SOCIAL MEDIA

Newsletter

PARTNER SITES
Select Language Select State

ಕ್ಯಾನ್ಸರ್ ಚಿಕಿತ್ಸೆಯಲ್ಲಿ ಹೊಸ ಕ್ರಾಂತಿ: ಮಾರಕ ರೋಗಕ್ಕೆ ಬಂತು ಸಂಜೀವಿನಿ 'ನಿಯೋಂಕೊವಾಕ್' ಲಸಿಕೆ

ವೈದ್ಯಕೀಯ ವಿಜ್ಞಾನದ ಇತಿಹಾಸದಲ್ಲೇ ಅತ್ಯಂತ ರೋಚಕ ಮತ್ತು ಅಭೂತಪೂರ್ವ ಪವಾಡವೊಂದು ಸಂಭವಿಸಿದೆ. ದಶಕಗಳಿಂದ ಇಡೀ ಮಾನವಕುಲವನ್ನು ಬೆಚ್ಚಿಬೀಳಿಸುತ್ತಿರುವ ಮಾರಣಾಂತಿಕ ಕ್ಯಾನ್ಸರ್ ರೋಗಕ್ಕೆ ಕೊನೆಗೂ ರಾಮಬಾಣ ಲಸಿಕೆ ಸಿಕ್ಕಿದೆ. ರಷ್ಯಾದ ಮಾಸ್ಕೋದಲ್ಲಿರುವ ಪ್ರತಿಷ್ಠಿತ ಗಮಲೇಯ ಸಂಶೋಧನಾ ಸಂಸ್ಥೆಯು 'ನಿಯೋಂಕೊವಾಕ್' (Neoncovac) ಎಂಬ ನೂತನ ಎಂಆರ್‌ಎನ್‌ಎ (mRNA) ಲಸಿಕೆಯನ್ನು ಅಭಿವೃದ್ಧಿಪಡಿಸಿದ್ದು, ಮೊದಲ ರೋಗಿಯ ಮೇಲಿನ ಪ್ರಯೋಗದಲ್ಲೇ ಅದ್ಭುತ ಯಶಸ್ಸು ಕಂಡಿದೆ.. ಹೆಚ್ಚಿನ ಮಾಹಿತಿ ಇಲ್ಲಿದೆ..

Written By Krishna NK
Published: Nov 15, 2026, 20:12 IST | Updated: Nov 15, 2026, 20:15 IST
Image Credit: Neooncovac Cancer Vaccine
Join

ಮಾಸ್ಕೋ : ವೈದ್ಯಕೀಯ ವಿಜ್ಞಾನ ಲೋಕದಲ್ಲಿ ಇಂದು ಶತಮಾನದ ಅತಿ ದೊಡ್ಡ ಮತ್ತು ಅಭೂತಪೂರ್ವ ಪವಾಡವೊಂದು ಸಂಭವಿಸಿದೆ.. ಇಡೀ ಮಾನವಕುಲವನ್ನೇ ದಶಕಗಳಿಂದ ಕಾಡುತ್ತಿರುವ ಮಾರಣಾಂತಿಕ ಕ್ಯಾನ್ಸರ್‌ಗೆ ಕೊನೆಗೂ ರಾಮಬಾಣ ಲಸಿಕೆ ಸಿಕ್ಕಿದೆ!.. ರಷ್ಯಾ ದೇಶ ಅಭಿವೃದ್ಧಿಪಡಿಸಿರುವ ನೂತನ 'ಕ್ಯಾನ್ಸರ್ ಲಸಿಕೆ' ಮೊದಲ ರೋಗಿಯಲ್ಲೇ ಅದ್ಭುತ ಫಲಿತಾಂಶ ನೀಡಿದ್ದು, ಕೇವಲ ನಾಲ್ಕೇ ನಾಲ್ಕು ತಿಂಗಳಲ್ಲಿ ರೋಗಿಯ ದೇಹದಲ್ಲಿದ್ದ ಕ್ಯಾನ್ಸರ್ ಗೆಡ್ಡೆಗಳು ಸಂಪೂರ್ಣವಾಗಿ ಕರಗಿ ಮಾಯವಾಗಿವೆ!..

ಹೌದು, ಮಾಸ್ಕೋದ ಪ್ರತಿಷ್ಠಿತ ಗಮಲೇಯ ಸಂಶೋಧನಾ ಸಂಸ್ಥೆಯ ವಿಜ್ಞಾನಿಗಳು 'ನಿಯೋಂಕೊವಾಕ್' (Neoncovac) ಎಂಬ ಈ ಸಂಜೀವಿನಿ ಲಸಿಕೆಯನ್ನು ಸಿದ್ಧಪಡಿಸಿದ್ದು, ಕ್ಯಾನ್ಸರ್ ಕೊನೆಯ ಹಂತದಲ್ಲಿದ್ದ 60 ವರ್ಷದ ವೃದ್ಧನಿಗೆ ಮರುಜನ್ಮ ನೀಡಿದ್ದಾರೆ!.. ವಿಶೇಷ ಅಂದರೆ, ಇದು ಪ್ರತಿಯೊಬ್ಬ ರೋಗಿಯ ದೇಹದ ಕ್ಯಾನ್ಸರ್ ಕೋಶಗಳನ್ನು ಅಧ್ಯಯನ ಮಾಡಿ ತಯಾರಿಸುವ ವಿಶೇಷ 'mRNA' ಲಸಿಕೆಯಾಗಿದೆ.. ಬರೋಬ್ಬರಿ ₹80 ಲಕ್ಷ ಮೌಲ್ಯದ ಈ ಚಿಕಿತ್ಸೆಯನ್ನು ರಷ್ಯಾ ಸರ್ಕಾರ ತನ್ನ ನಾಗರಿಕರಿಗೆ ಸಂಪೂರ್ಣ ಉಚಿತವಾಗಿ ನೀಡುತ್ತಿದೆ..

ವೈದ್ಯಕೀಯ ಇತಿಹಾಸದಲ್ಲೇ ಹೊಸ ಅಧ್ಯಾಯ ಆರಂಭವಾಗಿದೆ. ಮಾರಕ ಕ್ಯಾನ್ಸರ್ ವಿರುದ್ಧ ರಷ್ಯಾ ಅಭಿವೃದ್ಧಿಪಡಿಸಿರುವ 'ನಿಯೋಂಕೊವಾಕ್' ಲಸಿಕೆ ಮೊದಲ ಹಂತದ ಪ್ರಯೋಗದಲ್ಲೇ ಪವಾಡ ಸೃಷ್ಟಿಸಿದೆ. ಗಮಲೇಯ ಸಂಸ್ಥೆಯ ಮುಖ್ಯಸ್ಥ ಅಲೆಕ್ಸಾಂಡರ್ ಗಿಂಟ್ಸ್‌ಬರ್ಗ್ ಈ ಸಿಹಿ ಸುದ್ದಿಯನ್ನು ಜಗತ್ತಿಗೆ ಹಂಚಿಕೊಂಡಿದ್ದಾರೆ. ಲಸಿಕೆ ಪಡೆದ ಮೊದಲ ರೋಗಿಯ ದೇಹದಲ್ಲಿದ್ದ ಕ್ಯಾನ್ಸರ್ ಗಂಟುಗಳು ಕೇವಲ ನಾಲ್ಕು ತಿಂಗಳಲ್ಲಿ ಸಂಪೂರ್ಣವಾಗಿ ಕರಗಿ ಹೋಗಿದ್ದು, ವೈದ್ಯಲೋಕವೇ ನಿಬ್ಬೆರಗಾಗಿದೆ. ಇದುವರೆಗೆ ವಿಶ್ವದಲ್ಲಿ ಕ್ಯಾನ್ಸರ್ ರೋಗಿಗಳಲ್ಲಿ ಇಂತಹ ಕ್ಷಿಪ್ರ ಬದಲಾವಣೆ ಕಂಡುಬಂದಿರಲಿಲ್ಲ.

ಈ ಚಿಕಿತ್ಸೆಗೆ ಒಳಗಾದ ಮೊದಲ ರೋಗಿಯ ಕಥೆ ರೋಚಕವಾಗಿದೆ. 60 ವರ್ಷದ ವ್ಯಕ್ತಿಯೊಬ್ಬರ ದೇಹದಲ್ಲಿ ಕ್ಯಾನ್ಸರ್ ಇತರ ಭಾಗಗಳಿಗೂ ಹರಡಿ ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದರು. ಕಳೆದ ಏಪ್ರಿಲ್‌ನಲ್ಲಿ ಅವರಿಗೆ ನಿಯೋಂಕೊವಾಕ್ ಲಸಿಕೆಯನ್ನು ನೀಡಲಾಯಿತು. ಜುಲೈ ವೇಳೆಗೆ ಅವರ ರೋಗನಿರೋಧಕ ವ್ಯವಸ್ಥೆ ಕ್ಯಾನ್ಸರ್ ಕೋಶಗಳನ್ನು ಹೊಡೆದುರುಳಿಸಲು ಶುರುಮಾಡಿತು. ನಾಲ್ಕು ತಿಂಗಳಲ್ಲಿ ದೇಹದ ಎಲ್ಲಾ ಗೆಡ್ಡೆಗಳು ನಾಶವಾಗಿವೆ. ಪ್ರಸ್ತುತ ಈ ರೋಗಿ ಸಂಪೂರ್ಣ ಆರೋಗ್ಯವಾಗಿದ್ದು, ಮುಂದಿನ ಮೂರು ವರ್ಷಗಳ ಕಾಲ ಅವರ ಆರೋಗ್ಯದ ಮೇಲೆ ನಿಗಾ ಇರಿಸಲಾಗುವುದು ಎಂದು ವೈದ್ಯರು ತಿಳಿಸಿದ್ದಾರೆ.

ಈ ಲಸಿಕೆಯ ಕಾರ್ಯವಿಧಾನವೇ ಅತ್ಯಂತ ವಿಸ್ಮಯಕಾರಿ. ಪ್ರತಿಯೊಬ್ಬ ರೋಗಿಯ ಕ್ಯಾನ್ಸರ್ ಕೋಶಗಳ ಡಿಎನ್‌ಎ ಭಿನ್ನವಾಗಿರುತ್ತದೆ. ಹೀಗಾಗಿ ರೋಗಿಯ ಸ್ವಂತ ಕ್ಯಾನ್ಸರ್ ಗಡ್ಡೆ ಮತ್ತು ಆರೋಗ್ಯಕರ ಅಂಗಾಂಶಗಳನ್ನು ಲ್ಯಾಬ್‌ನಲ್ಲಿ ಸಂಶೋಧಿಸಿ, ಅವರ ದೇಹಕ್ಕೆಂದೇ ಪ್ರತ್ಯೇಕ mRNA ಲಸಿಕೆಯನ್ನು ವಿನ್ಯಾಸಗೊಳಿಸಲಾಗುತ್ತದೆ. ಈ ಲಸಿಕೆ ದೇಹಕ್ಕೆ ಹೋದ ತಕ್ಷಣ, ರೋಗನಿರೋಧಕ ವ್ಯವಸ್ಥೆಯ ಸೈನಿಕರನ್ನು ಎಚ್ಚರಗೊಳಿಸಿ, ಕ್ಯಾನ್ಸರ್ ಕೋಶಗಳನ್ನು ಹುಡುಕಿ ಹುಡುಕಿ ಕೊಲ್ಲುವಂತೆ ತರಬೇತಿ ನೀಡುತ್ತದೆ. ಕೀಮೋಥೆರಪಿಯಂತೆ ಆರೋಗ್ಯಕರ ಕೋಶಗಳಿಗೆ ಇದರಿಂದ ಯಾವುದೇ ಹಾನಿಯಾಗುವುದಿಲ್ಲ.

ಕ್ಯಾನ್ಸರ್‌ಗೆ ಈ ರೀತಿಯ ಕಸ್ಟಮೈಸ್ಡ್ mRNA ಲಸಿಕೆ ತಯಾರಿಸುವುದು ಅತ್ಯಂತ ದುಬಾರಿ ಪ್ರಕ್ರಿಯೆ. ಒಂದು ಪೂರ್ಣ ಕೋರ್ಸ್‌ಗೆ ಸುಮಾರು 70 ಲಕ್ಷ ರೂಬಲ್ಸ್, ಅಂದರೆ ಭಾರತೀಯ ರೂಪಾಯಿಯಲ್ಲಿ ಸುಮಾರು 80 ಲಕ್ಷ ವೆಚ್ಚವಾಗುತ್ತದೆ. ಆದರೆ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಸರ್ಕಾರ, ಈ ಚಿಕಿತ್ಸೆಯನ್ನು ತನ್ನ ಪ್ರಜೆಗಳಿಗೆ ಉಚಿತವಾಗಿ ನೀಡಲು ನಿರ್ಧರಿಸಿದೆ. ರಾಷ್ಟ್ರೀಯ ವಿಮೆಯಡಿಯಲ್ಲಿ ರೋಗಿಗಳಿಗೆ ಉಚಿತ ಚಿಕಿತ್ಸೆ ಸಿಗಲಿದೆ. ಪ್ರಸ್ತುತ 6 ಮಂದಿಗೆ ಈ ಲಸಿಕೆ ನೀಡಲಾಗಿದ್ದು, ಮುಂದಿನ ಹಂತದಲ್ಲಿ 120 ರೋಗಿಗಳಿಗೆ ಉಚಿತವಾಗಿ ಲಸಿಕೆ ಒದಗಿಸಲು ಸರ್ಕಾರ ಬಜೆಟ್ ಮೀಸಲಿಟ್ಟಿದೆ.

ರಷ್ಯಾದ ವಿಜ್ಞಾನಿಗಳು ಕೇವಲ ಒಂದು ಕ್ಯಾನ್ಸರ್‌ಗೆ ಮಾತ್ರ ಸೀಮಿತವಾಗಿಲ್ಲ. ಅತಿ ವೇಗವಾಗಿ ಪ್ರಾಣ ತೆಗೆಯುವ ಮೇದೋಜ್ಜೀರಕ ಗ್ರಂಥಿ, ಶ್ವಾಸಕೋಶ, ಕರುಳು ಮತ್ತು ಕಿಡ್ನಿ ಕ್ಯಾನ್ಸರ್‌ಗಳಿಗೂ ಇದೇ ತಂತ್ರಜ್ಞಾನದಲ್ಲಿ ಪ್ರತ್ಯೇಕ ಲಸಿಕೆಗಳನ್ನು ಅಭಿವೃದ್ಧಿಪಡಿಸುತ್ತಿದ್ದಾರೆ. 2027ರ ವೇಳೆಗೆ ಇವುಗಳಿಗೆ ನಿಯಂತ್ರಕ ಸಂಸ್ಥೆಗಳಿಂದ ಅಧಿಕೃತ ಅನುಮೋದನೆ ಸಿಗುವ ನಿರೀಕ್ಷೆಯಿದೆ. ಈ ಲಸಿಕೆಗಳು ಸಂಪೂರ್ಣ ಯಶಸ್ವಿಯಾದರೆ, ಮಾನವಕುಲಕ್ಕೆ ಮಾರಕವಾಗಿರುವ ಕ್ಯಾನ್ಸರ್ ಎಂಬ ಮಹಾ ರೋಗಕ್ಕೆ ಶಾಶ್ವತ ವಿದಾಯ ಹೇಳುವ ಕಾಲ ಸನ್ನಿಹಿತವಾಗಲಿದೆ.

ಒಟ್ಟಿನಲ್ಲಿ, ಕ್ಯಾನ್ಸರ್ ಅಂದರೆ ಅದು ಸಾವಿನ ವಾರಂಟ್ ಎಂದೇ ಭಾವಿಸಿದ್ದ ಜಗತ್ತಿಗೆ ರಷ್ಯಾದ ಈ 'ನಿಯೋಂಕೊವಾಕ್' ಲಸಿಕೆ ಅಕ್ಷರಶಃ ಹೊಸ ಸಂಜೀವಿನಿಯಂತೆ ಗೋಚರಿಸಿದೆ.. ರೋಗಿಯ ದೇಹದಲ್ಲೇ ರೋಗನಿರೋಧಕ ಸೈನ್ಯವನ್ನು ಕಟ್ಟಿ, ಕ್ಯಾನ್ಸರ್ ಗೆಡ್ಡೆಗಳನ್ನು ನಾಲ್ಕೇ ತಿಂಗಳಲ್ಲಿ ಕರಗಿಸಿರುವ ಈ ಸಾಧನೆ ವೈದ್ಯಕೀಯ ಇತಿಹಾಸದ ಸುವರ್ಣ ಮೈಲಿಗಲ್ಲು.. ಈ ಕ್ಲಿನಿಕಲ್ ಪ್ರಯೋಗಗಳು ಮುಂಬರುವ ದಿನಗಳಲ್ಲಿ ಇನ್ನಷ್ಟು ರೋಗಿಗಳಲ್ಲಿ ಯಶಸ್ವಿಯಾಗಿ, 2027ರ ವೇಳೆಗೆ ಜಾಗತಿಕ ಮಾರುಕಟ್ಟೆಗೆ ಲಗ್ಗೆಯಿಟ್ಟರೆ, ಕೋಟ್ಯಂತರ ಕ್ಯಾನ್ಸರ್ ಪೀಡಿತರ ಜೀವ ಉಳಿಯುವುದರಲ್ಲಿ ಯಾವುದೇ ಸಂಶಯವಿಲ್ಲ.

Add Zee News as a Preferred Source
TAGS:

About the Author

ಕೃಷ್ಣಕುಮಾರ್‌ ಎನ್‌.ಕೆ. (Krishna Kumar NK) 'ಜೀ ಕನ್ನಡ ನ್ಯೂಸ್‌' ಜಾಲತಾಣದ ಉಪ ಸಂಪಾದಕರಾಗಿ 2024 ರಿಂದ ಕಾರ್ಯನಿರ್ವಹಿಸುತ್ತಿದ್ದು, ಇದಕ್ಕೂ ಮೊದಲು ಈಟಿವಿ ಕನ್ನಡ, ವೇ ಟು ನ್ಯೂಸ್‌, ಸಂಯುಕ್ತ ಕರ್ನಾಟಕ, ಸೇರಿದಂತೆ ಹಲವಾರು ಸುದ್ದಿ ಸಂಸ್ಥೆಗಳಲ್ಲಿ 8 ವರ್ಷ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ. ಸಿನಿಮಾ, ವೈರಲ್‌, ಲೈಫ್‌ಸ್ಟೈಲ್‌, ಆರೋಗ್ಯ ವಿಭಾಗದಲ್ಲಿ ಹೆಚ್ಚು ಆಸಕ್ತಿ ಹೊಂದಿರುವ ಇವರು 2024 ರಿಂದ ʼಇಂಡಿಯಾ ಡಾಟ್‌ಕಾಮ್‌ʼನ "ಜೀ ನ್ಯೂಸ್‌ ಕನ್ನಡ" ವೆಬ್‌ ಸೈಟ್‌ ನಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ.
Read More

ZEENEWS TRENDING STORIES