ಸಿಂಪತಿಗಾಗಿ ಹಳೆ ಬಟ್ಟೆ, 5 ಲಕ್ಷ ರೂ. ಏಲ್ಲಿ..? ಕುಮಾರಿ ನಿಜವಾದ ಮುಖ ತೆರೆದಿಟ್ಟ ಸ್ನೇಹಿತ

Bigg Boss Kumari : ಹಳ್ಳಿ ಹುಡುಗಿ ಅಂತಾನೇ ಖ್ಯಾತಿ ಪಡೆದಿರುವ ಕುಮಾರಿ ವಿರುದ್ಧ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಟ್ರೋಲ್‌ಗಳು ಹರಿದಾಡ್ತಿವೆ. ಆಡಿಷನ್‌ನಿಂದ ಹಿಡಿದು ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಡುವವರೆಗೆ ಕುಮಾರಿ ಒಂದೇ ಬಟ್ಟೆಯನ್ನು ಧರಿಸಿಕೊಂಡು ಬಂದು, ಜನರ ಸಿಂಪತಿ ಗಿಟ್ಟಿಸಿಕೊಳ್ಳುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿತ್ತು. ಈ ಟ್ರೋಲ್‌ಗಳಿಗೆ ಆಕೆಯ ಆಪ್ತ ಸ್ನೇಹಿತ ಜಯಪ್ರಕಾಶ್ ಗೌಡ ಸ್ಪಷ್ಟನೆ ನೀಡಿದ್ದಾರೆ.

ಕುಮಾರಿ ಒಂದೇ ಬಟ್ಟೆ ಧರಿಸಲು ಕಾರಣವೇನು? 
ಈ ಬಗ್ಗೆ ಮಾತನಾಡಿದ ಜಯಪ್ರಕಾಶ್ ಗೌಡ, "ನಾನು ಆಡಿಷನ್‌ಗೆ ಹೋದಾಗ ಕರಾವಳಿ ಡ್ರೆಸ್ ಕೋಡ್ ಆದ ಇದೇ ಕೇಸರಿ ಶಾಲು ಮತ್ತು ಪಂಚೆ ಧರಿಸಿದ್ದೆ. ಆದರೆ ಅಲ್ಲಿನ ಸಿಬ್ಬಂದಿ ಅದನ್ನು ತೆಗೆಸಿ, ಪ್ಯಾಂಟ್-ಶರ್ಟ್ ಧರಿಸಿ ಆಡಿಷನ್ ಕೊಡಲು ಹೇಳಿದ್ದರು. ₹100 ಕೋಟಿ ಬಜೆಟ್ ಶೋಗೆ ಅಂದಮೇಲೆ ಅದರದೇ ಆದ ರೂಲ್ಸ್ ಇರುತ್ತವೆ. ಜನಸಾಮಾನ್ಯರ ವಿಡಿಯೋ ಸೆಲೆಕ್ಟ್ ಆದ್ಮೇಲೆ, ಗ್ರೂಪ್ ಡಿಸ್ಕಶನ್ ಹಾಗೂ 'ಅಗ್ನಿ ಪರೀಕ್ಷೆ' ಸಂದರ್ಭದಲ್ಲಿ ಬಿಗ್ ಬಾಸ್ ಸಿಬ್ಬಂದಿಯೇ ಕುಮಾರಿಗೆ ಈ ಡ್ರೆಸ್ ಧರಿಸಿಕೊಂಡು ಬರುವಂತೆ ಸೂಚಿಸಿದ್ದರು. ಹಾಗಾಗಿ ಆಕೆ ಅದೇ ಬಟ್ಟೆ ಹಾಕಿಕೊಂಡು ಬಂದಿದ್ದಾಳೆ ಹೊರತು ಸಿಂಪತಿಗಾಗಿ ಅಲ್ಲ" ಎಂದಿದ್ದಾರೆ.

5 ಲಕ್ಷ ರೂಪಾಯಿ ಸಹಾಯಧನದ ಸತ್ಯಾಂಶವೇನು?
'ಅಗ್ನಿ ಪರೀಕ್ಷೆ' ಕಾರ್ಯಕ್ರಮದ ವೇಳೆ ಅನಾರೋಗ್ಯದಿಂದ ಕುಮಾರಿ ಹೊರನಡೆಯಬೇಕಾದ ಸಂದರ್ಭ ಬಂದಾಗ, ಪ್ರಾಯೋಜಕ ಸಂಸ್ಥೆಯಾದ ಇಕೋ ಪ್ಲ್ಯಾನೆಟ್ ಎಲಿವೇಟರ್ ಮಾಲೀಕರು ₹5 ಲಕ್ಷ ನಗದು ಹಾಗೂ ಓದು ಮುಗಿದ ಮೇಲೆ ಕೆಲಸ ನೀಡುವುದಾಗಿ ವೇದಿಕೆಯಲ್ಲೇ ಘೋಷಿಸಿದ್ದರು. ಆದರೆ, ಈವರೆಗೆ ಆ ಹಣದಲ್ಲಿ ಒಂದು ರೂಪಾಯಿಯೂ ಕುಮಾರಿ ಖಾತೆಗೆ ಬಂದಿಲ್ಲ ಎಂದು ಜಯಪ್ರಕಾಶ್ ಸ್ಪಷ್ಟಪಡಿಸಿದ್ದಾರೆ.

ಇಂದಿಗೂ ವೀಕೆಂಡ್‌ನಲ್ಲಿ ಕೆಲಸಕ್ಕೆ ಹೋಗ್ತಾಳೆ ಕುಮಾರಿ
"ಕುಮಾರಿಗೆ ಸೋಶಿಯಲ್ ಮೀಡಿಯಾದಲ್ಲಿ ಫಾಲೋವರ್ಸ್ ಇದ್ದರೂ, ಆಕೆ ಒಂದೇ ಒಂದು ಪ್ರಮೋಷನ್ ವಿಡಿಯೋ ಕೂಡ ಮಾಡಿಲ್ಲ. ಆಕೆಯ ಬಳಿ ಹಣವಿಲ್ಲದ ಕಾರಣ, ಈಗಲೂ ಕಾಲೇಜು ಇಲ್ಲದ ವೀಕೆಂಡ್ ದಿನಗಳಲ್ಲಿ ಕೆಲಸಕ್ಕೆ ಹೋಗುತ್ತಿದ್ದಾಳೆ ಎಂದಿದ್ದಾರೆ.. ಅಲ್ಲದೆ, ಕುಮಾರಿ ಪರ ಮಾತನಾಡಲು ಯಾವುದೇ ಪಿಆರ್ ಟೀಮ್ ಇಲ್ಲದ ಕಾರಣ, ತಾವೇ ಮುಂದೆ ನಿಂತು ಸ್ಪಷ್ಟನೆ ನೀಡುತ್ತಿರುವುದಾಗಿ ಜಯಪ್ರಕಾಶ್ ತಿಳಿಸಿದ್ದಾರೆ.