ಪ್ರಯಾಣಿಕರೇ ಗಮನಿಸಿ! ವಿಶಾಖಪಟ್ಟಣ - ಬೆಂಗಳೂರು ನಡುವೆ ವಿಶೇಷ ರೈಲು ಸಂಚಾರ

ನವರಾತ್ರಿ, ದಸರಾ, ದೀಪಾವಳಿ ಹಬ್ಬಗಳ ಸಂದರ್ಭದಲ್ಲಿ ಪ್ರಯಾಣಿಕರ ದಟ್ಟಣೆಯನ್ನು ನಿಭಾಯಿಸುವ ನಿಟ್ಟಿನಲ್ಲಿ ಸೌತ್‌ ಕೋಸ್ಟ್ ರೈಲ್ವೆಯು ನೆರೆಯ ಆಂಧ್ರಪ್ರದೇಶದ ಅತಿದೊಡ್ಡ ಕರಾವಳಿ ನಗರ ಹಾಗೂ ಪ್ರಮುಖ ಪ್ರವಾಸಿ ತಾಣವಾಗಿರುವ ವಿಶಾಖಪಟ್ಟಣ ಮತ್ತು ಕರ್ನಾಟಕದ ರಾಜಧಾನಿ ಬೆಂಗಳೂರಿನ ಸರ್ ಎಂ. ವಿಶ್ವೇಶ್ವರಯ್ಯ ಟರ್ಮಿನಲ್ (SMVT) ನಡುವೆ ವಿಶೇಷ ಸಾಪ್ತಾಹಿಕ ಎಕ್ಸ್‌ಪ್ರೆಸ್ ರೈಲುಗಳನ್ನು ಘೋಷಿಸಿದೆ.

ಈ ಕುರಿತಂತೆ ಪತ್ರಿಕಾ ಪ್ರಕಟಣೆಯಲ್ಲಿ ಮಾಹಿತಿ ಹಂಚಿಕೊಂಡಿರುವ ರೈಲ್ವೆ ಇಲಾಖೆ, ಹಬ್ಬಗಳ ಸಂದರ್ಭದಲ್ಲಿ ಹೆಚ್ಚಿನ ಪ್ರಯಾಣಿಕರ ದಟ್ಟಣೆ ನಿಭಾಯಿಸಲು ವಿಶಾಖಪಟ್ಟಣ ಹಾಗೂ ಬೆಂಗಳೂರು ನಡುವೆ ಸಾಪ್ತಾಹಿಕ ಎಕ್ಸ್‌ಪ್ರೆಸ್ ವಿಶೇಷ ರೈಲುಗಳನ್ನು ಸಂಚರಿಸಲು ತೀರ್ಮಾನಿಸಲಾಗಿದೆ. ಈ ವಿಶೇಷ ರೈಲುಗಳು ಪ್ರತಿ ದಿಕ್ಕಿನಲ್ಲಿಯೂ ತಲಾ 8 ಬಾರಿ ಸಂಚರಿಸಲಿವೆ ಎಂದು ತಿಳಿಸಿದೆ.

ವಿಶಾಖಪಟ್ಟಣ–SMVT ಬೆಂಗಳೂರು ನಡುವೆ ಯಾವಾಗಿನಿಂದ ಸಾಪ್ತಾಹಿಕ ಎಕ್ಸ್‌ಪ್ರೆಸ್ ವಿಶೇಷ ರೈಲು ಸಂಚರಿಸಲಿವೆ?
ರೈಲು ಸಂಖ್ಯೆ 08583 ವಿಶಾಖಪಟ್ಟಣ–SMVT ಬೆಂಗಳೂರು ಸಾಪ್ತಾಹಿಕ ಎಕ್ಸ್‌ಪ್ರೆಸ್ ವಿಶೇಷ ರೈಲು, 06.10.2026 ರಿಂದ 24.11.2026 ರವರೆಗೆ ಪ್ರತಿ ಮಂಗಳವಾರ ಸಂಜೆ 19:00 ಗಂಟೆಗೆ ವಿಶಾಖಪಟ್ಟಣದಿಂದ ಹೊರಟು, ಮರುದಿನ (ಬುಧವಾರ) ಮಧ್ಯಾಹ್ನ 12:45 ಗಂಟೆಗೆ SMVT ಬೆಂಗಳೂರನ್ನು ತಲುಪಲಿದೆ.

SMVT ಬೆಂಗಳೂರು- ವಿಶಾಖಪಟ್ಟಣ ನಡುವಿನ ರೈಲು ಸಂಚಾರ:
ಮರುಮಾರ್ಗದಲ್ಲಿ, ರೈಲು ಸಂಖ್ಯೆ 08584 SMVT ಬೆಂಗಳೂರು–ವಿಶಾಖಪಟ್ಟಣ ಸಾಪ್ತಾಹಿಕ ಎಕ್ಸ್‌ಪ್ರೆಸ್ ವಿಶೇಷ ರೈಲು, 07.10.2026 ರಿಂದ 25.11.2026 ರವರೆಗೆ ಪ್ರತಿ ಬುಧವಾರ ಮಧ್ಯಾಹ್ನ 15:50 ಗಂಟೆಗೆ SMVT ಬೆಂಗಳೂರಿನಿಂದ ಹೊರಟು, ಮರುದಿನ (ಗುರುವಾರ) ಮಧ್ಯಾಹ್ನ 13:30 ಗಂಟೆಗೆ ವಿಶಾಖಪಟ್ಟಣವನ್ನು ತಲುಪಲಿದೆ.

SMVT ಬೆಂಗಳೂರು- ವಿಶಾಖಪಟ್ಟಣ ನಡುವಿನ ರೈಲುಗಳು ಯಾವ ಮಾರ್ಗದಲ್ಲಿ ಸಂಚರಿಸಲಿವೆ?
ಈ ವಿಶೇಷ ರೈಲು ಮಾರ್ಗಮಧ್ಯೆ ಎರಡೂ ದಿಕ್ಕುಗಳಲ್ಲಿ ದುವ್ವಾಡ, ಅನಕಾಪಲ್ಲಿ, ಸಮಲ್ಕೋಟ್ ಜಂಕ್ಷನ್, ರಾಜಮಂಡ್ರಿ, ಏಲೂರು, ವಿಜಯವಾಡ ಜಂಕ್ಷನ್, ಒಂಗೋಲು, ನೆಲ್ಲೂರು, ಗೂಡೂರು ಜಂಕ್ಷನ್, ರೇಣಿಗುಂಟ ಜಂಕ್ಷನ್, ಕಾಟ್ಪಾಡಿ ಜಂಕ್ಷನ್, ಜೋಲಾರಪೇಟೆ ಜಂಕ್ಷನ್, ಬಂಗಾರಪೇಟೆ ಜಂಕ್ಷನ್ ಮತ್ತು ಕೃಷ್ಣರಾಜಪುರಂ ನಿಲ್ದಾಣಗಳಲ್ಲಿ ನಿಲುಗಡೆ ಹೊಂದಿರಲಿದೆ.

ಈ ರೈಲು ಒಟ್ಟು 19 ಬೋಗಿಗಳನ್ನು ಒಳಗೊಂಡಿರುತ್ತದೆ: ಇದರಲ್ಲಿ 2 ಎಸಿ 2-ಟೈರ್ ಬೋಗಿಗಳು, 4 ಎಸಿ 3-ಟೈರ್ ಬೋಗಿಗಳು, 7 ಸ್ಲೀపర్ ಕ್ಲಾಸ್ ಬೋಗಿಗಳು, 4 ಸಾಮಾನ್ಯ ದ್ವಿತೀಯ ದರ್ಜೆಯ (General Second Class) ಬೋಗಿಗಳು ಹಾಗೂ 1 ಬ್ರೇಕ್, ಲಗೇಜ್ ಮತ್ತು ಜನರೇಟರ್ ಕಾರ್ (SLR) ಮತ್ತು ದಿವ್ಯಾಂಗ ಸ್ನೇಹಿ ವಿಭಾಗವನ್ನು ಹೊಂದಿರುವ 1 ದ್ವಿತೀಯ ದರ್ಜೆ-ಕಮ್-ಲಗೇಜ್ ಮತ್ತು ಬ್ರೇಕ್ ವ್ಯಾನ್ ಸೇರಿವೆ.