- ಜೀ ನ್ಯೂಸ್ ಕನ್ನಡ
- /ಫೋಟೋಗ್ಯಾಲರಿ
- /ಇಂದಿನಿಂದ ಬದಲಾಗಲಿವೆ ಈ 5 ನಿಯಮಗಳು: ಜನರ ಜೇಬಿಗೆ ಮತ್ತಷ್ಟು ಕತ್ತರಿ!
ಇಂದಿನಿಂದ ಬದಲಾಗಲಿವೆ ಈ 5 ನಿಯಮಗಳು: ಜನರ ಜೇಬಿಗೆ ಮತ್ತಷ್ಟು ಕತ್ತರಿ!
Written ByPuttaraj K Alur
Published: Oct 01, 2026, 11:41 AM IST|Updated: Oct 01, 2026, 11:50 AM IST
ಅಕ್ಟೋಬರ್ 1, 2026ರಿಂದ ಬ್ಯಾಂಕಿಂಗ್, LPG, FD, NRI ಆಸ್ತಿ ಖರೀದಿ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ಹೊಸ ನಿಯಮಗಳು ಜಾರಿಗೆ ಬರಲಿವೆ. ಇದರಿಂದ ಜನಸಾಮಾನ್ಯರ ಜೇಬಿಗೆ ಮತ್ತಷ್ಟು ಕತ್ತರಿ ಬೀಳಲಿದೆ. ಇಂದಿನಿಂದ ಜಾರಿಗೆ ಬರುತ್ತಿರುವ ಹೊಸ ನಿಯಮಗಳು ಯಾವುವು ಎಂದು ತಿಳಿಯಿರಿ...
New Rules October 2026: ಅಕ್ಟೋಬರ್ 1, 2026ರಿಂದ ಬ್ಯಾಂಕಿಂಗ್, LPG ಸಬ್ಸಿಡಿ, NPS, ಆಸ್ತಿ ಖರೀದಿ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ಪ್ರಮುಖ ನಿಯಮ ಬದಲಾವಣೆಗಳು ಜಾರಿಗೆ ಬಂದಿವೆ. SBI ATMನ ಉಚಿತ ವಹಿವಾಟು ಮಿತಿ, LPG ಸಬ್ಸಿಡಿಗೆ ಆಧಾರ್ ಬಯೋಮೆಟ್ರಿಕ್ ದೃಢೀಕರಣ, ಬಲ್ಕ್ FD ಬಡ್ಡಿದರ ಪ್ರಕಟಣೆ ಮತ್ತು NRIಯಿಂದ ಆಸ್ತಿ ಖರೀದಿಸುವಾಗ TDS ಪ್ರಕ್ರಿಯೆಯಲ್ಲಿ ಬದಲಾವಣೆಗಳು ಗ್ರಾಹಕರ ಮೇಲೆ ಪರಿಣಾಮ ಬೀರಲಿವೆ. ಇದೇ ವೇಳೆ ₹2,000ಕ್ಕಿಂತ ಹೆಚ್ಚಿನ ಕೆಲವು UPI ಮರ್ಚೆಂಟ್ ವಹಿವಾಟುಗಳಿಗೆ ಹೊಸ MDR ವ್ಯವಸ್ಥೆ ಅಕ್ಟೋಬರ್ 15ರಿಂದ ಜಾರಿಗೆ ಬರಲಿದೆ.
1/5LPG ಸಬ್ಸಿಡಿಗೆ ಆಧಾರ್ ದೃಢೀಕರಣ
ಅಕ್ಟೋಬರ್ 1ರಿಂದ ಸಬ್ಸಿಡಿ ದರದಲ್ಲಿ LPG ರಿಫಿಲ್ ಪಡೆಯಲು ಬಯೋಮೆಟ್ರಿಕ್ ಆಧಾರ್ ದೃಢೀಕರಣ ಅಗತ್ಯ. ಡೆಲಿವರಿ ವೇಳೆ, ಗ್ಯಾಸ್ ಏಜೆನ್ಸಿ ಅಥವಾ ಸಂಬಂಧಿತ OMC ಆ್ಯಪ್‌ ಮೂಲಕ ಪ್ರಕ್ರಿಯೆ ಪೂರ್ಣಗೊಳಿಸಬಹುದು.
2/5SBI ATM ನಿಯಮ ಬದಲಾವಣೆ
ಕೆಲವು SBI Salary Package ಖಾತೆದಾರರಿಗೆ ಇತರ ಬ್ಯಾಂಕ್‌ಗಳ ATMನಲ್ಲಿ ಉಚಿತ ವಹಿವಾಟಿನ ಮಿತಿ ತಿಂಗಳಿಗೆ 10ರಿಂದ 5ಕ್ಕೆ ಇಳಿಯಲಿದೆ. BSBD ಖಾತೆಗಳಲ್ಲಿ 4 ಉಚಿತ ನಗದು ವಿತ್‌ಡ್ರಾ ನಂತರ ಶುಲ್ಕ ಅನ್ವಯಿಸುತ್ತದೆ.
3/5ಬಲ್ಕ್ FDಗೆ ಹೊಸ ಬಡ್ಡಿದರ ಪ್ರಕಟಣೆ
ಬಲ್ಕ್ ಡೆಪಾಸಿಟ್‌ಗಳಿಗೆ ಅನ್ವಯಿಸುವ ಬಡ್ಡಿದರವನ್ನ ಬ್ಯಾಂಕ್‌ಗಳು ತಮ್ಮ ವೆಬ್‌ಸೈಟ್‌ನಲ್ಲಿ ನಿಗದಿತ ಸಮಯಕ್ಕೆ ಪ್ರಕಟಿಸುವ ಹೊಸ ನಿಯಮ ಅಕ್ಟೋಬರ್ 1ರಿಂದ ಜಾರಿಗೆ ಬಂದಿದೆ.
4/5NRIಯಿಂದ ಆಸ್ತಿ ಖರೀದಿಸುವವರಿಗೆ ಬದಲಾವಣೆ
NRIಯಿಂದ ಆಸ್ತಿ ಖರೀದಿಸುವ ನಿವಾಸಿ ವ್ಯಕ್ತಿಗಳು ಅಥವಾ HUFಗಳಿಗೆ TDS ಪ್ರಕ್ರಿಯೆಯಲ್ಲಿ ಪ್ರತ್ಯೇಕ TAN ಅಗತ್ಯವಿಲ್ಲ; ನಿಗದಿತ ಪ್ರಕ್ರಿಯೆಯಲ್ಲಿ PAN ಬಳಸಬಹುದು. ಆದರೆ ಅನ್ವಯಿಸುವ TDS ಕಡಿತ ಮತ್ತು ವರದಿ ನಿಯಮಗಳು ಮುಂದುವರಿಯುತ್ತವೆ.
5/5UPI ಪಾವತಿಯಲ್ಲಿ ಹೊಸ MDR ವ್ಯವಸ್ಥೆ
₹2,000ಕ್ಕಿಂತ ಹೆಚ್ಚಿನ ಕೆಲವು ಮರ್ಚೆಂಟ್ UPI ವಹಿವಾಟುಗಳಿಗೆ ಹೊಸ MDR ವ್ಯವಸ್ಥೆ ಅಕ್ಟೋಬರ್ 15ರಿಂದ ಅನ್ವಯಿಸಲಿದೆ. ಈ ಶುಲ್ಕವನ್ನ ಗ್ರಾಹಕರಿಂದ ನೇರವಾಗಿ ವಸೂಲಿ ಮಾಡುವುದಲ್ಲ; ಇದು ಮರ್ಚೆಂಟ್ ಪಾವತಿ ವ್ಯವಸ್ಥೆಗೆ ಸಂಬಂಧಿಸಿದೆ.TAGS:
Trending
- News
- Photos
- Videos
)