SIR ಅಂತಿಮ ಪಟ್ಟಿ ಪ್ರಕಟ: ರಾಜ್ಯದಲ್ಲಿ ಬರೋಬ್ಬರಿ 99 ಲಕ್ಷ 32 ಸಾವಿರ ಮತದಾರರು ಡಿಲೀಟ್

ಬೆಂಗಳೂರು: ರಾಜ್ಯದಲ್ಲಿ ಎಸ್ಐಆರ್ ಪ್ರಕ್ರಿಯೆ ನಿರ್ಣಯಕ ಹಂತಕ್ಕೆ ಬಂದು ತಲುಪಿದೆ. ಎಸ್ ಐ ಆರ್ ಅಂತಿಮ ಪಟ್ಟಿ ಪ್ರಕಟಿಸಿರುವ ರಾಜ್ಯ ಚುನಾವಣಾ ಮುಖ್ಯ ಅಧಿಕಾರಿ ಅನ್ಬು ಕುಮಾರ್ , ರಾಜ್ಯದಲ್ಲಿ ಬರೋಬ್ಬರಿ 99 ಲಕ್ಷ 32 ಸಾವಿರ  ಮತದಾರರು ಡಿಲೀಟ್ ಆಗಿದ್ದಾರೆ. ಒಟ್ಟು ಡಿಲಿಟ್ ಆದ ಮತದಾರರ ಪೈಕಿ ಬೆಂಗಳೂರಿನಲ್ಲಿ ಹೆಚ್ಚು ಡಿಲೀಟ್ ಆಗಿದ್ದಾರೆ. ರಾಜ್ಯದಲ್ಲಿ SIR ನಲ್ಲಿ 99,32,303 ಮತದಾರರು ಡಿಲೀಟ್ ಆಗಿದ್ದು,ಬೆಂಗಳೂರು ನಗರದಲ್ಲಿ 44,80,212 ಮತದಾರರು ಡಿಲೀಟ್ ಆಗಿದೆ. ಬೆಂಗಳೂರು ಹೊರತು ಪಡಿಸಿ ಉಳಿದ ಜಿಲ್ಲೆಗಳಲ್ಲಿ ಒಟ್ಟು 54,52,091 ಮತದಾರರು ಡಿಲೀಟ್ ಆಗಿದೆ.

ಇದೇ ವೇಳೆ ಪ್ರೆಸ್ ಮೀಟ್ ನಲ್ಲಿ ಮಾತನಾಡಿದ ಅನ್ಬು ಕುಮಾರ್, ಯಾವಾದಾದರೂ ಮತದಾರನ ಹೆಸರು ಇಲ್ಲದೆ ಇದ್ದರೆ ಸೇರ್ಪಡೆಗೆ ಅವಕಾಶ ಇದೆ. ಮತದಾರರ ಪಟ್ಟಿ ಪರಿಷ್ಕರಣೆ ನಿರಂತರವಾಗಿರಲಿದೆ. ಸೂಕ್ತ ದಾಖಲಾತಿಗಳು ಇದ್ದಲ್ಲಿ ಫಾರಂ ನಂಬರ್ 6 ಕೊಟ್ಟು ಮತದಾರರ ಪಟ್ಟಿಗೆ ಸೇರ್ಪಡೆ ಮಾಡಬಹುದು. ಈ ರೀತಿಯ ಸನ್ನಿವೇಶಗಳು ಹೆಚ್ಚು ಕಂಡುಬಂದಲ್ಲಿ ವಿಶೇಷ ಮತದಾರ ಸೇರ್ಪಡೆ ಆಂದೋಲನಾ ಆರಂಭಿಸುತ್ತೇವೆ ಎಂದು ಸ್ಪಷ್ಟಪಡಿಸಿದ್ದಾರೆ. ಇದೇ ವೇಳೆ ಫಾರಂ 7 ಬಲ್ಕ್ ಆಗಿ ಸಲ್ಲಿಕೆ ಆಗಿದೆ ಎಂದು ಪರೋಕ್ಷವಾಗಿ ಒಪ್ಪಿಕೊಂಡ ಚುನಾವಣಾ ಆಯೋಗ, ಅಕ್ರಮ ವಲಸಿಗರಿಗೆ ಮತದಾರರ ಪಟ್ಟಿಯಲ್ಲಿ ಸಾವಿರಕ್ಕಿಂತ ಕಡಿಮೆ ಇದ್ದಾರೆ..ಇದರ ಬಗ್ಗೆ ರಾಜ್ಯ ಚುನಾವಣಾ ಆಯೋಗ ಮಾಹಿತಿ ನೀಡಿದ್ದೇವೆ ಎಂದರು. 

ಎಸ್ ಐಆರ್ ಅಂತಿಮ ಕರಡು ಮತಗಳ ಅಂಕಿ ಅಂಶಗಳ ಪ್ರಕಾರ ರಾಜ್ಯದಲ್ಲಿ 5,54,32,314ರ ಇದ್ದ ಸಂಖ್ಯೆ 4,55,00,011ಕ್ಕೆ ಇಳಿಕೆಯಾಗಿದೆ.99 ಲಕ್ಷದ 32 ಸಾವಿರದ 303 ಮತಗಳು ಡಿಲೀಟ್ ಆಗಿದ್ದು,2,25,50,493 ಪುರುಷ ಮತದಾರರು,2,29,12,355 ಮಹಿಳಾ ಮತದಾರರು,2841 ಟ್ರಾನ್ಸ್ ಜೆಂಡರ್ ಮತದಾರರು, 44,322 ಸೇವಾ ಮತದಾರರು, 3252 ಭಾರತದ ಪೌರತ್ವ ಹೊಂದಿರುವ ಹೊರದೇಶದಲ್ಲಿರುವ ಮತದಾರರು ಇದ್ದಾರೆ. ಜೊತೆಗೆ 5,65,340 ವಿಶೇಷಚೇತ ಮತದಾರರು,18-19 ವರ್ಷದೊಳಗಿನ 6,83,364 ಮತದಾರರು,85 ವರ್ಷದ ಮೇಲ್ಪಟ್ಟ 3,92,134 ಮತದಾರರು ಇದ್ದಾರೆ. ರಾಜ್ಯದಲ್ಲಿ ಪುರುಷ ಮತದಾರರಿಗಿಂದ ಮಹಿಳಾ ಮತದಾರರೇ ಅಧಿಕವಾಗಿದ್ದು ಒಟ್ಟು ಮತದಾರರ ಸಂಖ್ಯೆ 4,55,00,011 ,2,25,50,493 ಪುರುಷ ಮತದಾರರು 2,29,12,355 ಮಹಿಳಾ ಮತದಾರರು ಇದ್ದಾರೆ. ಒಟ್ಟಾರೆ ಎಸ್ ಐಆರ್ ಅಂತಿಮ‌ಪಟ್ಟಿ ಪ್ರಕಟವಾಗಿದ್ದು ಮತದಾರರು ತಮ್ಮ ಹೆಸರು ಪರಿಶೀಲಿಸುವಂತೆ ಅನ್ಬು ಕುಮಾರ್ ಆಗ್ರಹಿಸಿದ್ದಾರೆ .