Bigg Boss Kannada Elimination: ಬಿಗ್‌ ಬಾಸ್‌ ಮನೆಗೆ ಒಬ್ಬರು ಇನ್‌… ಇಬ್ಬರು ಔಟ್‌!
ವೈಷ್ಣವಿ ಮತ್ತು ಅವಿನಾಶ್‌ ಶತಮರ್ಷನ್‌ ಅವರು ಬಿಗ್‌ ಬಾಸ್‌ ಮನೆಯಿಂದ ಹೊರಬಂದಿದ್ದಾರೆ. ಹೀಗಾಗಿ ಈ ವಾರದ ಬೆಳವಣಿಗೆ ವೀಕ್ಷಕರ ಕುತೂಹಲವನ್ನು ಮತ್ತಷ್ಟು ಹೆಚ್ಚಿಸಿದೆ.
Bigg Boss elimination: ಬಿಗ್‌ ಬಾಸ್‌ ಕನ್ನಡ ಸೀಸನ್‌ 13ರಲ್ಲಿ ದಿನದಿಂದ ದಿನಕ್ಕೆ ಆಟದ ರೋಚಕತೆ ಹೆಚ್ಚಾಗುತ್ತಿದೆ. ಮನೆಯೊಳಗಿನ ಸ್ಪರ್ಧಿಗಳ ನಡುವಿನ ಪೈಪೋಟಿ, ಜಗಳ, ಸ್ನೇಹ ಮತ್ತು ತಂತ್ರಗಾರಿಕೆಯ ನಡುವೆ ಈ ವಾರ ಮತ್ತೊಂದು ದೊಡ್ಡ ತಿರುವು ಕಂಡುಬಂದಿದೆ. ಬಿಗ್‌ ಬಾಸ್‌ ಮನೆಯಿಂದ ಹೊರಗೆ ಹೋಗಿದ್ದ ತಾಂಡವ್‌ ರಾಮ್‌ ಇದೀಗ ಮತ್ತೆ ದೊಡ್ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ. ಇದೇ ಸಂದರ್ಭದಲ್ಲಿ ವೈಷ್ಣವಿ ಮತ್ತು ಅವಿನಾಶ್‌ ಶತಮರ್ಷನ್‌ ಅವರು ಬಿಗ್‌ ಬಾಸ್‌ ಮನೆಯಿಂದ ಹೊರಬಂದಿದ್ದಾರೆ. ಹೀಗಾಗಿ ಈ ವಾರದ ಬೆಳವಣಿಗೆ ವೀಕ್ಷಕರ ಕುತೂಹಲವನ್ನು ಮತ್ತಷ್ಟು ಹೆಚ್ಚಿಸಿದೆ.
ತಾಂಡವ್‌ ರಾಮ್‌ ಅವರ ಎಮರ್ಜೆನ್ಸಿ ಎಕ್ಸಿಟ್‌ ಬಿಗ್‌ ಬಾಸ್‌ ವೀಕ್ಷಕರಿಗೆ ಸಾಕಷ್ಟು ಶಾಕ್‌ ನೀಡಿತ್ತು. ಅವರು ನಿಜವಾಗಿಯೂ ಮನೆಯಿಂದ ಹೊರಹೋಗಿದ್ದಾರಾ ಅಥವಾ ಇದರ ಹಿಂದೆ ಬಿಗ್‌ ಬಾಸ್‌ ಮತ್ತೊಂದು ಆಟ ಇಟ್ಟಿದ್ದಾರಾ ಎಂಬ ಪ್ರಶ್ನೆ ಆರಂಭದಿಂದಲೂ ಕೇಳಿಬರುತ್ತಿತ್ತು. ಇದೀಗ ಆ ಕುತೂಹಲಕ್ಕೆ ತೆರೆ ಬಿದ್ದಿದ್ದು, ತಾಂಡವ್‌ ರಾಮ್‌ ಮತ್ತೆ ಬಿಗ್‌ ಬಾಸ್‌ ಮನೆಯೊಳಗೆ ಕಾಲಿಟ್ಟಿದ್ದಾರೆ. ಹೀಗಾಗಿ ತಾಂಡವ್‌ ಅವರ ಆಟ ಮುಗಿದಿಲ್ಲ ಎನ್ನುವುದು ಸ್ಪಷ್ಟವಾಗಿದೆ. ದೊಡ್ಮನೆಯಿಂದ ಹೊರಗೆ ಹೋಗಿ ಮತ್ತೆ ಒಳಗೆ ಬಂದಿರುವ ಅವರು ಈ ಬಾರಿ ತಮ್ಮ ಆಟವನ್ನು ಯಾವ ರೀತಿಯಲ್ಲಿ ಮುಂದುವರಿಸುತ್ತಾರೆ ಎನ್ನುವುದು ವಿಶೇಷವಾಗಿದೆ.
ತಾಂಡವ್‌ ರಾಮ್‌ ರೀ-ಎಂಟ್ರಿ ನೀಡಿರುವುದು ಮನೆಯೊಳಗಿನ ಹಳೆಯ ಲೆಕ್ಕಾಚಾರಗಳ ಮೇಲೂ ಪರಿಣಾಮ ಬೀರುವ ಸಾಧ್ಯತೆಯಿದೆ. ಈಗಾಗಲೇ ಮನೆಯ ಸದಸ್ಯರೊಂದಿಗೆ ಬೆಳೆದಿದ್ದ ಸಂಬಂಧಗಳು, ಭಿನ್ನಾಭಿಪ್ರಾಯಗಳು ಮತ್ತು ಮಾತಿನ ಚರ್ಚೆಗಳು ಮತ್ತೆ ಮುನ್ನೆಲೆಗೆ ಬರಬಹುದು. ಅವರು ಹೊರಗೆ ಹೋದ ನಂತರ ಮನೆಯಲ್ಲಿ ನಡೆದ ಬೆಳವಣಿಗೆಗಳ ಬಗ್ಗೆ ತಿಳಿದುಕೊಂಡು ಮರಳಿ ಬಂದಿರುವುದರಿಂದ, ಮುಂದಿನ ದಿನಗಳಲ್ಲಿ ತಾಂಡವ್‌ ಅವರ ನಡೆ ಹೇಗಿರಲಿದೆ ಎಂಬ ಕುತೂಹಲವೂ ಹೆಚ್ಚಾಗಿದೆ. ವಿಶೇಷವಾಗಿ ತಮ್ಮ ಹಿಂದಿನ ಅನುಭವದಿಂದ ಪಾಠ ಕಲಿತು ಹೆಚ್ಚು ಎಚ್ಚರಿಕೆಯಿಂದ ಆಟ ಆಡುತ್ತಾರಾ ಅಥವಾ ಮೊದಲಿನಂತೆಯೇ ತಮ್ಮದೇ ಶೈಲಿಯಲ್ಲಿ ಮುನ್ನಡೆಯುತ್ತಾರಾ ಎನ್ನುವುದು ಗಮನ ಸೆಳೆಯಲಿದೆ.
ಇದರ ನಡುವೆ ವೈಷ್ಣವಿ ಅವರ ಬಿಗ್‌ ಬಾಸ್‌ ಜರ್ನಿಗೆ ಬ್ರೇಕ್‌ ಬಿದ್ದಿದೆ. ದೊಡ್ಮನೆಯಲ್ಲಿ ತಮ್ಮದೇ ಆದ ರೀತಿಯಲ್ಲಿ ಗುರುತಿಸಿಕೊಂಡಿದ್ದ ವೈಷ್ಣವಿ ಈ ವಾರ ಎಲಿಮಿನೇಷನ್‌ ಪ್ರಕ್ರಿಯೆಯಲ್ಲಿ ಹೊರಬರಬೇಕಾಯಿತು. ಮನೆಯೊಳಗಿನ ಅವರ ನಡೆ, ಇತರ ಸ್ಪರ್ಧಿಗಳೊಂದಿಗಿನ ಸಂಬಂಧ ಮತ್ತು ಆಟದಲ್ಲಿ ಅವರ ಭಾಗವಹಿಸುವಿಕೆ ವೀಕ್ಷಕರ ಗಮನ ಸೆಳೆದಿತ್ತು. ಆದರೆ ಈ ಬಾರಿ ಎಲಿಮಿನೇಷನ್‌ ಪ್ರಕ್ರಿಯೆಯಿಂದ ಅವರು ಹೊರಬರುವಂತಾಗಿದೆ. ಬಿಗ್‌ ಬಾಸ್‌ ಮನೆಯೊಳಗೆ ಮುಂದುವರಿಯುವ ಅವಕಾಶ ಕಳೆದುಕೊಂಡಿರುವುದು ಅವರ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಬಹುದು.
ವೈಷ್ಣವಿ ಜೊತೆಗೆ ಅವಿನಾಶ್‌ ಶತಮರ್ಷನ್‌ ಅವರಿಗೂ ಈ ವಾರ ದೊಡ್ಮನೆಯಿಂದ ಹೊರಬರುವ ಸರದಿ ಬಂದಿದೆ. ಅವಿನಾಶ್‌ ಕೂಡ ಮನೆಯೊಳಗೆ ತಮ್ಮದೇ ಆದ ರೀತಿಯಲ್ಲಿ ಗಮನ ಸೆಳೆದಿದ್ದರು. ವಿವಿಧ ಟಾಸ್ಕ್‌ಗಳಲ್ಲಿ ಭಾಗವಹಿಸುವುದು, ಇತರ ಸ್ಪರ್ಧಿಗಳೊಂದಿಗೆ ಬೆರೆಯುವುದು ಸೇರಿದಂತೆ ಹಲವು ಸಂದರ್ಭಗಳಲ್ಲಿ ಅವರು ಕಾಣಿಸಿಕೊಂಡಿದ್ದರು. ಆದರೆ ಈ ವಾರದ ಎಲಿಮಿನೇಷನ್‌ ಪ್ರಕ್ರಿಯೆಯಲ್ಲಿ ಅವರ ಬಿಗ್‌ ಬಾಸ್‌ ಪಯಣ ಅಂತ್ಯಗೊಂಡಿದೆ. ಒಂದೇ ವಾರದಲ್ಲಿ ಇಬ್ಬರು ಸ್ಪರ್ಧಿಗಳು ಹೊರಬಂದಿರುವುದು ಮನೆಯೊಳಗಿನ ಸ್ಪರ್ಧೆಯನ್ನು ಮತ್ತಷ್ಟು ಬಿಗಿಗೊಳಿಸಿದೆ.
ಹೀಗಾಗಿ ಬಿಗ್‌ ಬಾಸ್‌ ಕನ್ನಡ ಸೀಸನ್‌ 13ರಲ್ಲಿ ಈ ವಾರದ ಲೆಕ್ಕಾಚಾರ ಸ್ವಲ್ಪ ವಿಭಿನ್ನವಾಗಿದೆ. ದೊಡ್ಮನೆಯಿಂದ ಒಬ್ಬರು ಹೊರಗೆ ಹೋಗಿ ಮತ್ತೆ ಮನೆಗೆ ವಾಪಸ್‌ ಬಂದಿದ್ದರೆ, ಮತ್ತೊಂದೆಡೆ ಇಬ್ಬರು ಸ್ಪರ್ಧಿಗಳು ಶಾಶ್ವತವಾಗಿ ತಮ್ಮ ಜರ್ನಿಗೆ ವಿದಾಯ ಹೇಳಿದ್ದಾರೆ. ತಾಂಡವ್‌ ರಾಮ್‌ ರೀ-ಎಂಟ್ರಿ, ವೈಷ್ಣವಿ ಮತ್ತು ಅವಿನಾಶ್‌ ಎಲಿಮಿನೇಷನ್‌ ಇದೀಗ ಬಿಗ್‌ ಬಾಸ್‌ ವೀಕ್ಷಕರ ನಡುವೆ ಚರ್ಚೆಯ ವಿಷಯವಾಗಿದೆ. ತಾಂಡವ್‌ ಮರಳಿ ಬಂದಿರುವುದರಿಂದ ಮನೆಯೊಳಗಿನ ಸಮೀಕರಣಗಳು ಬದಲಾಗುತ್ತವೆಯೇ, ಹೊಸ ಸ್ನೇಹಗಳು ರೂಪುಗೊಳ್ಳುತ್ತವೆಯೇ ಅಥವಾ ಹಳೆಯ ಭಿನ್ನಾಭಿಪ್ರಾಯಗಳು ಮತ್ತೆ ಸ್ಫೋಟಗೊಳ್ಳುತ್ತವೆಯೇ ಎಂಬುದನ್ನು ಮುಂದಿನ ಸಂಚಿಕೆಗಳಲ್ಲಿ ನೋಡಬೇಕಿದೆ. ಈ ನಡುವೆ ಇದೇ ವಾರ ಇಬ್ಬರು ಸ್ಪರ್ಧಿಗಳು ವೈಲ್ಡ್‌ ಕಾರ್ಡ್‌ ಎಂಟ್ರಿ ನೀಡಲಿದ್ದಾರೆ ಎಂಬ ಸಂಗಗತಿಯೂ ಹರಿದಾಡುತ್ತಿದೆ. ಆದರೆ ಆ ವೈಲ್ಡ್‌ ಕಾರ್ಡ್‌ ಎಂಟ್ರಿಗಳು ಯಾರು ಎಂಬ ಸುಳಿವು ಎಲ್ಲಿಯೂ ನೀಡಿಲ್ಲ.
