• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Kannada
  • ಹೋಮ್‌
  • ವಿಡಿಯೋ
  • ಫೋಟೋಗ್ಯಾಲರಿ
  • ನಗರ

Add Zee Business As A Preferred Source
App
  • Live TV
  • ಕರ್ನಾಟಕ
  • ರಾಷ್ಟ್ರೀಯ
  • ಅಂತರಾಷ್ಟ್ರೀಯ
  • ಕ್ರೀಡೆ
  • ಮನರಂಜನೆ
  • ಯುಟಿಲಿಟಿ
  • ಧರ್ಮ
  • ಜ್ಯೋತಿಷ್ಯ
  • ಜೀ ನ್ಯೂಸ್ ಕನ್ನಡ
  • /ಧರ್ಮ
  • /ದೀಪಾವಳಿ ಹಬ್ಬದಂದು ಈ ಸಣ್ಣ ತಪ್ಪು ಮಾಡಿದ್ರೆ ಅಷ್ಟ ದರಿದ್ರ, ಕಡು ಬಡತನ ಕಾಡುತ್ತೆ..! ಹುಷಾರಾಗಿರಿ

ದೀಪಾವಳಿ ಹಬ್ಬದಂದು ಈ ಸಣ್ಣ ತಪ್ಪು ಮಾಡಿದ್ರೆ ಅಷ್ಟ ದರಿದ್ರ, ಕಡು ಬಡತನ ಕಾಡುತ್ತೆ..! ಹುಷಾರಾಗಿರಿ

Deepavali 2026 puja rituals : ದೀಪಾವಳಿ ಹಬ್ಬ ಸಮೀಪಿಸುತ್ತಿರುವ ಹಿನ್ನೆಲೆಯಲ್ಲಿ, ಸಂಭ್ರಮದ ಜತೆಗೆ ಕೆಲವೊಂದು ಎಚ್ಚರಿಕೆಗಳನ್ನು ವಹಿಸುವುದು ಅತ್ಯಗತ್ಯ. ಹಬ್ಬದ ದಿನ ತಿಳಿಯದೆಯೂ ಮಾಡುವ ಕೆಲವು ಸಣ್ಣಪುಟ್ಟ ತಪ್ಪುಗಳು ಮನೆಯಲ್ಲಿ ನಕಾರಾತ್ಮಕ ಶಕ್ತಿಯನ್ನು ಹೆಚ್ಚಿಸಿ, ಲಕ್ಷ್ಮಿ ದೇವಿಯ ಕೋಪಕ್ಕೆ ಕಾರಣವಾಗಬಹುದು ಎಂದು ಜ್ಯೋತಿಷ್ಯ ಮತ್ತು ವಾಸ್ತು ಶಾಸ್ತ್ರ ಎಚ್ಚರಿಸುತ್ತದೆ. ಹಾಗಾದರೆ, ದೀಪಾವಳಿ ಪೂಜೆಯ ದಿನ ಯಾವ ಐದು ಪ್ರಮುಖ ತಪ್ಪುಗಳನ್ನು ಮಾಡಬಾರದು ಮತ್ತು ಲಕ್ಷ್ಮಿ ಕೃಪೆಗೆ ಪಾತ್ರರಾಗಲು ಯಾವ ನಿಯಮಗಳನ್ನು ಪಾಲಿಸಬೇಕು ಎಂಬುದರ ಸಂಪೂರ್ಣ ವಿವರ ಇಲ್ಲಿದೆ.

Written ByKrishna NK
Published: Nov 06, 2026, 18:05 IST|Updated: Nov 06, 2026, 18:07 IST
joinshare
ದೀಪಾವಳಿ ಹಬ್ಬದಂದು ಈ ಸಣ್ಣ ತಪ್ಪು ಮಾಡಿದ್ರೆ ಅಷ್ಟ ದರಿದ್ರ, ಕಡು ಬಡತನ ಕಾಡುತ್ತೆ..! ಹುಷಾರಾಗಿರಿ
Image Credit: spirituality

About the Author

Krishna NK

Krishna NK

ಕೃಷ್ಣಕುಮಾರ್‌ ಎನ್‌.ಕೆ. (Krishna Kumar NK) 'ಜೀ ಕನ್ನಡ ನ್ಯೂಸ್‌' ಜಾಲತಾಣದ ಉಪ ಸಂಪಾದಕರಾಗಿ 2024 ರಿಂದ ಕಾರ್ಯನಿರ್ವಹಿಸುತ್ತಿದ್ದು, ಇದಕ್ಕೂ ಮೊದಲು ಈಟಿವಿ ಕನ್ನಡ, ವೇ ಟು ನ್ಯೂಸ್‌, ಸಂಯುಕ್ತ ಕರ್ನಾಟಕ, ಸೇರಿದಂತೆ ಹಲವಾರು ಸುದ್ದಿ ಸಂಸ್ಥೆಗಳಲ್ಲಿ 8 ವರ್ಷ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ. ಸಿನಿಮಾ, ವೈರಲ್‌, ಲೈಫ್‌ಸ್ಟೈಲ್‌, ಆರೋಗ್ಯ ವಿಭಾಗದಲ್ಲಿ ಹೆಚ್ಚು ಆಸಕ್ತಿ ಹೊಂದಿರುವ ಇವರು 2024 ರಿಂದ ʼಇಂಡಿಯಾ ಡಾಟ್‌ಕಾಮ್‌ʼನ "ಜೀ ನ್ಯೂಸ್‌ ಕನ್ನಡ" ವೆಬ್‌ ಸೈಟ್‌ ನಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ.
Read More

ಟ್ರೆಂಡಿಂಗ್

  • ಹೋಮ್‌
  • ಫೋಟೋಗಳು
  • ವಿಡಿಯೋ
ಊಟದ ಬಳಿಕ ಒಂದೆರಡು ಏಲಕ್ಕಿ ತಿನ್ನೋದ್ರಿಂದ ದೇಹಕ್ಕೆ ಏನೆಲ್ಲಾ ಲಾಭಗಳಿವೆ ಗೊತ್ತೇ?

ಊಟದ ಬಳಿಕ ಒಂದೆರಡು ಏಲಕ್ಕಿ ತಿನ್ನೋದ್ರಿಂದ ದೇಹಕ್ಕೆ ಏನೆಲ್ಲಾ ಲಾಭಗಳಿವೆ ಗೊತ್ತೇ?

2

ಭಾರತದಲ್ಲಿ ಅತಿ ಹೆಚ್ಚು ಬಳಕೆಯಾಗುವ ಪಾಸ್‌ವರ್ಡ್ ಇಲ್ಲಿದೆ ನೋಡಿ

3

ಆಸಿಯಾ ಮೇಲೆ ಸೌಂದರ್ಯಾ ಶೆಟ್ಟಿ ಹಲ್ಲೆ! ಇಂದೇ ಬಿಗ್‌ ಬಾಸ್‌ನಿಂದ ಹೊರ ಹೋಗ್ತಾರಾ?

4

'ಜೀ ನ್ಯೂಸ್' ಬಿಗ್‌ ಇಂಪ್ಯಾಕ್ಟ್: ದೆಹಲಿ ಫ್ಲಾಟ್ ಹರಾಜು ವಿವಾದದಲ್ಲಿ ತಪ್ಪೊಪ್ಪಿಕೊಂಡ NBCC

5

ಮುದ್ದು ಮಗಳ ಸಾವಿನ ನಂತರ ಬರಿಗಾಲಲ್ಲೇ ನಡೆಯುತ್ತಾರೆ ಈ ನಟ... ಕೋಟಿ ಕೋಟಿ ಒಡೆಯನಾದರೂ ಇದೆಂಥ ಸ್ಥಿತಿ!

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

Lakshmi puja rituals : ದೀಪಾವಳಿ ಹಬ್ಬ ಹತ್ತಿರ ಬರ್ತಿದೆ ಅಂದ್ರೆ ಸಾಕು ಎಲ್ಲರ ಮನೆಯಲ್ಲೂ ಒಂದು ಸಂಭ್ರಮ, ಸಡಗರ ಮನೆ ಮಾಡಿರುತ್ತೆ. ಅಕ್ಟೋಬರ್ ಅಥವಾ ನವೆಂಬರ್ ಬಂತೆಂದರೆ ಸಾಕು ಮನೆಗಳ ಶುಚಿಗೊಳಿಸುವುದು, ಹೊಸ ಬಟ್ಟೆಗಳ ಖರೀದಿ, ಸಿಹಿ ತಿಂಡಿಗಳ ತಯಾರಿಕೆ ಜೋರಾಗಿ ನಡೆಯುತ್ತದೆ. ಅದರಲ್ಲೂ ಈ ವರ್ಷ ನವೆಂಬರ್ 8ರಂದು ದೀಪಾವಳಿ ಹಬ್ಬವನ್ನು ಆಚರಿಸಲಾಗುತ್ತಿದ್ದು, ಲಕ್ಷ್ಮಿ ದೇವಿಯ ಕೃಪೆಗೆ ಪಾತ್ರರಾಗಲು ಪ್ರತಿಯೊಬ್ಬರೂ ವಿಶೇಷ ಪೂಜೆ-ಪುನಸ್ಕಾರಗಳನ್ನು ಮಾಡುತ್ತೇವೆ. ಆದರೆ, ಅಷ್ಟೆಲ್ಲಾ ಭಕ್ತಿಯಿಂದ ಪೂಜೆ ಮಾಡಿದರೂ ನಾವು ಮಾಡುವ ಕೆಲವು ಸಣ್ಣಪುಟ್ಟ ತಪ್ಪುಗಳು ನಮ್ಮ ಮನೆಯಲ್ಲಿ ನೆಗೆಟಿವ್ ಎನರ್ಜಿ ಹೆಚ್ಚಾಗಲು ಕಾರಣವಾಗಬಹುದು ಅಂತಾ ಜ್ಯೋತಿಷ್ಯ ಮತ್ತು ವಾಸ್ತು ಶಾಸ್ತ್ರ ಹೇಳುತ್ತದೆ. ದೀಪಾವಳಿ ದಿನದಂದು ನಾವು ಯಾವೆಲ್ಲಾ ಪ್ರಮುಖ ತಪ್ಪುಗಳನ್ನು ಮಾಡಬಾರದು ಮತ್ತು ಹಬ್ಬದ ದಿನ ಯಾವ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಅಖಂಡ ದೀಪವನ್ನು ಬಾಯಿಂದ ಊದಿ ಆರಿಸಬೇಡಿ
ಪೂಜಾ ಕೋಣೆಯಲ್ಲಿ ಇಡೀ ರಾತ್ರಿ ಅಥವಾ ಸಂಜೆ ಹಚ್ಚುವ 'ಅಖಂಡ ದೀಪ'ಕ್ಕೆ ನಮ್ಮ ಸಂಪ್ರದಾಯದಲ್ಲಿ ಬಹಳ ಮಹತ್ವವಿದೆ. ಆದರೆ ಹಲವರು ದೀಪವನ್ನು ನಂದಿಸಲು ಅಥವಾ ಆರಿಸಲು ಬಾಯಿಂದ ಊದುವ ಅಭ್ಯಾಸ ಹೊಂದಿರುತ್ತಾರೆ. ಇದು ತೀರ ತಪ್ಪು. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ದೀಪವನ್ನು ಎಂದಿಗೂ ಬಾಯಿಂದ ಊದಿ ಆರಿಸಬಾರದು. ಒಂದು ವೇಳೆ ಅನಿವಾರ್ಯವಾಗಿ ದೀಪವನ್ನು ನಂದಿಸಬೇಕಾಗಿ ಬಂದರೆ, ಶುದ್ಧವಾದ ಹೂವಿನ ದಳಗಳನ್ನು ಬಳಸಿ ಎಚ್ಚರಿಕೆಯಿಂದ ಆರಿಸುವುದು ಉತ್ತಮ.

ಗಣೇಶ ಮತ್ತು ಲಕ್ಷ್ಮಿ ವಿಗ್ರಹಗಳ ದಿಕ್ಕು ಹಾಗೂ ಸ್ಥಾನ
ದೀಪಾವಳಿ ಪೂಜೆಯಲ್ಲಿ ಲಕ್ಷ್ಮಿ ಮತ್ತು ಗಣೇಶನ ಮೂರ್ತಿಗಳನ್ನು ಇಡುವಾಗ ಜಾಗರೂಕರಾಗಿರಬೇಕು. ಕೆಲವರು ಗಣೇಶನ ವಿಗ್ರಹವನ್ನು ಲಕ್ಷ್ಮಿ ದೇವಿಯ ಬಲಭಾಗದಲ್ಲಿ ಇಡುತ್ತಾರೆ. ಆದರೆ ಇದು ತಪ್ಪು. ಹಿಂದೂ ಧರ್ಮದ ಪ್ರಕಾರ ಗಣೇಶನನ್ನು ಯಾವಾಗಲೂ ತಾಯಿಯ ಎಡಭಾಗದಲ್ಲೇ ಪ್ರತಿಷ್ಠಾಪಿಸಬೇಕು. ಇನ್ನು ವಿಗ್ರಹಗಳ ಮುಖವು ಪೂರ್ವ ಅಥವಾ ಉತ್ತರ ದಿಕ್ಕಿಗೆ ಇರುವಂತೆ ನೋಡಿಕೊಳ್ಳುವುದು ವಾಸ್ತು ಪ್ರಕಾರ ಅತ್ಯಂತ ಶುಭ ಫಲವನ್ನು ನೀಡುತ್ತದೆ. ಪೂಜೆ ಮಾಡುವಾಗ ನಮ್ಮ ಮುಖವೂ ಕೂಡ ಪೂರ್ವ ಅಥವಾ ಈಶಾನ್ಯ ದಿಕ್ಕಿಗೆ ಇರುವಂತೆ ಕುಳಿತುಕೊಳ್ಳಬೇಕು.

ಒಡೆದ ಅಥವಾ ಬಿರುಕು ಬಿಟ್ಟ ಮೂರ್ತಿಗಳ ಬಳಕೆ ಬೇಡ
ಮನೆಯಲ್ಲಿ ಹಳೆಯ ಮಣ್ಣಿನ ವಿಗ್ರಹಗಳಿದ್ದರೆ ಅಥವಾ ಅವುಗಳಿಗೆ ಎಲ್ಲಾದರೂ ಬಿರುಕು ಬಿಟ್ಟಿದ್ದರೆ ಅಂತಹ ಮೂರ್ತಿಗಳನ್ನು ದೀಪಾವಳಿ ಪೂಜೆಗೆ ಬಳಸಲೇಬಾರದು. ಹೋದ ವರ್ಷದ ಬಣ್ಣ ಮಾಸಿದ ಮೂರ್ತಿಗಳು ಹಾಗೂ ಒಣಗಿದ ಹೂವುಗಳನ್ನು ಪೂಜಾ ಸ್ಥಳದಿಂದ ಮೊದಲು ವಿಲೇವಾರಿ ಮಾಡಿ. ಒಂದು ವೇಳೆ ಬೆಳ್ಳಿ ಅಥವಾ ಹಿತ್ತಾಳೆಯ ಮೂರ್ತಿಗಳಾಗಿದ್ದರೆ ಅವುಗಳಿಗೆ ಪಂಚಾಮೃತ ಅಭಿಷೇಕ ಮಾಡಿ ಮತ್ತೆ ಬಳಸಬಹುದು. ಆದರೆ ಮಣ್ಣಿನ ವಿಗ್ರಹಗಳು ಹಾನಿಯಾಗಿದ್ದರೆ ಅವುಗಳನ್ನು ಹರಿಯುವ ನೀರಿನಲ್ಲಿ ವಿಸರ್ಜಿಸುವುದು ಒಳ್ಳೆಯದು.

ಮನೆಯ ಮುಖ್ಯ ದ್ವಾರ ಕತ್ತಲೆಯಲ್ಲಿರಬಾರದು
ಅಮಾವಾಸ್ಯೆಯ ಕತ್ತಲು ಇರುವ ಈ ರಾತ್ರಿಯಲ್ಲಿ ಲಕ್ಷ್ಮಿ ದೇವಿಯು ಸ್ವಚ್ಛ ಹಾಗೂ ಹಣತೆಗಳ ಬೆಳಕಿನಿಂದ ಪ್ರಕಾಶಿಸುವ ಮನೆಗೆ ಮಾತ್ರ ಕಾಲಿಡುತ್ತಾಳೆ ಎಂಬ ನಂಬಿಕೆಯಿದೆ. ಹಾಗಾಗಿ ದೀಪಾವಳಿ ದಿನದಂದು ಮನೆಯ ಮುಖ್ಯ ಬಾಗಿಲನ್ನು ಚೆನ್ನಾಗಿ ಗುಡಿಸಿ, ಮಾವು ಅಥವಾ ಅಶೋಕ ಎಲೆಗಳ ತೋರಣ ಕಟ್ಟಿ, ಸುಂದರವಾದ ರಂಗೋಲಿ ಬಿಡಿಸಬೇಕು. ಇದರೊಂದಿಗೆ ಬಾಗಿಲಿನ ಎರಡೂ ಕಡೆ ಹಣತೆಗಳನ್ನು ಹಚ್ಚಿ ಬೆಳಕು ಚೆಲ್ಲುವ ಮೂಲಕ ಧನಾತ್ಮಕ ಶಕ್ತಿಯನ್ನು ಮನೆಗೆ ಸ್ವಾಗತಿಸಬೇಕು.

ಕಪ್ಪು ಬಣ್ಣದ ಬಟ್ಟೆಗಳ ಧರಿಸುವಿಕೆ ಹಾಗೂ ಪಾತ್ರೆಗಳ ಆಯ್ಕೆ
ಹಬ್ಬದ ದಿನ ಕಪ್ಪು, ಗಾಢ ನೀಲಿ ಅಥವಾ ಕಂದು ಬಣ್ಣದ ಬಟ್ಟೆಗಳನ್ನು ಧರಿಸುವುದು ಅಶುಭವೆಂದು ಪರಿಗಣಿಸಲಾಗಿದೆ. ಇದರ ಬದಲಾಗಿ ಕೆಂಪು, ಹಳದಿ, ಕಿತ್ತಳೆ ಅಥವಾ ಗುಲಾಬಿ ಬಣ್ಣದಂತಹ ಮಂಗಳಕರ ಹಾಗೂ ಪ್ರಕಾಶಮಾನವಾದ ಬಟ್ಟೆಗಳನ್ನು ಧರಿಸಿದರೆ ಮನಸ್ಸಿಗೂ ಉಲ್ಲಾಸ ಸಿಗುತ್ತದೆ. ಹಾಗೆಯೇ ನೈವೇದ್ಯ ಇಡಲು ಅಥವಾ ದೀಪ ಹಚ್ಚಲು ಕಬ್ಬಿಣ, ಉಕ್ಕು ಅಥವಾ ಪ್ಲಾಸ್ಟಿಕ್ ಪಾತ್ರೆಗಳನ್ನು ಬಳಸದೆ, ಸಾಧ್ಯವಾದಷ್ಟು ತಾಮ್ರ, ಪಿತ್ತಾಳೆ ಅಥವಾ ಮಣ್ಣಿನ ಸಾಂಪ್ರದಾಯಿಕ ಪಾತ್ರೆಗಳನ್ನೇ ಬಳಸುವುದು ಶ್ರೇಷ್ಠ.

ಒಟ್ಟಾರೆಯಾಗಿ, ಈ ಮೇಲಿನ ಸಣ್ಣಪುಟ್ಟ ಎಚ್ಚರಿಕೆಗಳನ್ನು ವಹಿಸುವುದರಿಂದ ತಾಯಿ ಲಕ್ಷ್ಮಿ ಮತ್ತು ಕುಬೇರನ ಕೃಪೆ ನಿಮ್ಮ ಮೇಲಿರುತ್ತದೆ. ದಾರಿದ್ರ್ಯ ನಿಮ್ಮ ಹತ್ತಿರವೂ ಸುಳಿಯದಂತೆ ಈ ದೀಪಾವಳಿಯನ್ನು ಸಂಭ್ರಮದಿಂದ ಆಚರಿಸಿ. ಅಷ್ಟೇ ಅಲ್ಲದೆ ಪಟಾಕಿ ಹೊಡೆಯುವಾಗ ಸುರಕ್ಷತೆಯ ಕಡೆ ಗಮನ ನೀಡಿ.

Add Zee News as a Preferred Source
TAGS:
Kannada News