಮ್ಮೆಲ್ಲರ ಬದುಕಿಗೆ ಆಧಾರ. ರೈತನಿಗೆ ಭೂಮಿಯೇ ದೇವರು.. ಅದೇ ಭೂಮಿಯಲ್ಲಿ ಬೆಳೆ ಬೆಳೆದು ಜನರಿಗೆ ಅನ್ನ ನೀಡುವ ರೈತರು, ಭೂಮಿಯ ಋಣ ತೀರಿಸಲು ಸಾಧ್ಯವಿಲ್ಲ ಎಂಬ ಭಾವನೆಯೊಂದಿಗೆ ಪೂಜೆ ಸಲ್ಲಿಸುತ್ತಾರೆ. ಭೂಮಿ ಹುಣ್ಣಿಮೆಯಂದು ಹೊಲ, ಗದ್ದೆಗಳಿಗೆ ತೆರಳಿ ಭೂಮಿ ತಾಯಿಯನ್ನು ಪೂಜಿಸುವುದು ಈ ಹಬ್ಬದ ವಿಶೇಷತೆ.ಭೂಮಿ ಹುಣ್ಣಿಮೆಯಂದು ರೈತ ಕುಟುಂಬಗಳು ಬೆಳಗ್ಗೆಯೇ ಸಿದ್ಧತೆ ಮಾಡಿಕೊಳ್ಳುತ್ತವೆ. ಭೂಮಿಗೆ ಪೂಜೆ ಸಲ್ಲಿಸಿ, ವಿವಿಧ ಬಗೆಯ ಆಹಾರ ಪದಾರ್ಥಗಳನ್ನು ನೈವೇದ್ಯವಾಗಿ ಅರ್ಪಿಸುತ್ತಾರೆ. ಕೆಲವು ಪ್ರದೇಶಗಳಲ್ಲಿ ಹೊಲದಲ್ಲೇ ವಿಶೇಷ ಅಡುಗೆ ತಯಾರಿಸಿ, ಭೂಮಿ ತಾಯಿಗೆ ಸಮರ್ಪಿಸುವ ಸಂಪ್ರದಾಯವಿದೆ. ಕುಟುಂಬದ ಸದಸ್ಯರು ಒಟ್ಟಾಗಿ ಸೇರಿ ಪೂಜೆ ಸಲ್ಲಿಸಿ, ಉತ್ತಮ ಫಸಲು ಹಾಗೂ ಸಮೃದ್ಧಿಗಾಗಿ ಪ್ರಾರ್ಥಿಸುತ್ತಾರೆ.

ರೈತರಿಂದ ಪ್ರಕೃತಿಗೆ ಧನ್ಯವಾದ
ಕೃಷಿ ಅಂದರೆ ಕೇವಲ ಬೆಳೆ ಬೆಳೆಯುವುದಲ್ಲ.. ಅದು ಮಣ್ಣು, ನೀರು, ಗಾಳಿ ಮತ್ತು ಪ್ರಕೃತಿಯೊಂದಿಗಿನ ಅವಿನಾಭಾವ ಸಂಬಂಧ. ಭೂಮಿ ಹುಣ್ಣಿಮೆ ಹಬ್ಬವು ಭೂಮಿಯ ಮಹತ್ವವನ್ನು ಸಾರುವುದರ ಜೊತೆಗೆ, ಪ್ರಕೃತಿಯನ್ನು ಗೌರವಿಸುವ ಸಂದೇಶವನ್ನೂ ನೀಡುತ್ತದೆ. ರೈತರು ತಮ್ಮ ಶ್ರಮಕ್ಕೆ ಫಲ ಸಿಗಲಿ, ಬೆಳೆಗಳು ಸಮೃದ್ಧವಾಗಿ ಬರಲಿ, ನಾಡಿನಲ್ಲಿ ಸುಖ-ಸಮೃದ್ಧಿ ನೆಲೆಸಲಿ ಎಂದು ಪ್ರಾರ್ಥಿಸುತ್ತಾರೆ.

ಮಲೆನಾಡಿನ ಕೃಷಿ ಸಂಪ್ರದಾಯದ ಹಿಂದಿನ ಸಂದೇಶ
ಇಂದಿನ ಆಧುನಿಕ ಯುಗದಲ್ಲಿ ಕೃಷಿ ಪದ್ಧತಿಗಳು ಬದಲಾಗುತ್ತಿವೆ. ಆದರೂ ಭೂಮಿ ಹುಣ್ಣಿಮೆಯಂತಹ ಹಬ್ಬಗಳು ನಮ್ಮ ಮಣ್ಣಿನ ಸಂಸ್ಕೃತಿ ಮತ್ತು ಪರಂಪರೆಯನ್ನು ಜೀವಂತವಾಗಿರಿಸಿವೆ. ಭೂಮಿಯನ್ನು ಕೇವಲ ಆಸ್ತಿಯೆಂದು ನೋಡದೆ, ಬದುಕು ನೀಡುವ ತಾಯಿಯೆಂದು ಗೌರವಿಸಬೇಕು ಎಂಬ ಸಂದೇಶವನ್ನು ಈ ಹಬ್ಬ ಸಾರುತ್ತದೆ.ಒಟ್ಟಿನಲ್ಲಿ, ಭೂಮಿ ಹುಣ್ಣಿಮೆ ಅನ್ನದಾತನ ಭಕ್ತಿ, ಪ್ರಕೃತಿಯ ಮೇಲಿನ ಗೌರವ ಮತ್ತು ಕೃಷಿ ಸಂಸ್ಕೃತಿಯ ಪ್ರತೀಕ. ಭೂಮಿ ತಾಯಿಗೆ ಪೂಜೆ ಸಲ್ಲಿಸುವ ಮೂಲಕ ಸಮೃದ್ಧಿಯ ಬದುಕಿಗಾಗಿ ಪ್ರಾರ್ಥಿಸುವ ಈ ಹಬ್ಬ, ನಮ್ಮ ಮಣ್ಣಿನ ಸೊಗಡನ್ನು ಮುಂದಿನ ಪೀಳಿಗೆಗೂ ಪರಿಚಯಿಸುತ್ತದೆ.

ಮಲೆನಾಡಿನ ಭೂಮಿ ಹುಣ್ಣಿಮೆಯ ಮಹತ್ವವೇನು? 
ಸಾಮಾನ್ಯವಾಗಿ ಮಲೆನಾಡು ಭಾಗದಲ್ಲಿ ಭೂ ತಾಯಿಗೆ ಬೆಳ್ಳಂಬೆಳಗ್ಗೆ ಸೀಮಂತದ ಸಂಪ್ರದಾಯದ ಪ್ರಕಾರ ಆಶ್ವಯುಜ ಮಾಸದ ಹುಣ್ಣಿಮೆಯಂದು ಈ ಹಬ್ಬವನ್ನು ಆಚರಿಸಲಾಗುತ್ತದೆ. ರೈತರು ಮುಂಜಾನೆಯೇ ಎಂದು ವಿವಿಧ ಬಗ್ಗೆಯ ಸಿಹಿ ತಿಂಡಿ, ತಿಸಿಸುಗಳನ್ನು ತಯಾರಿಸಿ ಸೂರ್ಯದಯದ ಒಳಗೆ ಭೂಮಿಗೆ ಒಣಬಡಿಸುತ್ತಾರೆ. 

ಸೀಮಂತದ ಸಂಪ್ರದಾಯ: ಆಶ್ವಯುಜ ಮಾಸದ ಹುಣ್ಣಿಮೆಯಂದು ಈ ಹಬ್ಬವನ್ನು ಆಚರಿಸಲಾಗುತ್ತದೆ. ಈ ಸಮಯದಲ್ಲಿ ಬೆಳೆಗಳು ತೆನೆತುಂಬಿ ನಿಂತಿರುತ್ತವೆ. ರೈತರು ಭೂಮಿತಾಯಿಯನ್ನು ಗರ್ಭಿಣಿ ಎಂದು ಭಾವಿಸಿ, ಅವಳಿಗೆ 'ಸೀಮಂತ' (ಬಯಕೆ ಹಬ್ಬ) ಮಾಡುವ ರೀತಿಯಲ್ಲಿ ವಿಶೇಷವಾಗಿ ಪೂಜಿಸುತ್ತಾರೆ. ಭೂಮಣಿ ಬುಟ್ಟಿ ಈ ದಿನದಂದು ರೈತ ಮಹಿಳೆಯರು ಹಾಗೂ ಕುಟುಂಬದವರು ವಿಶೇಷವಾಗಿ ತಯಾರಿಸಿದ ಚಿತ್ತಾರ ಬಿಡಿಸಿದ ಬಿದಿರಿನ 'ಭೂಮಣಿ ಬುಟ್ಟಿ'ಯಲ್ಲಿ ನೈವೇದ್ಯ ಕೊಂಡೊಯ್ದು ಭೂಮಿಗೆ ಪೂಜೆ ಸಲ್ಲಿಸುತ್ತಾರೆ.ಮಾತ್ರವಲ್ಲದೇ ಚರಗ ಚೆಲ್ಲುವ ವಾಡಿಗೆ ಇದೆ ರೈತರೆಲ್ಲರೂ ಭೂಮಿಯ ತಾಯ್ತನಕ್ಕೆ ಕೃತಜ್ಞತೆ ಸಲ್ಲಿಸುತ್ತಾ ಹೊಲಗಳಲ್ಲಿ ಚರಗ ಚೆಲ್ಲುವ ಸಂಪ್ರದಾಯವಿದೆ.