ದಸರಾ, ದೀಪಾವಳಿ ಹಿನ್ನಲೆಯಲ್ಲಿ ಪರಿಷ್ಕೃತ ಸಮಯದೊಂದಿಗೆ ವಿಶೇಷ ರೈಲು ಸೇವೆಗಳ ವಿಸ್ತರಣೆ: ರೈಲ್ವೆ ಇಲಾಖೆಯ ಮಹತ್ವದ ನಿರ್ಧಾರ

ಮುಂಬರುವ ದಸರಾ, ದೀಪಾವಳಿ ಮತ್ತು ಛತ್ ಹಬ್ಬದ ಋತುವಿನ ಹಿನ್ನೆಲೆಯಲ್ಲಿ ಹಾಗೂ ಪ್ರಯಾಣಿಕರ ಹೆಚ್ಚುವರಿ ದಟ್ಟಣೆಯನ್ನು ನಿಭಾಯಿಸಲು, ರೈಲ್ವೆ ಮಂಡಳಿಯು ಮಹತ್ವದ ನಿರ್ಧಾರ ಕೈಗೊಂಡಿದ್ದು, ಈ ಕೆಳಗಿನ ವಿಶೇಷ ರೈಲುಗಳ ಸೇವೆಯನ್ನು ಪರಿಷ್ಕೃತ ಸಮಯದೊಂದಿಗೆ ವಿಸ್ತರಿಸಲು ಅನುಮೋದನೆ ನೀಡಿದೆ.

ದಸರಾ, ದೀಪಾವಳಿ ಮತ್ತು ಛತ್ ಪೂಜಾ ಹಿನ್ನಲೆಯಲ್ಲಿ ಯಾವ್ಯಾವ ರೈಲುಗಳ ಸೇವೆ ವಿಸ್ತರಸಲಾಗಿದೆ ಎಂಬ ವಿವರಗಳು ಈ ಕೆಳಗಿನಂತಿವೆ:
1. ಯಶವಂತಪುರ–ಕಟಿಹಾರ್ ಸಾಪ್ತಾಹಿಕ ವಿಶೇಷ ರೈಲು:
ರೈಲು ಸಂಖ್ಯೆ 06571 ಯಶವಂತಪುರ–ಕಟಿಹಾರ್ ಸಾಪ್ತಾಹಿಕ ವಿಶೇಷ ರೈಲು (ಪ್ರತಿ ಮಂಗಳವಾರ ಯಶವಂತಪುರದಿಂದ ಹೊರಡುವ) ರೈಲು ಹಿಂದೆ 25.08.2026 ರವರೆಗೆ ಸಂಚರಿಸಲು ನಿಗದಿಯಾಗಿತ್ತು, ಈಗ ಇದನ್ನು 22.09.2026 ರಿಂದ 24.11.2026 ರವರೆಗೆ ಸಂಚರಿಸುವಂತೆ ವಿಸ್ತರಿಸಲಾಗಿದೆ.

2. ಕಟಿಹಾರ್–ಯಶವಂತಪುರ ಸಾಪ್ತಾಹಿಕ ವಿಶೇಷ ರೈಲು:
ರೈಲು ಸಂಖ್ಯೆ 06572 ಕಟಿಹಾರ್–ಯಶವಂತಪುರ ಸಾಪ್ತಾಹಿಕ ವಿಶೇಷ ರೈಲು (ಪ್ರತಿ ಶುಕ್ರವಾರ ಕಟಿಹಾರ್‌ನಿಂದ ಹೊರಡುವ) ಈ ಹಿಂದೆ 28.08.2026 ರವರೆಗೆ ಸಂಚರಿಸಲು ನಿಗದಿಯಾಗಿತ್ತು, ಈಗ ಇದನ್ನು 25.09.2026 ರಿಂದ 27.11.2026 ರವರೆಗೆ ಸಂಚರಿಸುವಂತೆ ವಿಸ್ತರಿಸಲಾಗಿದೆ.

3. ಎಸ್‌ಎಂವಿಟಿ (SMVT) ಬೆಂಗಳೂರು–ಮಾಲ್ಡಾ ಟೌನ್ ಸಾಪ್ತಾಹಿಕ ವಿಶೇಷ ರೈಲು:
ರೈಲು ಸಂಖ್ಯೆ 06565 ಎಸ್‌ಎಂವಿಟಿ (SMVT) ಬೆಂಗಳೂರು–ಮಾಲ್ಡಾ ಟೌನ್ ಸಾಪ್ತಾಹಿಕ ವಿಶೇಷ ರೈಲು (ಪ್ರತಿ ಭಾನುವಾರ ಎಸ್‌ಎಂವಿಟಿ ಬೆಂಗಳೂರಿನಿಂದ ಹೊರಡುವ) ಈ ಹಿಂದೆ 30.08.2026 ರವರೆಗೆ ಸಂಚರಿಸಲು ನಿಗದಿಯಾಗಿತ್ತು, ಈಗ ಇದನ್ನು 20.09.2026 ರಿಂದ 22.11.2026 ರವರೆಗೆ ಸಂಚರಿಸುವಂತೆ ವಿಸ್ತರಿಸಲಾಗಿದೆ.

4. ಮಾಲ್ಡಾ ಟೌನ್–ಎಸ್‌ಎಂವಿಟಿ (SMVT) ಬೆಂಗಳೂರು ಸಾಪ್ತಾಹಿಕ ವಿಶೇಷ ರೈಲು:
ರೈಲು ಸಂಖ್ಯೆ 06566 ಮಾಲ್ಡಾ ಟೌನ್–ಎಸ್‌ಎಂವಿಟಿ (SMVT) ಬೆಂಗಳೂರು ಸಾಪ್ತಾಹಿಕ ವಿಶೇಷ ರೈಲು (ಪ್ರತಿ ಬುಧವಾರ ಮಾಲ್ಡಾ ಟೌನ್‌ನಿಂದ ಹೊರಡುವ) ಈ ಹಿಂದೆ 02.09.2026 ರವರೆಗೆ ಸಂಚರಿಸಲು ನಿಗದಿಯಾಗಿತ್ತು, ಈಗ ಇದನ್ನು 23.09.2026 ರಿಂದ 25.11.2026 ರವರೆಗೆ ಸಂಚರಿಸುವಂತೆ ವಿಸ್ತರಿಸಲಾಗಿದೆ.

ವಿಸ್ತೃತ ಅವಧಿಯಲ್ಲಿ, ಮೇಲಿನ ವಿಶೇಷ ರೈಲುಗಳು ಪ್ರತಿ ದಿಕ್ಕಿನಲ್ಲಿಯೂ ಹತ್ತು ಬಾರಿ (ಹತ್ತು ಟ್ರಿಪ್‌ಗಳು) ಸಂಚರಿಸಲಿವೆ ಎಂದು ಭಾರತೀಯ ರೈಲ್ವೆ ಮಾಹಿತಿ ನೀಡಿದೆ.

ವಿಶೇಷ ರೈಲುಗಳ ಸಂಯೋಜನೆ: 
ಮೇಲಿನ ಎಲ್ಲಾ ವಿಶೇಷ ರೈಲುಗಳು 24 ಬೋಗಿಗಳನ್ನು (ಕೋಚ್‌ಗಳನ್ನು) ಹೊಂದಿರುತ್ತವೆ. ಈ ರೈಲಿನ ಸಂಯೋಜನೆಯು 01 ಎಸಿ 2-ಟೈರ್, 03 ಎಸಿ 3-ಟೈರ್, 10 ಸ್ಲೀಪರ್ ಕ್ಲಾಸ್, 08 ಸಾಮಾನ್ಯ ದ್ವಿತೀಯ ದರ್ಜೆ (General Second Class) ಮತ್ತು 02 ಎಸ್‌ಎಲ್‌ಆರ್ (SLR) ಬೋಗಿಗಳನ್ನು ಒಳಗೊಂಡಿರುತ್ತವೆ.

ರೈಲು ಸಂಖ್ಯೆ 06571/06572 ರ ಪರಿಷ್ಕೃತ ಸಮಯಗಳು:
* ಪೂರ್ವ ರೈಲ್ವೆ ವಲಯದಲ್ಲಿ ರೈಲು ಸಂಖ್ಯೆ 06571 ಯಶವಂತಪುರ–ಕಟಿಹಾರ್ ಸಾಪ್ತಾಹಿಕ ವಿಶೇಷ ರೈಲು ಮತ್ತು ರೈಲು ಸಂಖ್ಯೆ 06572 ಕಟಿಹಾರ್–ಯಶವಂತಪುರ ಸಾಪ್ತಾಹಿಕ ವಿಶೇಷ ರೈಲಿನ ಸಮಯವನ್ನು ಪರಿಷ್ಕರಿಸಲಾಗಿದೆ.

ರೈಲು ಸಂಖ್ಯೆ 06571 ಯಶವಂತಪುರ–ಕಟಿಹಾರ್ ಸಾಪ್ತಾಹಿಕ ವಿಶೇಷ ರೈಲು ಮಾರ್ಗಮಧ್ಯದ ನಿಲ್ದಾಣಗಳಲ್ಲಿ ಈ ಕೆಳಗಿನಂತೆ ಆಗಮಿಸುತ್ತದೆ/ಹೊರಡುತ್ತದೆ: ಡಂಕುನಿ (20:25/20:27 ಗಂಟೆಗೆ), ಬರ್ಧಮಾನ್ (21:47/21:50 ಗಂಟೆಗೆ), ಬೋಲ್ಪುರ್-ಶಾಂತಿನಿಕೇತನ (22:42/22:44 ಗಂಟೆಗೆ), ರಾಂಪುರ್ ಹಾಟ್ (23:52/23:54 ಗಂಟೆಗೆ), ಪಾಕೂರ್ (01:12/01:14 ಗಂಟೆಗೆ), ಮಾಲ್ಡಾ ಟೌನ್ (03:35/03:45 ಗಂಟೆಗೆ), ಸಾಮ್ಸಿ (04:13/04:15 ಗಂಟೆಗೆ) ಮತ್ತು ಕುಮೆದ್‌ಪುರ್ (04:34/04:36 ಗಂಟೆಗೆ). ಈ ರೈಲು ಕಟಿಹಾರ್‌ಗೆ 06:00 ಗಂಟೆಗೆ ತಲುಪುತ್ತದೆ; ಈ ಸಮಯದಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ.

ಮರುಮಾರ್ಗದಲ್ಲಿ, ರೈಲು ಸಂಖ್ಯೆ 06572 ಕಟಿಹಾರ್–ಯಶವಂತಪುರ ಸಾಪ್ತಾಹಿಕ ವಿಶೇಷ ರೈಲು ಕಟಿಹಾರ್‌ನಿಂದ 05:15 ಗಂಟೆಗೆ ಹೊರಡುತ್ತದೆ (ಈ ಸಮಯದಲ್ಲಿ ಬದಲಾವಣೆ ಇಲ್ಲ) ಮತ್ತು ಮಾರ್ಗಮಧ್ಯೆ ಮಾಲ್ಡಾ ಟೌನ್ (07:25/07:35 ಗಂಟೆಗೆ), ಪಾಕೂರ್ (09:07/09:09 ಗಂಟೆಗೆ), ರಾಂಪುರ್ ಹಾಟ್ (09:48/09:50 ಗಂಟೆಗೆ), ಬೋಲ್ಪುರ್-ಶಾಂತಿನಿಕೇತನ (10:55/10:57 ಗಂಟೆಗೆ), ಬರ್ಧಮಾನ್ (12:24/12:27 ಗಂಟೆಗೆ) ಹಾಗೂ ಡಂಕುನಿ (13:35/13:37 ಗಂಟೆಗೆ) ನಿಲ್ದಾಣಗಳಲ್ಲಿ ಆಗಮಿಸುತ್ತದೆ/ಹೊರಡುತ್ತದೆ.

ರೈಲು ಸಂಖ್ಯೆ 06565/06566 ರ ಪರಿಷ್ಕೃತ ಸಮಯಗಳು:
ಪೂರ್ವ ರೈಲ್ವೆ ವಲಯದ ವ್ಯಾಪ್ತಿಯಲ್ಲಿ ರೈಲು ಸಂಖ್ಯೆ 06565 SMVT ಬೆಂಗಳೂರು–ಮಾಲ್ಡಾ ಟೌನ್ ಸಾಪ್ತಾಹಿಕ ವಿಶೇಷ ರೈಲು ಮತ್ತು ರೈಲು ಸಂಖ್ಯೆ 06566 ಮಾಲ್ಡಾ ಟೌನ್–SMVT ಬೆಂಗಳೂರು ಸಾಪ್ತಾಹಿಕ ವಿಶೇಷ ರೈಲಿನ ಸಮಯಗಳನ್ನು ಪರಿಷ್ಕರಿಸಲಾಗಿದೆ.

ರೈಲು ಸಂಖ್ಯೆ 06565 SMVT ಬೆಂಗಳೂರು–ಮಾಲ್ಡಾ ಟೌನ್ ಸಾಪ್ತಾಹಿಕ ವಿಶೇಷ ರೈಲು ಮಾರ್ಗಮಧ್ಯದ ನಿಲ್ದಾಣಗಳಾದ ಡಂಕುನಿಯನ್ನು 09:53/09:55 ಗಂಟೆಗೆ, ಬರ್ಧಮಾನ್ ಅನ್ನು 11:21/11:24 ಗಂಟೆಗೆ, ಬೋಲ್ಪುರ್ (ಶಾಂತಿನಿಕೇತನ) ಅನ್ನು 12:24/12:26 ಗಂಟೆಗೆ, ರಾಂಪುರ್ ಹಟ್ ಅನ್ನು 13:10/13:12 ಗಂಟೆಗೆ ಮತ್ತು ನ್ಯೂ ಫರಕ್ಕಾವನ್ನು 15:25/15:27 ಗಂಟೆಗೆ ತಲುಪಲಿದೆ/ಅಲ್ಲಿಂದ ಹೊರಡಲಿದೆ. ಈ ರೈಲು ಮಾಲ್ಡಾ ಟೌನ್ ಅನ್ನು 16:35 ಗಂಟೆಗೆ ತಲುಪಲಿದ್ದು, ಈ ಸಮಯದಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ.

ರೈಲು ಸಂಖ್ಯೆ 06566 ಮಾಲ್ಡಾ ಟೌನ್–SMVT ಬೆಂಗಳೂರು ಸಾಪ್ತಾಹಿಕ ವಿಶೇಷ ರೈಲು ಮಾಲ್ಡಾ ಟೌನ್‌ನಿಂದ 16:00 ಗಂಟೆಗೆ ಹೊರಡಲಿದ್ದು (ಈ ಸಮಯದಲ್ಲಿ ಬದಲಾವಣೆ ಇಲ್ಲ) ಮತ್ತು ಮಾರ್ಗಮಧ್ಯೆ ನ್ಯೂ ಫರಕ್ಕಾವನ್ನು 16:32/16:34 ಗಂಟೆಗೆ, ರಾಂಪುರ್ ಹಟ್ ಅನ್ನು 17:58/18:00 ಗಂಟೆಗೆ, ಬೋಲ್ಪುರ್ (ಶಾಂತಿನಿಕೇತನ) ಅನ್ನು 18:40/18:42 ಗಂಟೆಗೆ, ಬರ್ಧಮಾನ್ ಅನ್ನು 20:21/20:23 ಗಂಟೆಗೆ ಹಾಗೂ ಡಂಕುನಿಯನ್ನು 21:18/21:20 ಗಂಟೆಗೆ ತಲುಪಲಿದೆ/ಅಲ್ಲಿಂದ ಹೊರಡಲಿದೆ.

ಈ ಪರಿಷ್ಕೃತ ಸಮಯಗಳು ಮೇಲೆ ತಿಳಿಸಲಾದ ಪೂರ್ವ ರೈಲ್ವೆ ವ್ಯಾಪ್ತಿಗೆ ಬರುವ ನಿಲ್ದಾಣಗಳಿಗೆ ಮಾತ್ರ ಅನ್ವಯಿಸುತ್ತವೆ. ಇತರ ನಿಲ್ದಾಣಗಳ ಸಮಯಗಳಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ ಎಂಬುದು ಗಮನಾರ್ಹವಾಗಿದೆ.