ಟೀಂ ಇಂಡಿಯಾಗೆ ಜಯ... ಕಿವೀಸ್ ಎದುರು ಮಳೆಯಿಂದ ಭಾರತಕ್ಕೆ ಅದೃಷ್ಟದ ಗೆಲುವು!
India vs Newzealand 2nd odi india win : ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲೂ ಟೀಂ ಇಂಡಿಯಾ ಗೆಲುವಿನ ನಗೆ ಬೀರಿದೆ. ಆದ್ರೆ ಈ ಗೆಲುವು ಮಾತ್ರ ಅಷ್ಟು ಸುಲಭವಾಗಿ ದಕ್ಕಿಲ್ಲ. ಬೌಲರ್ಗಳ ಸಂಘಟಿತ ದಾಳಿಗೆ ಕಿವೀಸ್ ಪಡೆ ಕೇವಲ 134 ರನ್ಗಳಿಗೆ ಆಲೌಟ್ ಆಯ್ತು
India vs Newzealand 2nd odi india win :ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲೂ ಟೀಂ ಇಂಡಿಯಾ ಗೆಲುವಿನ ನಗೆ ಬೀರಿದೆ. ಆದ್ರೆ ಈ ಗೆಲುವು ಮಾತ್ರ ಅಷ್ಟು ಸುಲಭವಾಗಿ ದಕ್ಕಿಲ್ಲ. ಬೌಲರ್ಗಳ ಸಂಘಟಿತ ದಾಳಿಗೆ ಕಿವೀಸ್ ಪಡೆ ಕೇವಲ 134 ರನ್ಗಳಿಗೆ ಆಲೌಟ್ ಆಯ್ತು. ಆದರೆ 135 ರನ್ಗಳ ಸುಲಭ ಗುರಿ ಬೆನ್ನಟ್ಟಿದ ಭಾರತದ ಬ್ಯಾಟರ್ಗಳು ಮಾತ್ರ ಪೆವಿಲಿಯನ್ ಪರೇಡ್ ನಡೆಸಿದ್ರು. ಕೊನೆಗೆ ಮಳೆರಾಯನ ಎಂಟ್ರಿಯಿಂದ ಡಿಎಲ್ಎಸ್ ನಿಯಮದಡಿ ಭಾರತಕ್ಕೆ 4 ರನ್ಗಳ ರೋಚಕ ಜಯ ಸಿಕ್ಕಿದೆ. ಇದರೊಂದಿಗೆ ಐದು ಪಂದ್ಯಗಳ ಸರಣಿಯಲ್ಲಿ ಭಾರತ 2-0 ಮುನ್ನಡೆ ಸಾಧಿಸಿದೆ.
ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಭಾರತೀಯ ಬೌಲರ್ಗಳ ಅಬ್ಬರ ಜೋರಾಗಿತ್ತು. ಆರಂಭದಿಂದಲೇ ಕಿವೀಸ್ ಬ್ಯಾಟರ್ಗಳಿಗೆ ರನ್ ಗಳಿಸಲು ಅವಕಾಶವೇ ಕೊಡಲಿಲ್ಲ. ಆಕಿಬ್ ನಬಿ ಅಂತರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಮೊದಲ ವಿಕೆಟ್ ಪಡೆದು ಮಿಂಚಿದ್ರು. ಅನ್ಶುಲ್ ಕಾಂಬೋಜ್ ಕೂಡ ಎರಡು ವಿಕೆಟ್ ಕಬಳಿಸಿ ಕಿವೀಸ್ಗೆ ಆರಂಭಿಕ ಆಘಾತ ನೀಡಿದ್ರು.ಇನ್ನು ಗುರ್ನೂರ್ ಬ್ರಾರ್ ತಮ್ಮ ವೇಗ ಮತ್ತು ಬೌನ್ಸ್ ಮೂಲಕ ಎದುರಾಳಿ ಬ್ಯಾಟರ್ಗಳನ್ನು ಕಾಡಿದ್ರು. ಬರೋಬ್ಬರಿ ನಾಲ್ಕು ವಿಕೆಟ್ ಕಬಳಿಸಿ ವೃತ್ತಿಜೀವನದ ಶ್ರೇಷ್ಠ ಬೌಲಿಂಗ್ ಪ್ರದರ್ಶನ ನೀಡಿದ್ರು. ಪರಿಣಾಮ ನ್ಯೂಜಿಲೆಂಡ್ ತಂಡ 134 ರನ್ಗಳಿಗೆ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡಿತು.
ಬ್ಯಾಟಿಂಗ್ನಲ್ಲಿ ಭಾರತದ ಎಡವಟ್ಟು!
ಕೇವಲ 135 ರನ್ಗಳ ಗುರಿ.. ಗೆಲುವು ಸುಲಭ ಅಂದುಕೊಂಡಿದ್ದ ಅಭಿಮಾನಿಗಳಿಗೆ ಟೀಂ ಇಂಡಿಯಾ ಬ್ಯಾಟರ್ಗಳು ಶಾಕ್ ಕೊಟ್ರು. ನಾಯಕ ಶುಭಮನ್ ಗಿಲ್ ಮೊದಲ ಎಸೆತದಲ್ಲೇ ಗೋಲ್ಡನ್ ಡಕ್ಗೆ ಬಲಿಯಾದ್ರು. ವಿರಾಟ್ ಕೊಹ್ಲಿ ಕೇವಲ 7 ರನ್ಗೆ ಆಟ ಮುಗಿಸಿದ್ರೆ, ರೋಹಿತ್ ಶರ್ಮಾ 17 ರನ್ ಗಳಿಸಿ ಪೆವಿಲಿಯನ್ ಸೇರಿಕೊಂಡ್ರು.ಒಂದೆಡೆ ವಿಕೆಟ್ಗಳು ಉರುಳುತ್ತಿದ್ದರೂ ಶ್ರೇಯಸ್ ಅಯ್ಯರ್ ಮತ್ತು ಕೆ.ಎಲ್. ರಾಹುಲ್ ತಂಡಕ್ಕೆ ಆಸರೆಯಾದ್ರು. ಐದನೇ ವಿಕೆಟ್ಗೆ 46 ರನ್ಗಳ ಜೊತೆಯಾಟವಾಡಿದ್ರು. ಅಯ್ಯರ್ 30 ರನ್ ಗಳಿಸಿ ಔಟಾದ್ರೆ, ರಾಹುಲ್ ಜವಾಬ್ದಾರಿಯುತ ಆಟವಾಡಿ 23 ರನ್ ಗಳಿಸಿ ಅಜೇಯರಾಗಿ ಉಳಿದ್ರು.
ಮಳೆಯಿಂದ ಭಾರತಕ್ಕೆ ಅದೃಷ್ಟದ ಗೆಲುವು!
ಭಾರತ 26 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 113 ರನ್ ಗಳಿಸಿದ್ದಾಗ ಮಳೆ ಪಂದ್ಯಕ್ಕೆ ಅಡ್ಡಿಯಾಯಿತು. ಆಗ ಡಿಎಲ್ಎಸ್ ನಿಯಮದ ಪ್ರಕಾರ ಭಾರತದ ಪಾರ್ ಸ್ಕೋರ್ 109 ರನ್ ಆಗಿತ್ತು. ಭಾರತ ನಾಲ್ಕು ರನ್ಗಳ ಮುನ್ನಡೆ ಹೊಂದಿದ್ದರಿಂದ ಗೆಲುವು ಟೀಂ ಇಂಡಿಯಾ ಪಾಲಾಯಿತು.ಹೀಗೆ ಬೌಲರ್ಗಳ ಸಂಘಟಿತ ಹೋರಾಟದಿಂದ ಸರಣಿಯಲ್ಲಿ 2-0 ಮುನ್ನಡೆ ಪಡೆದ ಭಾರತ, ಬ್ಯಾಟಿಂಗ್ ವೈಫಲ್ಯದಿಂದ ಮಾತ್ರ ಆತ್ಮಾವಲೋಕನ ಮಾಡಿಕೊಳ್ಳಬೇಕಾದ ಪರಿಸ್ಥಿತಿ ಎದುರಾಗಿದೆ.