ಡ್ರೈ ಸ್ಕಿನ್‌ಗೆ ಯಾವ ಫೇಸ್‌ವಾಶ್‌ ಸೂಕ್ತ? ತಪ್ಪಾದ ಆಯ್ಕೆ ಸಮಸ್ಯೆ ಹೆಚ್ಚಿಸಬಹುದು ಎಚ್ಚರ!

Best Face Wash for Dry Skin: ಮುಖದ ಸ್ವಚ್ಛತೆಗಾಗಿ ಬಹುತೇಕರು ಪ್ರತಿದಿನ ಫೇಸ್‌ವಾಶ್ ಬಳಸುತ್ತಾರೆ. ಆದರೆ ಎಲ್ಲರ ಚರ್ಮದ ಸ್ವಭಾವ ಒಂದೇ ರೀತಿಯಾಗಿರುವುದಿಲ್ಲ. ವಿಶೇಷವಾಗಿ ಡ್ರೈ ಸ್ಕಿನ್‌ ಅಥವಾ ಒಣ ಚರ್ಮ ಇರುವವರು ಫೇಸ್‌ವಾಶ್ ಆಯ್ಕೆ ಮಾಡುವಾಗ ಹೆಚ್ಚು ಎಚ್ಚರಿಕೆ ವಹಿಸಬೇಕಾಗುತ್ತದೆ. ತಪ್ಪಾದ ಉತ್ಪನ್ನ ಬಳಸಿದರೆ ಚರ್ಮದಲ್ಲಿರುವ ನೈಸರ್ಗಿಕ ತೇವಾಂಶ ಕಡಿಮೆಯಾಗಿ ಒಣತನ ಮತ್ತಷ್ಟು ಹೆಚ್ಚಾಗಬಹುದು ಎಂದು ಚರ್ಮರೋಗ ತಜ್ಞರು ಎಚ್ಚರಿಸುತ್ತಾರೆ. ಚರ್ಮದಲ್ಲಿ ತೇವಾಂಶದ ಕೊರತೆ ಉಂಟಾದಾಗ ಒಣತನ, ಚರ್ಮ ಬಿಗಿಯಾದಂತೆ ಅನಿಸುವುದು, ಸಣ್ಣ ಪ್ರಮಾಣದ ಉರಿ ಅಥವಾ ಚರ್ಮದ ಪದರಗಳು ಕಾಣಿಸಿಕೊಳ್ಳುವುದು ಮುಂತಾದ ಲಕ್ಷಣಗಳು ಕಂಡುಬರಬಹುದು. ಹವಾಮಾನ, ಅತಿಯಾದ ಮುಖ ತೊಳೆಯುವಿಕೆ, ಬಿಸಿ ನೀರಿನ ಬಳಕೆ ಹಾಗೂ ಸೂಕ್ತವಲ್ಲದ ಸ್ಕಿನ್‌ಕೇರ್ ಉತ್ಪನ್ನಗಳು ಕೂಡ ಚರ್ಮದ ಒಣತನಕ್ಕೆ ಕಾರಣವಾಗಬಹುದು. ಇಂತಹ ಸಂದರ್ಭದಲ್ಲಿ ಮುಖವನ್ನ ಸ್ವಚ್ಛಗೊಳಿಸುವುದರ ಜೊತೆಗೆ ಚರ್ಮದ ನೈಸರ್ಗಿಕ ತೇವಾಂಶವನನ್ನ ಕಾಪಾಡುವುದು ಮುಖ್ಯ.