ಜಿಬಿಎನಲ್ಲಿ ಮತ್ತೊಂದು ಬ್ರಹ್ಮಾಂಡ ಭ್ರಷ್ಟಾಚಾರ ಬಯಲು

ಬೆಂಗಳೂರು: ಜಿಬಿಎನಲ್ಲಿ ಮತ್ತೊಂದು ಬ್ರಹ್ಮಾಂಡ ಭ್ರಷ್ಟಾಚಾರ ಬಯಲಾಗಿದೆ.ಕಂಪ್ಯೂಟರ್, ಪ್ರಿಂಟರ್ ಹಾಗು ಬ್ಲೀಚಿಂಗ್ ಪೌಡರ್ ಖರೀದಿಯಲ್ಲಿ
43.50 ಕೋಟಿ ಮೊತ್ತವನ್ನು ವಂಚನೆ ಕುರಿತು ಬಿಜೆಪಿ ಮುಖಂಡ ಎನ್ ಆರ್ ರಮೇಶ್  ಲೋಕಾಯುಕ್ತ ಹಾಗು ED ನಲ್ಲಿ ದಾಖಲಿಸಿದ್ದಾರೆ ..ಈ ಕುರಿತು ಇಲ್ಲಿದೆ ಫುಲ್ ಡಿಟೇಲ್ಸ್.

43.50 ಕೋಟಿ ಜಿಬಿಎ ಅಕ್ರಮದ ಕುರಿತು ED ಹಾಗೂ ಲೋಕಾಯುಕ್ತದಲ್ಲಿ ಬಿಜೆಪಿ ಮುಖಂಡ N. R. ರಮೇಶ್ ಇಂದು ದೂರು ದಾಖಲಿಸಿದ್ದಾರೆ..
ಈ ಹಿಂದಿನ ಬಿಬಿಎಂಪಿಯ ಪೂರ್ವ ವಲಯ, ಪಶ್ಚಿಮ ವಲಯ, ಮಹದೇವಪುರ ವಲಯ ಮತ್ತು ರಾಜರಾಜೇಶ್ವರಿ ನಗರ ವಲಯಗಳಲ್ಲಿ ಈ ಹಗರಣ ನಡೆದಿದೆ ಎಂದು ದೂರು ನೀಡಿದ್ದಾರೆ. 01/04/2023 ರಿಂದ 31/07/2026 ರ ಮೂರು ವರ್ಷಗಳ ಅವಧಿಯಲ್ಲಿ ನಕಲಿ ದಾಖಲೆಗಳನ್ನು ಸೃಷ್ಟಿಸಿ 43.50 ಕೋಟಿ ಮೊತ್ತದ ಪಾಲಿಕೆಯ ಹಣವನ್ನು ಲೂಟಿ ಮಾಡಲಾಗಿದೆ.ಕಾನೂನು ಬಾಹಿರವಾಗಿ ಸಹಕಾರ ನೀಡಿರುವ 04 ಮಂದಿ ಕಾರ್ಯಪಾಲಕ ಅಭಿಯಂತರರು ಮತ್ತು 04 ಮಂದಿ MOH ಗಳ ವಿರುದ್ಧವೂ ದೂರುಗಳು ದಾಖಲಾಗಿದೆ. FDA N. ರವಿಕುಮಾರ್ ಎಂಬ ವಂಚಕ ನೌಕರ ತನ್ನ ಕುಟುಂಬಸ್ಥರ ಹೆಸರುಗಳಲ್ಲಿ ಹಲವು ನಕಲಿ ಸಂಸ್ಥೆಗಳನ್ನು ಸೃಷ್ಟಿಸಿಕೊಂಡು ಪಾಲಿಕೆಗೆ ಬೃಹತ್ ವಂಚನೆಯನ್ನು ಮಾಡಿದ್ದಾನೆ ಎಂದು ಎನ್ ಆರ್ ರಮೇಶ್  ಆರೋಪಿಸಿದ್ದಾರೆ.

ರವಿಕುಮಾರ್ ತನ್ನ ಕುಟುಂಬಸ್ಥರ ಹೆಸರುಗಳಲ್ಲಿ - 1) N. S. Enterprises, 2) N.S.R. Enterprises, 3) Santhosh S. Enterprises, 4) Sharan Enterprises, 5) Lakshmi Balaji Enterprises 6) Alpha Omega Enterprises ಸೇರಿದಂತೆ ಇನ್ನೂ ಹಲವು ನಕಲಿ ಸಂಸ್ಥೆಗಳನ್ನು ಸೃಷ್ಟಿ ಈ ಮೂಲಕ ಪಾಲಿಕೆಯ ಹಣವನ್ನು ಲೂಟಿ ಮಾಡಿರುವುದಾಗಿ ಎನ್ ಅರ್ ರಮೇಶ್ ದಾಖಲೆಗಳನ್ನು ಬಿಡುಗಡೆ ಮಾಡಿದ್ದಾರೆ. ಇವುಗಳ ಜೊತೆಗೆ ಇನ್ನೊಂದಷ್ಟು ಮಂದಿ ವಂಚಕರು - Balaji Associates, Shobha Enterprises, Vinayaka Enterprises, Mahesh Agency, G.M.K. Enterprises, Venkatadri Enterprises, Sathya Enterprises, Preetham Enterprises ಎನ್ನುವ ಹೆಸರುಗಳಲ್ಲಿ ಹಾಗೂ H. C. ಪ್ರವೀಣ್ ಗೌಡ, P. S. Nataraj ಮತ್ತು Girish ಎಂಬುವವರು ಈ ಲೂಟಿ ಕಾರ್ಯದಲ್ಲಿ ಭಾಗಿಗಳಾಗಿರುತ್ತಾರೆ ಎಂದು ಆರೋಪಿಸಿದ್ದಾರೆ..

ಕೇವಲ ಶಾಂತಿನಗರ ವಿಭಾಗದ ಕಾರ್ಯಪಾಲಕ ಅಭಿಯಂತರರ ಕಛೇರಿಗೆ 05 ವರ್ಷಗಳಲ್ಲಿ 113 ಸಲ Computers / Printers / Copiers / Stationery Materials ಗಳನ್ನು ಪೂರೈಕೆ ಮಾಡಿರುವುದಾಗಿ ನಕಲಿ ದಾಖಲೆಗಳನ್ನು ಸೃಷ್ಟಿಸಲಾಗಿದೆ. ಭ್ರಷ್ಟ ಅಧಿಕಾರಿಗಳ ನೆರವಿನಿಂದ ₹. 8,91,46,526/- ಗಳಷ್ಟು ಬೃಹತ್ ಪ್ರಮಾಣದ ಹಣವನ್ನು ಪಾಲಿಕೆಗೆ ವಂಚನೆ ಮಾಡಲಾಗಿದೆ ಎಂದು ಎನ್ ಆರ್ ಆರ್ ತಿಳಿಸಿದ್ದಾರೆ.

ಈ ಹಿನ್ನಲೆಯಲ್ಲಿ ಬೆಂಗಳೂರು ನಗರಾಭಿವೃದ್ಧಿ ಸಚಿವರಾದ  ಕೃಷ್ಣ ಭೈರೇಗೌಡರನ್ನು ಹಾಗೂ GBA ಮುಖ್ಯ ಆಯುಕ್ತರಿಗೂ N. R. ರಮೇಶ್ ದೂರು ನೀಡಲಾಗಿದೆ. ಹಾಗೆಯೇ, N. ರವಿಕುಮಾರ್ ಅವರನ್ನು ಸೇವೆಯಿಂದ ವಜಾಗೊಳಿಸುವುದಲ್ಲದೇ, ಎಲ್ಲಾ ವಂಚಕ ಸಂಸ್ಥೆಗಳನ್ನು ಕೂಡಲೇ ಕಪ್ಪು ಪಟ್ಟಿಗೆ ಸೇರಿಸಲು ದೂರಿನಲ್ಲಿ ಎನ್ ಆರ್ ಆರ್ ಆಗ್ರಹಿಸಿದ್ದಾರೆ. ವಂಚಕ ಸಂಸ್ಥೆಗಳು ಮತ್ತು ಭ್ರಷ್ಟ ಅಧಿಕಾರಿಗಳಿಂದ ಸಂಪೂರ್ಣ ಹಣವನ್ನು ವಾಪಸ್ಸು ಪಡೆಯುವ ಸಂಬಂಧ ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳಬೇಕೆಂದು N. R. ರಮೇಶ್ ಆಗ್ರಹಿಸಿದ್ದಾರೆ..