ಕರ್ನಾಟಕ ಐಡಲ್ ಅವಾರ್ಡ್ - 2026: ಜೀ ಕನ್ನಡ ನ್ಯೂಸ್‌ ನಡೆಗೆ ವ್ಯಾಪಕ ಮೆಚ್ಚುಗೆ

ಗಿರೀಶ್ ಕಾಸರವಳ್ಳಿ

ಜೀ ಕನ್ನಡ ನ್ಯೂಸ್‌ ಕರ್ನಾಟಕ ಐಡಲ್ ಅವಾರ್ಡ್ - 2026 ಕಾರ್ಯಕ್ರಮದಲ್ಲಿ "ಜೀವಮಾನ ಸಾಧನೆ ಪ್ರಶಸ್ತಿ"ಗೆ ಪಾತ್ರರಾದ ಗಿರೀಶ್ ಕಾಸರವಳ್ಳಿ ಮಾತನಾಡಿ, ನಿರ್ದೇಶಕನಾಗಿ ಕನ್ನಡ ಭಾಷೆಯ‌ ಶಕ್ತಿಯನ್ನು ಸಿನಿಮಾದ ಮೂಲಕ ತೋರಿಸುವ ಸದವಕಾಶ ನನ್ನ ಪಾಲಿಗೆ ಒದಗಿದ್ದು ಸೌಭಾಗ್ಯ. ನಿಜವಾದ ಸಾಧಕರನ್ನು ಗುರುತಿಸುವ ಜೀ ಕನ್ನಡ ನ್ಯೂಸ್‌ ವಾಹಿನಿಯ ಕೆಲಸ ಮೆಚ್ಚತಕ್ಕದ್ದು, ಪುರಸ್ಕೃತರಿಗೆ ಅಭಿನಂದನೆ ಎಂದರು.

ಅಜ್ಜಯ್ಯ

ದಿವ್ಯ ಸಾನಿಧ್ಯ ವಹಿಸಿದ್ದ ಕಾಡಸಿದ್ದೇಶ್ವರ ಮಠದ ಕರಿವೃಷಭ ದೇಶಿಕೇಂದ್ರ ಶಿವಯೋಗೀಶ್ವರ ಸ್ವಾಮೀಜಿ ಆಶಿರ್ವಚನ ನೀಡಿ, ಕಾಯಕವೇ ಕೈಲಾಸ ಎನ್ನುವುದು ಪ್ರತಿಯೊಬ್ಬರ ಬದುಕಿನ ಮೂಲಮಂತ್ರವಾಗಬೇಕು. ಕಾಯಕ ನಿಷ್ಠೆ ಉಳ್ಳವರನ್ನು ಗುರುತಿಸುವುದು ಶ್ರೇಷ್ಠ ಕೆಲಸ. ಅಂತಹ ಮಾದರಿ ಕಾರ್ಯವನ್ನು ಮಾಡುತ್ತಿರುವ ಜೀ ವಾಹಿನಿಯ ಕೆಲಸವೂ ಸಾಧನೆಯೇ. ಹೀಗಾಗಿ ಜೀ ಕನ್ನಡ ನ್ಯೂಸ್‌ ಹಾಗೂ ಪುರಸ್ಕೃತರಿಗೆ ಅಭಿನಂದನೆ ಸಲ್ಲಬೇಕು ಎಂದು ಹೇಳಿದರು.

ಸಚಿವ ಸಂತೋಷ್‌ ಲಾಡ್

ಸಂತೋಷ್ ಲಾಡ್, ಇಂತಹ ವಿಶೇಷ ಕಾರ್ಯಕ್ರಮಗಳೇ ಈಗ ಅಪರೂಪವಾಗಿವೆ. ಆದರೆ ಅಂತಹ ಅಪರೂಪದ ವಿಶೇಷ ಕಾರ್ಯಕ್ರಮಗಳನ್ನು ಆಯೋಜಿಸುವಲ್ಲಿ ಜೀ ವಾಹಿನಿ ಸದಾ ಮುಂಚೂಣಿ. ಸಾರ್ವಜನಿಕ ಜೀವನದಲ್ಲಿ ಉತ್ತಮವಾಗಿ ಕಾರ್ಯ ನಿರ್ವಹಿಸುತ್ತಿರುವವರಿಗೆ ಪುರಸ್ಕಾರ ನೀಡಿರುವುದು ಸಂತಸದ ಸಂಗತಿ, ಎಲ್ಲಾ ಸಾಧಕರಿಗೂ ಅಭಿನಂದನೆ ಎಂದರು.

ಸಚಿವ ಯು ಟಿ ಖಾದರ್

ಯು ಟಿ ಖಾದರ್, ಪ್ರಶಸ್ತಿ ಪುರಸ್ಕೃತರ ಸಾಧನೆಯ ಹಿಂದೆ ನಿರಂತರ ಪರಿಶ್ರಮ, ಬದ್ಧತೆ, ಸಮಾಜಮುಖಿ ಕಳಕಳಿಯ ವ್ಯಕ್ತಿತ್ವ ಅಡಗಿದೆ. ಸಮಾಜದ ವಿವಿಧ ಕ್ಷೇತ್ರಗಳ ಸಾಧಕರಿಗೆ ಸನ್ಮಾನಿಸುವ ಮೂಲಕ ಜೀ ಸಂಸ್ಥೆ ಮಾದರಿ ಕಾರ್ಯ ಮಾಡುತ್ತಿದೆ. ಪ್ರಶಸ್ತಿ ಮೂಲಕ ಸಾಮಾಜಿಕ ಬದಲಾವಣೆ ಸಾಧ್ಯ. ಪ್ರತೀ ಸಾಧಕರ ವ್ಯಕ್ತಿತ್ವ ದಾರಿದೀಪವಾಗಲಿ ಹಾಗೂ ಇನ್ನಷ್ಟು ಕೊಡುಗೆ ನೀಡುವಂತಾಗಲಿ ಎಂದು ತಿಳಿಸಿದರು.

ಸಚಿವ ರಾಮಲಿಂಗಾ ರೆಡ್ಡಿ

ಸಚಿವ ರಾಮಲಿಂಗಾರೆಡ್ಡಿ, ಜೀ ವಾಹಿನಿಯು ನಿರಂತರವಾಗಿ ಸಾಧಕರನ್ನು ಸನ್ಮಾನಿಸುವ ಕೆಲಸವನ್ನು ಬಹಳ ಹತ್ತಿರದಿಂದ ನೋಡುತ್ತಾ ಬಂದಿದ್ದೇನೆ. ಸಾಧಕರನ್ನು ಹುರಿದುಂಬಿಸುವ ಈ ಪ್ರಯತ್ನ ಶ್ಲಾಘನೀಯ. ಇದೇ ಉತ್ಸಾಹದೊಂದಿಗೆ ಸಾಧಕರು ಮತ್ತಷ್ಟು ಸಾಧನೆಯ ಪ್ರಯತ್ನದಲ್ಲಿ ತೊಡಗಬೇಕು ಎಂದರು.

ಬಿ.ಸಿ. ಪಾಟೀಲ್

ಬಿ ಸಿ ಪಾಟೀಲ್, ನಮ್ಮ ಸಾಧನೆ ಪಥ ಭವಿಷ್ಯದಲ್ಲಿ ಮಾದರಿಯಾಗಬೇಕು, ಅಂತಹ ಹೆಜ್ಜೆ ಗುರುತುಗಳನ್ನು ಬಿಟ್ಟು ಹೋಗಬೇಕು. ಇಂದು ನಾವು ನೆನಪು ಮಾಡಿಕೊಳ್ಳುವ ಪ್ರತಿಯೊಬ್ಬ ಮಹನೀಯರು ಸಾಧಕರೇ, ಸಮಾಜಕ್ಕೆ ಕೊಡುಗೆ ಕೊಟ್ಟವರಷ್ಟೇ ಸ್ಮರಣೀಯರಾಗಿ ಉಳಿಯುತ್ತಾರೆ. ಅದೇ ರೀತಿ ಜೀ ವಾಹಿನಿಯು ಅಂತಹ ಸಾಧಕರನ್ನು ಗುರುತಿಸಿ ಗೌರವಿಸುತ್ತಿದೆ. ತಮ್ಮ ಕೆಲಸಗಳನ್ನು ಗುರುತಿಸಿದಾಗ ಮಾತ್ರ ಸಾಧಕರಿಗೆ ಇನ್ನಷ್ಟು ಪ್ರೋತ್ಸಾಹ ದೊರೆಯುತ್ತದೆ. ಆ ಕೆಲಸವನ್ನು ವಾಹಿನಿ ನಿರಂತರವಾಗಿ ಮಾಡುತ್ತಾ ಬಂದಿರುವುದು ಅಭಿನಂದನಾರ್ಹ ಎಂದರು.