ಕೆ.ಆರ್.ಮಾರ್ಕೆಟ್ ಮಾದರಿಯಲ್ಲಿ ಜಯನಗರದಲ್ಲೂ ಅತ್ಯಾಧುನಿಕ ಪಾರ್ಕಿಂಗ್ ನಿರ್ಮಾಣ!

ಬೆಂಗಳೂರು : ಹಾಲಿ ಕೊಳಚೆ ನೀರು ,ಮೂತ್ರ ವಿಸರ್ಜನೆಯಿಂದ ಗೊಬ್ಬೆದ್ದು ಹೋಗಿರುವ ಜಯನಗರ ಪಾರ್ಕಿಂಗ್ ಜಾಗಕ್ಕೆ ಹೈಟೆಕ್ ಸ್ಪರ್ಷ ಸಿಗಲಿದೆ.. ಈ ಹಿನ್ನಲೆಯಲ್ಲಿ ಬೆಂಗಳೂರು ದಕ್ಷಿಣ ಜಿಬಿಎ ಆಯುಕ್ತ ಕೆ.ಎನ್ ರಮೇಶ್ ನೇತೃತ್ವದಲ್ಲಿ ಪಾರ್ಕಿಂಗ್ ಪ್ಲಾನ್ ರೂಪಿಸಲಾಗಿದೆ. ಪಾಲಿಕೆ ಚೀಫ್ ಇಂಜಿನೀಯರ್ ಬಸವರಾಜ್ ಕಬಾಡೆ ಮಾರ್ಗದರ್ಶನಲ್ಲಿ ಈಗಾಗಲೇ ರೈಟ್ ಪಾರ್ಕಿಂಗ್ ಸಂಸ್ಥೆಗೆ ಟೆಂಡರ್ ಮೂಲಕ ವರ್ಕ್ಆರ್ಡರ್ ನೀಡಲಾಗಿದೆ. 6 ತಿಂಗಳ ಒಳಗೆ ಕೆಆರ್ ಮಾರ್ಕೆಟ್ ಮಾದರಿಯಲ್ಲಿ ಹೈಟೆಕ್ ಪಾರ್ಕಿಂಗ್ ನಿರ್ಮಾಣ ಗುರಿ ಹೊಂದಿದ್ದೇವೆ ಅಂತಾರೆ ಬೆಂಗಳೂರು ದಕ್ಷಿಣ ಪಾಲಿಕೆ ಆಯುಕ್ತ ಕೆ .ಎನ್ ರಮೇಶ್.

ಈ ಹಿಂದೆ ಗೊಬ್ಬೆದ್ದು ಹೋಗಿದ್ದ ಕೆ ಆರ್ ಮಾರ್ಕೆಟ್ ಪಾರ್ಕಿಂಗ್ ಇದೀಗ ಹೈಟೆಕ್ ಪಾರ್ಕಿಂಗ್ ಆಗಿ ನಿರ್ಮಿಸಿರುವ ರೈಟ್ ಪಾರ್ಕಿಂಗ್ ಸಂಸ್ಥೆ ಜಯನಗರ ಪಾರ್ಕಿಂಗ್ ಜಾಗವನ್ನು ಹೈಟೆಕ್ ಮಾಡಲಿದೆ. ಸಿಸಿಟಿವಿ ವ್ಯವಸ್ಥೆ, ಸ್ವಚ್ಚತೆ, ಎಮರ್ಜೆನ್ಸಿ ಅಲಾರಾಮ್ ವ್ಯವಸ್ಥೆ ಇರುವ ಕೆ ಆರ್ ಮಾರ್ಕೆಟ್ ಪಾರ್ಕಿಂಗ್ ಮಾದರಿಯಲ್ಲೇ ಇದೀಗ ಅತ್ಯಂತ ಜನನಿಬಿಡಿ ಜಯನಗರ ಶಾಪಿಂಗ್ ಕಾಂಪ್ಲೆಕ್ಸ್ ಹೈಟೆಕ್ ಆಗಲಿದೆ..

ಶಾಪಿಂಗ್ ಕಾಂಪ್ಲೆಕ್ಸ್ ಸುತ್ತಲೂ ಅತ್ಯಾಧುನಿಕ ಪಾರ್ಕಿಂಗ್ ವ್ಯವಸ್ಥೆ ಜಾರಿಗೆ ತರಲು ಪ್ಲಾನ್ ಮಾಡಲಾಗಿದೆ..ಪಾರ್ಕಿಂಗ್ ಲೈನಿಂಗ್ ,ಸಿಸಿಟಿವಿ,ಮೊಬೈಲ್ ನಲ್ಲೇ ಖಾಲಿ ಇರುವ ಪಾರ್ಕಿಂಗ್ ಜಾಗದ ಮಾಹಿತಿ‌ ವಾಹನ ಮಾಲೀಕರಿಗೆ ಸಿಗಲಿದೆ .ಇದಕ್ಕಾಗಿ ಕನಿಷ್ಟ ಶುಲ್ಕಬನಿಗದಿ ಮಾಡಿದ್ದು ಬರುವ ಆದಾಯವನ್ನು ಪಾಲಿಕೆ ರಸ್ತೆ ಸೇರಿದಂತೆ ಮೂಲಭೂತ ಸೌಕರ್ಯಗಳ ಅಭಿವೃದ್ಧಿಗೆ ಬಳಸಲಾಗುವುದು ಎಂದು ಆಯುಕ್ತ ಕೆ.ಎನ್.ರಮೇಶ್ ತಿಳಿಸಿದ್ದಾರೆ.

ಜಯನಗರ ಶಾಂಪಿಂಗ್ ಕಾಂಪ್ಲೆಕ್ಸ್ ನಲ್ಲಿ ಒಟ್ಟು 118 ಕಾರು ಹಾಗು 115 ಬೈಕ್ ಪಾರ್ಕಿಂಗ್ ವ್ಯವಸ್ಥೆ ಹೈಟೆಕ್ ವ್ಯವಸ್ಥೆ ನಿರ್ಮಾಣವಾಗಲಿದೆ. 200 ಕಾರು ಹಾಗು 400 ಕಾರುಗಳ ಪಾರ್ಕಿಂಗ್ ಗೆ ಕೆಆರ್ ಮಾರುಕಟ್ಟೆ ನಲ್ಲಿ ಹೈಟೆಕ್ ಪಾರ್ಕಿಂಗ್ ವ್ಯವಸ್ಥೆಯನ್ನು ರೈಟ್ ಪಾರ್ಕಿಂಗ್ ಸಂಸ್ಥೆ ಜಾರಿಗೆ ತಂದು ಜನಮೆಚ್ಚುಗೆಗೆ ಪಾತ್ರವಾಗಿದೆ. ಅದೇ ರೀತಿಯಲ್ಲಿ ಶೀಘ್ರವೇ ಜಯನಗರ ಶಾಪಿಂಗ್ ಕಾಂಪ್ಯಾಕ್ಟ್ ಗೆ ಹೈಟೆಕ್ ವ್ಯವಸ್ಥೆ ನಿರ್ಮಿಸೋ ಹೊಸ ಸವಾಲನ್ನು ರೈಟ್ ಪಾರ್ಕಿಂಗ್ ಸಂಸ್ಥೆ ಸ್ವೀಕರಿಸಿದೆ..