ಬಂಡೀಪುರದಲ್ಲಿ ಬವಾರಿಯ ಗ್ಯಾಂಗ್..? ಉರುಳಿಗೆ ಹುಲಿ ಬಲಿ- ಕಾಡಾನೆ ದಂತ ನಾಪತ್ತೆ
ದೇಶದ ಜನಪ್ರಿಯ ಹುಲಿ ರಕ್ಷಿತಾರಣ್ಯಗಳಲ್ಲಿ ಒಂದಾದ ಚಾಮರಾಜನಗರ ಜಿಲ್ಲೆಯ ಗುಂಡ್ಲುಪೇಟೆ ತಾಲೂಕಿನ ಬಂಡೀಪುರಕ್ಕೆ ಕುಖ್ಯಾತ ಬವಾರಿಯ ಗ್ಯಾಂಗ್ ಕಾಲಿಟ್ಟ ಶಂಕೆ ಮೂಡಿದೆ. ಕಾಡೊಳೊಗೆ ಉರುಳು ಹಾಕಿ ಹುಲಿಯನ್ನು ಕೊಂದಿದ್ದು, ಮೃತ ಕಾಡಾನೆಯ ದಂತಗಳು ನಾಪತ್ತೆಯಾದ ಶಾಕಿಂಗ್ ಘಟನೆ ಬೆಳಕಿಗೆ ಬಂದಿದೆ. ಈ ಬಗ್ಗೆ ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್.
ಚಾಮರಾಜನಗರ ಜಿಲ್ಲೆಯಲ್ಲಿ ಕಾಡುಗಳ್ಳರು ಆಕ್ಟೀವ್ ಆಗಿದ್ದಾರೆ ಎಂಬ ಸ್ಪೋಟಕ ಮಾಹಿತಿಯನ್ನು ಜೀ ಕನ್ನಡ ನ್ಯೂಸ್ ಬ್ರೇಕ್ ಮಾಡಿತ್ತು.. ಈಗ ಜೀ ಕನ್ನಡ ನ್ಯೂಸ್ ಮಾಡಿದ ಸುದ್ದಿಗೆ ಜೀವಂತ ಸಾಕ್ಷ್ಯ ಸಿಕ್ಕಿದೆ.. ಬಂಡೀಪುರ ಟೈಗರ್ ರಿಸರ್ವ್ ಫಾರೆಸ್ಟ್ ಒಳಗಡೆ ಉರುಳಿಗೆ ಸಿಲುಕಿ ಹುಲಿ ಮೃತ ಪಟ್ರೆ ಮತ್ತೊಂದೆಡೆ ಆನೆ ಕಳೇಬರ ಪತ್ತೆಯಾಗಿದ್ದು ದಂತ ನಾಪತ್ತೆಯಾಗಿದೆ.
ಚಾಮರಾಜನಗರ ಜಿಲ್ಲೆ ಗುಂಡ್ಲುಪೇಟೆ ತಾಲೂಕಿನ ಬಂಡೀಪುರ ರಕ್ಷಿತಾರಣ್ಯದ ಮದ್ದೂರು ರೇಂಜ್ ನ ಹೊಂಗಳ್ಳಿ ಬೀಟ್ ಬಳಿ 2 ವರ್ಷದ ಹುಲಿ ಕಳೇಬರ ಪತ್ತೆಯಾಗಿದೆ. ಹುಲಿಯ ಕತ್ತಿಗೆ ಕಬ್ಬಿಣದ ಉರುಳು ಸಿಲುಕಿದೆ. ಕಾಡಿನ 300 ಮೀಟರ್ ಒಳಗೆ ಈ ಘಟನೆ ನಡೆದಿದ್ದು ಸಾಕಷ್ಟು ಅನುಮಾನಕ್ಕೆ ಎಡೆ ಮಾಡಿ ಕೊಟ್ಟಿದೆ.
ಈ ಹಿಂದೆ 2009 ರಲ್ಲಿ ಕೊಳ್ಳೇಗಾಲ ತಾಲೂಕಿನ ಗುಂಡಾಲ್ ಜಲಾಶಯ ಸುತ್ತಾಮುತ್ತಾ ಇದೇ ರೀತಿ ಕಬ್ಬಿಣದ ಉರುಳುಗಳನ್ನ ಹಾಕಿ ಹುಲಿಯನ್ನ ಬೇಟೆಯಾಡಲಾಗಿತ್ತು. ಈ ಪ್ರಕರಣಕ್ಕೆ ಸಂಬಂದ ಪಟ್ಟಂತೆ ಮದ್ಯ ಪ್ರದೇಶ ರಾಜ್ಯದ ಕಟ್ನಿ ಜಿಲ್ಲೆಯ ಭವಾರಿಯ ಟ್ರೈಬಲ್ ಗ್ಯಾಂಗ್ ಬಂಧನವಾಗಿತ್ತು. ಈ ಗ್ಯಾಂಗ್ ಹುಲಿ ಬೇಟೆ ಆಡುವಲ್ಲಿ ಸಿಕ್ಕಾ ಪಟ್ಟೆ ಎಕ್ಸ್ ಪರ್ಟ್ ಆಗಿದ್ದು ಚಾಮರಾಜನಗರದ ಬಂಡೀಪುರ, ಬಿಆರ್ ಟಿ, ತಮಿಳುನಾಡಿನ ಸತ್ಯಮಂಗಲಂ, ಮಧುಮಲೈ ಅರಣ್ಯದಲ್ಲಿ ಈ ಗ್ಯಾಂಗ್ ಓಡಾಟದ ಬಗ್ಗೆ ಅರಣ್ಯ ಇಲಾಖೆಗೆ ಗುಪ್ತಚರ ಮಾಹಿತಿ ತಿಳಿಸಿರುವುದು ದೃಢಪಟ್ಟಿದೆ.
ಇನ್ನು ಇತ್ತೀಚಿನ ದಿನಗಳಲ್ಲಿ ತಮಿಳುನಾಡಿನ ಸತ್ಯಮಂಗಲ ಟೈಗರ್ ರಿಸರ್ವ್ ಫಾರೆಸ್ಟ್ ಹಾಗೂ ಮಧುಮಲೈ ಕಾಡಿನಲ್ಲೂ ಈ ಭವಾರಿಯ ಗ್ಯಾಂಗ್ ಸುತ್ತಾಡಿರುವುದು ಗಮನಕ್ಕೆ ಬಂದಿದ್ದು ಹಾಗಾಗಿ ಇದೇ ಗ್ಯಾಂಗ್ ಬಂಡೀಪುರ ಕಾಡಿನಲ್ಲಿ ಉರುಳು ಹಾಕಿ ಹುಲಿ ಬೇಟೆ ಆಡಿದ್ಯ ಎಂಬ ಶಂಕೆ ವ್ಯಕ್ತವಾಗಿದೆ.. ಇನ್ನು ಕರಡಿಕಲ್ಲು ಗುಡ್ಡದ ಬಳಿ ಆನೆಯ ಕಳೇಬರ ಪತ್ತೆಯಾಗಿದ್ದು ಎರಡು ದಂತಗಳು ಮಿಸ್ ಆಗಿವೆ. ಹಾಗಾಗಿ ಬಂಡೀಪುರ ಕಾಡಿನ ಒಳಗೆ ನಟೋರಿಯಸ್ ಭವಾರಿಯ ಗ್ಯಾಂಗ್ ನುಗ್ಗಿತ್ತಾ ಎಂಬ ಗಾಢ ಅನುಮಾನ ಮೂಡಿದೆ.
