ಬಿಗ್‌ಬಾಸ್ ಮನೆಯಿಂದ ಸಂಗೀತಾ ಭಟ್ ಔಟ್‌ : ಕೇವಲ 5 ವಾರಗಳ ಆಟಕ್ಕೆ ನಟಿಗೆ ಸಿಕ್ಕ ಸಂಭಾವನೆ ಎಷ್ಟು ಗೊತ್ತೆ?

Bigg Boss Sangeetha Bhat : ಕನ್ನಡ ಕಿರುತೆರೆಯ ಅತ್ಯಂತ ಜನಪ್ರಿಯ ಹಾಗೂ ವಿವಾದಗಳ ಮೂಲಕವೇ ಸದಾ ಸುದ್ದಿಯಲ್ಲಿರುವ 'ಬಿಗ್‌ ಬಾಸ್‌ ಕನ್ನಡ ಸೀಸನ್ 13' ಕಾರ್ಯಕ್ರಮ ದಿನದಿಂದ ದಿನಕ್ಕೆ ಕುತೂಹಲ ಮೂಡಿಸುತ್ತಿದೆ. ಈ ನಡುವೆ ಬಿಗ್‌ಬಾಸ್ ಮನೆಯಿಂದ ನಟಿ ಸಂಗೀತಾ ಭಟ್ ಹೊರಬಿದ್ದಿದ್ದಾರೆ ಎಂಬ ಸುದ್ದಿ ಹಾಗೂ ಅವರ ಸಂಭಾವನೆಗೆ ಸಂಬಂಧಿಸಿದ ಚರ್ಚೆಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿವೆ.  

5 ವಾರಗಳ ಆಟಕ್ಕೆ ಸಿಕ್ಕ ಹಣವೆಷ್ಟು?   
ಮೂಲಗಳ ಪ್ರಕಾರ, ನಟಿ ಸಂಗೀತಾ ಭಟ್ ಅವರು ಬಿಗ್‌ಬಾಸ್ ಮನೆಯಲ್ಲಿ ಕಳೆದ ಪ್ರತಿ ವಾರಕ್ಕೆ ಅಂದಾಜು 1.5 ಲಕ್ಷ ರೂ. ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ. ಅದರಂತೆ ಅವರು ಒಟ್ಟು 5 ವಾರಗಳ ಕಾಲ ಮನೆಯಲ್ಲಿದ್ದು, ಆ ಮೂಲಕ ಸುಮಾರು 7.5 ಲಕ್ಷ ರೂ. ಸಂಭಾವನೆಯನ್ನು ಪಡೆದಿರಬಹುದು ಎಂದು ಅಂದಾಜಿಸಲಾಗಿದೆ.

ಇದರ ಜೊತೆಗೆ ಸ್ಪಾನ್ಸರ್ಸ್‌ ಕಡೆಯಿಂದ ಬಂದಿರುವ 3 ಲಕ್ಷ ರೂ. ಕ್ಯಾಶ್‌ ಪ್ರೈಜ್‌ ಸೇರಿ ಒಟ್ಟು 10.5 ಲಕ್ಷ ರೂ. ಗಳವರೆಗೆ ಅವರು ಗಳಿಕೆ ಮಾಡಿದ್ದಾರೆ ಎಂಬ ಊಹಾಪೋಹಗಳು ಹರಿದಾಡುತ್ತಿವೆ. ಆದರೆ, ಈ ಕುರಿತು ವಾಹಿನಿ ಅಥವಾ ನಟಿಯ ಕಡೆಯಿಂದ ಯಾವುದೇ ಅಧಿಕೃತ ಮಾಹಿತಿ ಹೊರಬಂದಿಲ್ಲ.  

ಆಟ ಹಾಗೂ ಆರೋಗ್ಯದ ಏರುಪೇರು   
ಬಿಗ್‌ಬಾಸ್ ಮನೆಯ ಆರಂಭದಿಂದಲೂ ತಮ್ಮ ವಿಭಿನ್ನ ಆಟದ ಶೈಲಿ ಹಾಗೂ ದಿಟ್ಟ ನಿರ್ಧಾರಗಳಿಂದ ಗಮನ ಸೆಳೆದಿದ್ದ ಸಂಗೀತಾ ಭಟ್, ಕೆಲ ದಿನಗಳ ಹಿಂದೆ ಟಾಸ್ಕ್ ಆಡುವ ಸಂದರ್ಭದಲ್ಲಿ ಆರೋಗ್ಯದಲ್ಲಿ ಉಂಟಾದ ತೀವ್ರ ಏರುಪೇರಿನಿಂದ (ಉಸಿರಾಟದ ಸಮಸ್ಯೆ) ಆಸ್ಪತ್ರೆಗೂ ದಾಖಲಾಗಿದ್ದರು. ಸೈಲೆಂಟ್ ಆಗಿ ಆಡುತ್ತಲೇ ಪ್ರೇಕ್ಷಕರ ಗಮನ ಸೆಳೆದಿದ್ದ ಇವರ ಎಲಿಮಿನೇಷನ್ ಹಾಗೂ ಸಂಭಾವನೆ ಕುರಿತಾದ ಈ ಚರ್ಚೆ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಹಾಟ್‌ ಟಾಪಿಕ್ ಆಗಿದೆ.  

ಗಮನಿಸಿ : ಈ ವರದಿಯಲ್ಲಿ ಉಲ್ಲೇಖಿಸಲಾಗಿರುವ ನಟಿ ಸಂಗೀತಾ ಭಟ್ ಅವರ ಸಂಭಾವನೆ ಹಾಗೂ ಕ್ಯಾಶ್ ಪ್ರೈಜ್‌ಗೆ ಸಂಬಂಧಿಸಿದ ಮೊತ್ತವು ಸಂಪೂರ್ಣವಾಗಿ ಸಾಮಾಜಿಕ ಜಾಲತಾಣಗಳು ಮತ್ತು ವಿವಿಧ ಆನ್‌ಲೈನ್ ಮೂಲಗಳಲ್ಲಿ ಹರಿದಾಡುತ್ತಿರುವ ಊಹಾಪೋಹಗಳು ಹಾಗೂ ವರದಿಗಳನ್ನು ಆಧರಿಸಿದೆ. ಈ ಮಾಹಿತಿಗೆ ಸಂಬಂಧಿಸಿದಂತೆ ಬಿಗ್‌ಬಾಸ್ ಆಯೋಜಕರು, ವಾಹಿನಿ ಅಥವಾ ನಟಿಯ ಅಧಿಕೃತ ತಂಡದಿಂದ ಯಾವುದೇ ಅಧಿಕೃತ ಸ್ಪಷ್ಟನೆ ಅಥವಾ ದೃಢೀಕರಣ ಹೊರಬಂದಿಲ್ಲ. ಹಾಗಾಗಿ, ಈ ಅಂಕಿಅಂಶಗಳು ಬದಲಾಗಲು ಅಥವಾ ಅಧಿಕೃತವಲ್ಲದಿರಲು ಅವಕಾಶವಿರುತ್ತದೆ. Zee Kannada news ಇದನ್ನು ಖಚಿತಪಡಿಸುವುದಿಲ್ಲ.