• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Kannada
  • ಹೋಮ್‌
  • ವಿಡಿಯೋ
  • ಫೋಟೋಗ್ಯಾಲರಿ
  • ನಗರ

Add Zee Business As A Preferred Source
App
  • Live TV
  • ಕರ್ನಾಟಕ
  • ರಾಷ್ಟ್ರೀಯ
  • ಅಂತರಾಷ್ಟ್ರೀಯ
  • ಕ್ರೀಡೆ
  • ಮನರಂಜನೆ
  • ಯುಟಿಲಿಟಿ
  • ಧರ್ಮ
  • ಜ್ಯೋತಿಷ್ಯ
  • ಜೀ ನ್ಯೂಸ್ ಕನ್ನಡ
  • /ಕರ್ನಾಟಕ
  • /ಬೆಂಗಳೂರು
  • /ದುಡಿದ ಹಣ ಕೇಳಿದ್ದಕ್ಕೆ ಮಾರಣಾಂತಿಕ ಹಲ್ಲೆ : ಸತ್ತು ಹೋದ ಅಂತ ಬಿಟ್ಟು ಹೋದವರು ಕಂಬಿ ಹಿಂದೆ

ದುಡಿದ ಹಣ ಕೇಳಿದ್ದಕ್ಕೆ ಮಾರಣಾಂತಿಕ ಹಲ್ಲೆ : ಸತ್ತು ಹೋದ ಅಂತ ಬಿಟ್ಟು ಹೋದವರು ಕಂಬಿ ಹಿಂದೆ

ಬೆವರಿಳಿಸಿ ದುಡಿದ ಹಣವನ್ನು ಕೇಳಿದ್ದಕ್ಕೆ ಮಾಲೀಕನೋರ್ವ ತೋರಿದ ಕ್ರೌರ್ಯ ಕೇಳಿದರೆ ಮೈಜುಮ್ಮೆನ್ನುತ್ತದೆ. ಸಂಬಳ ಕೇಳಿದ್ದಕ್ಕೆ ಮೃಗಗಳಂತೆ ವರ್ತಿಸಿ, ಕೊಲೆ ಮಾಡುವ ಹಂತಕ್ಕೂ ಹೋಗಿರುವ ಘಟನೆ ಸಿಲಿಕಾನ್‌ ಸಿಟಿ ಬೆಂಗಳೂರಿನ ಜೀವನ್‌ ಭೀಮಾನಗರ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.. ಸಂಪೂರ್ಣ ವರದಿ ಇಲ್ಲಿದೆ..

Written ByKrishna NK
Published: Nov 15, 2026, 18:57 IST|Updated: Nov 15, 2026, 19:00 IST
joinshare
ದುಡಿದ ಹಣ ಕೇಳಿದ್ದಕ್ಕೆ ಮಾರಣಾಂತಿಕ ಹಲ್ಲೆ : ಸತ್ತು ಹೋದ ಅಂತ ಬಿಟ್ಟು ಹೋದವರು ಕಂಬಿ ಹಿಂದೆ
Image Credit: Crime news

About the Author

Krishna NK

Krishna NK

ಕೃಷ್ಣಕುಮಾರ್‌ ಎನ್‌.ಕೆ. (Krishna Kumar NK) 'ಜೀ ಕನ್ನಡ ನ್ಯೂಸ್‌' ಜಾಲತಾಣದ ಉಪ ಸಂಪಾದಕರಾಗಿ 2024 ರಿಂದ ಕಾರ್ಯನಿರ್ವಹಿಸುತ್ತಿದ್ದು, ಇದಕ್ಕೂ ಮೊದಲು ಈಟಿವಿ ಕನ್ನಡ, ವೇ ಟು ನ್ಯೂಸ್‌, ಸಂಯುಕ್ತ ಕರ್ನಾಟಕ, ಸೇರಿದಂತೆ ಹಲವಾರು ಸುದ್ದಿ ಸಂಸ್ಥೆಗಳಲ್ಲಿ 8 ವರ್ಷ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ. ಸಿನಿಮಾ, ವೈರಲ್‌, ಲೈಫ್‌ಸ್ಟೈಲ್‌, ಆರೋಗ್ಯ ವಿಭಾಗದಲ್ಲಿ ಹೆಚ್ಚು ಆಸಕ್ತಿ ಹೊಂದಿರುವ ಇವರು 2024 ರಿಂದ ʼಇಂಡಿಯಾ ಡಾಟ್‌ಕಾಮ್‌ʼನ "ಜೀ ನ್ಯೂಸ್‌ ಕನ್ನಡ" ವೆಬ್‌ ಸೈಟ್‌ ನಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ.
Read More

ಟ್ರೆಂಡಿಂಗ್

  • ಹೋಮ್‌
  • ಫೋಟೋಗಳು
  • ವಿಡಿಯೋ
ಊಟದ ಬಳಿಕ ಒಂದೆರಡು ಏಲಕ್ಕಿ ತಿನ್ನೋದ್ರಿಂದ ದೇಹಕ್ಕೆ ಏನೆಲ್ಲಾ ಲಾಭಗಳಿವೆ ಗೊತ್ತೇ?

ಊಟದ ಬಳಿಕ ಒಂದೆರಡು ಏಲಕ್ಕಿ ತಿನ್ನೋದ್ರಿಂದ ದೇಹಕ್ಕೆ ಏನೆಲ್ಲಾ ಲಾಭಗಳಿವೆ ಗೊತ್ತೇ?

2

ಭಾರತದಲ್ಲಿ ಅತಿ ಹೆಚ್ಚು ಬಳಕೆಯಾಗುವ ಪಾಸ್‌ವರ್ಡ್ ಇಲ್ಲಿದೆ ನೋಡಿ

3

ಆಸಿಯಾ ಮೇಲೆ ಸೌಂದರ್ಯಾ ಶೆಟ್ಟಿ ಹಲ್ಲೆ! ಇಂದೇ ಬಿಗ್‌ ಬಾಸ್‌ನಿಂದ ಹೊರ ಹೋಗ್ತಾರಾ?

4

'ಜೀ ನ್ಯೂಸ್' ಬಿಗ್‌ ಇಂಪ್ಯಾಕ್ಟ್: ದೆಹಲಿ ಫ್ಲಾಟ್ ಹರಾಜು ವಿವಾದದಲ್ಲಿ ತಪ್ಪೊಪ್ಪಿಕೊಂಡ NBCC

5

ಮುದ್ದು ಮಗಳ ಸಾವಿನ ನಂತರ ಬರಿಗಾಲಲ್ಲೇ ನಡೆಯುತ್ತಾರೆ ಈ ನಟ... ಕೋಟಿ ಕೋಟಿ ಒಡೆಯನಾದರೂ ಇದೆಂಥ ಸ್ಥಿತಿ!

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

ಬೆಂಗಳೂರು: "ಎಲ್ಲರೂ ಕೆಲಸ ಮಾಡೋದು ಹೊಟ್ಟೆಗಾಗಿ, ಗೇಣು ಬಟ್ಟೆಗಾಗಿ, ಪ್ರತಿ ತಿಂಗಳು ಬರುವ ಸಂಬಳವನ್ನೇ ನಂಬಿಕೊಂಡು ಬದುಕು ನಡೆಸೋದು." ಆದರೆ, ಬೆವರಿಳಿಸಿ ದುಡಿದ ಹಣವನ್ನು ಕೇಳಿದ್ದಕ್ಕೆ ಮಾಲೀಕನೋರ್ವ ತೋರಿದ ಕ್ರೌರ್ಯ ಕೇಳಿದರೆ ಬೆನ್ನುಮೂಳೆ ಜುಮ್ಮೆನ್ನುತ್ತದೆ. ಸಂಬಳ ಕೇಳಿದ್ದಕ್ಕೆ ಮೃಗಗಳಂತೆ ವರ್ತಿಸಿ, ಕೊಲೆ ಮಾಡುವ ಹಂತಕ್ಕೂ ಹೋಗಿರುವ ಘಟನೆ ಸಿಲಿಕಾನ್‌ ಸಿಟಿ ಬೆಂಗಳೂರಿನ ಜೀವನ್‌ ಭೀಮಾನಗರ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಸಾವಿನ ದವಡೆಯಿಂದ ಪಾರಾಗಿ ಬಂದು, ತನ್ನ ಮೇಲೆ ಹಲ್ಲೆ ನಡೆಸಿದ ಕ್ರೂರಿಗಳನ್ನು ಕಾನೂನಿನ ಮೂಲಕ ಕಂಬಿ ಹಿಂದೆ ತಳ್ಳಿರುವ ಸಾಹಸಮಯ ಹಾಗೂ ಆಘಾತಕಾರಿ ಕಥೆ ಇಲ್ಲಿದೆ.

ಘಟನೆಯ ಹಿನ್ನೆಲೆ ಏನು?
ಬೆಂಗಳೂರಿನ ಜೀವನ್‌ ಭೀಮಾನಗರ ಪ್ರದೇಶದಲ್ಲಿ ನಡೆದ ಈ ಘಟನೆಯಲ್ಲಿ ಹಲ್ಲೆಗೊಳಗಾದ ಬಿಕಾರಿ ವ್ಯಕ್ತಿಯನ್ನು ಮೋಹನ್ ಎಂದು ಗುರುತಿಸಲಾಗಿದೆ. ಮೋಹನ್ ಕಳೆದ ಎರಡು ವರ್ಷಗಳಿಂದ ವಾಟರ್ ಟ್ಯಾಂಕರ್ ಚಾಲಕನಾಗಿ (Driver) ಕೆಲಸ ಮಾಡಿಕೊಂಡಿದ್ದ. ನಿತ್ಯ ಕಷ್ಟಪಟ್ಟು ಟ್ಯಾಂಕರ್ ಓಡಿಸಿ ಮಾಲೀಕನಿಗೆ ದುಡ್ಡು ತಂದುಕೊಡುತ್ತಿದ್ದ. ಆದರೆ, ಇತ್ತೀಚಿನ ದಿನಗಳಲ್ಲಿ ಮಾಲೀಕ ಶ್ರೀನಿವಾಸ್ ಎಂಬಾತ ಸಮಯಕ್ಕೆ ಸರಿಯಾಗಿ ಸಂಬಳ ನೀಡುತ್ತಿರಲಿಲ್ಲ ಎನ್ನಲಾಗಿದೆ.

ಕಳೆದ ಏಳು ತಿಂಗಳಿನಿಂದ ಮೋಹನ್‌ಗೆ ಮಾಲೀಕ ಶ್ರೀನಿವಾಸ್ ಸಂಬಳವನ್ನೇ ನೀಡಿರಲಿಲ್ಲ. ದಿನ ಕಳೆದಂತೆ ಬಾಕಿ ಹಣ ಬೆಟ್ಟದಷ್ಟು ಬೆಳೆದಿತ್ತು. ಕೊನೆಗೆ ರೋಸಿಹೋದ ಮೋಹನ್, ಜೀವನ ನಿರ್ವಹಣೆ ಕಷ್ಟವಾಗಿ ಎರಡು ತಿಂಗಳ ಹಿಂದೆಯೇ ಆ ಕೆಲಸವನ್ನೇ ಬಿಟ್ಟಿದ್ದ. ತಾನು ಪ್ರಾಮಾಣಿಕವಾಗಿ ದುಡಿದಿರುವ ಬಾಕಿ ಸಂಬಳದ ಹಣವನ್ನು ಕೊಟ್ಟುಬಿಡಿ ಎಂದು ಮಾಲೀಕನ ಬಳಿ ಕೈಮುಗಿದು ಕೇಳಿಕೊಂಡಿದ್ದ.

ಬರೋಬ್ಬರಿ 2 ಲಕ್ಷ ರೂ. ಸಂಬಳಕ್ಕಾಗಿ ದ್ವೇಷ
ಮೋಹನ್‌ಗೆ ಮಾಲೀಕ ಶ್ರೀನಿವಾಸ್ ನೀಡಬೇಕಿದ್ದ ಬಾಕಿ ಸಂಬಳದ ಒಟ್ಟು ಮೊತ್ತ ಬರೋಬ್ಬರಿ ಎರಡು ಲಕ್ಷ ರೂಪಾಯಿಗಳಾಗಿತ್ತು. ಈ ದೊಡ್ಡ ಮೊತ್ತದ ಹಣವನ್ನು ಕೊಡುವುದನ್ನು ತಪ್ಪಿಸಲು ಮತ್ತು ಕೇಳಿದ್ದಕ್ಕೆ ಮುನಿಸಿಕೊಂಡಿದ್ದ ಮಾಲೀಕ ಶ್ರೀನಿವಾಸ್, ಮೋಹನ್ ಮೇಲೆ ಒಳಗೊಳಗೆ ತೀವ್ರ ದ್ವೇಷ ಸಾಧಿಸಲು ಆರಂಭಿಸಿದ್ದ. ದುಡಿದ ಹಣ ಕೇಳಿದ್ದೇ ಮೋಹನ್ ಮಾಡಿದ ದೊಡ್ಡ ತಪ್ಪಾ ಎಂಬಂತೆ ಮಾಲೀಕ ವರ್ತಿಸಲು ಶುರುಮಾಡಿದ.

ಇದೇ ದ್ವೇಷವನ್ನು ಮನಸ್ಸಿನಲ್ಲಿಟ್ಟುಕೊಂಡಿದ್ದ ಶ್ರೀನಿವಾಸ್, ಕಳೆದ ವಾರ ತನ್ನ ಕುಮ್ಮಕ್ಕಿನಿಂದ ನಾಲ್ವರು ದುಷ್ಕರ್ಮಿಗಳನ್ನು ಬಿಟ್ಟು ಮೋಹನ್ ಮನೆ ಬಳಿಯೇ ಅಟ್ಟಹಾಸ ಮೆರೆದಿದ್ದಾನೆ. ಮೋಹನ್ ಮನೆಯ ಬಳಿ ಬರುತ್ತಿದ್ದಂತೆ ಏಕಾಏಕಿ ನಾಲ್ವರು ಆರೋಪಿಗಳು ಮಾರಕಾಸ್ತ್ರಗಳೊಂದಿಗೆ ದಾಳಿ ನಡೆಸಿದ್ದಾರೆ. ಕೈಯಲ್ಲಿ ಕಬ್ಬಿಣದ ರಾಡ್‌ ಹಿಡಿದುಕೊಂಡು ತಲೆಗೆ ಮನಬಂದಂತೆ ಹೊಡೆದು ರಕ್ತದ ಮಡುವಿನಲ್ಲಿ ಬೀಳಿಸಿದ್ದಾರೆ. ಅಷ್ಟಕ್ಕೇ ಸುಮ್ಮನಾಗದೆ, ಗಾಯಗೊಂಡಿದ್ದ ಆತನನ್ನು ಬಲವಂತವಾಗಿ ಕಾರಿನಲ್ಲಿ ಅಪಹರಿಸಿ ಬೇರೊಂದು ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು ಅಲ್ಲಿಯೂ ಮತ್ತೆ ಅಮಾನವೀಯವಾಗಿ ಹಲ್ಲೆ ನಡೆಸಿದ್ದಾರೆ.

ಸತ್ತೇ ಹೋದ ಎಂದುಕೊಂಡು ಬಿಟ್ಟು ಹೋದ್ರು
ನಾಲ್ವರು ಕ್ರೂರಿಗಳ ಹಲ್ಲೆಯಿಂದಾಗಿ ಮೋಹನ್ ತೀವ್ರವಾಗಿ ಗಾಯಗೊಂಡು ಅಸ್ವಸ್ಥನಾಗಿದ್ದ. ಆತನ ಮೇಲೆ ಹಲ್ಲೆ ನಡೆಸಿ ನಡೆಸಿ ಸುಸ್ತಾದ ಆರೋಪಿಗಳು, ಈತ ಇನ್ನು ಬದುಕುಳಿಯುವುದಿಲ್ಲ, ಸತ್ತೇ ಹೋಗಿದ್ದಾನೆ ಎಂದುಕೊಂಡಿದ್ದಾರೆ. ಹಾಗಾಗಿ ಆತನನ್ನು ಅಲ್ಲೇ ರಸ್ತೆ ಬದಿಯಲ್ಲಿ ಬಿಸಾಕಿ ಪರಾರಿಯಾಗಿದ್ದಾರೆ.

ಆದರೆ ವಿಧಿ ಆತನನ್ನು ಕೈಬಿಡಲಿಲ್ಲ. ಪವಾಡ ಎಂಬಂತೆ ಮೋಹನ್ ಪ್ರಾಣಾಪಾಯದಿಂದ ಪಾರಾದ. ಸ್ವಲ್ಪ ಪ್ರಜ್ಞೆ ಬಂದ ಬಳಿಕ ಹೇಗೋ ಕಷ್ಟಪಟ್ಟುಕೊಂಡು ಸ್ವತಃ ತಾನೇ ಆಸ್ಪತ್ರೆಗೆ ತೆರಳಿ ಚಿಕಿತ್ಸೆ ಪಡೆದುಕೊಂಡಿದ್ದಾನೆ. ತನ್ನ ಜೀವ ಉಳಿಸಿಕೊಳ್ಳಲು ಹೋರಾಡಿದ ಆ ಬಡ ಜೀವದ ಧೈರ್ಯ ನಿಜಕ್ಕೂ ಮೆಚ್ಚುವಂಥದ್ದು.

ಪೊಲೀಸರ ಎಂಟ್ರಿ, ಮೂವರ ಬಂಧನ
ಈ ಸಂಬಂಧ ಜೀವನ್ ಭೀಮಾನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗುತ್ತಿದ್ದಂತೆ ಪೊಲೀಸರು ಎಚ್ಚೆತ್ತುಕೊಂಡಿದ್ದಾರೆ. ಪ್ರಕರಣ ಗಂಭೀರತೆಯನ್ನು ಅರಿತ ಪೊಲೀಸರು ತನಿಖೆ ತೀವ್ರಗೊಳಿಸಿ, ಕೃತ್ಯದ ಪ್ರಮುಖ ಆರೋಪಿ ಶ್ರೀನಿವಾಸ್ ಸೇರಿದಂತೆ ಮೂವರನ್ನು ಈಗಾಗಲೇ ಬಂಧಿಸಿ ಜೈಲಿಗಟ್ಟಿದ್ದಾರೆ. ಇನ್ನು ಈ ಕೃತ್ಯದಲ್ಲಿ ಭಾಗಿಯಾಗಿದ್ದ ಮತ್ತೊಬ್ಬ ತಲೆಮರೆಸಿಕೊಂಡಿರುವ ಆರೋಪಿಗಾಗಿ ಪೊಲೀಸರು ತೀವ್ರ ಶೋಧ ಮುಂದುವರಿಸಿದ್ದಾರೆ.

ಅದೇನೇ ಹೇಳಿ, ದುಡಿದ ಬೆವರಿನ ಹಣವನ್ನು ಕೇಳಿದ್ದಕ್ಕೆ ನೇರವಾಗಿ ಕೊಲೆ ಮಾಡುವ ಹಂತಕ್ಕೇ ಹೋಗ್ತಾರೆ ಅಂದ್ರೆ ಇಂದಿನ ದಿನಗಳಲ್ಲಿ ಅಪರಾಧಿಗಳಿಗೆ ಕಾನೂನಿನ ಭಯ, ಪೊಲೀಸರ ಕೃತ್ಯದ ಅಂಜಿಕೆ ಸ್ವಲ್ಪವೂ ಇಲ್ಲದಂತಾಗಿದೆ ಎಂಬ ಗಂಭೀರ ಅನುಮಾನ ಸಾಮಾನ್ಯ ಜನರಲ್ಲಿ ಮೂಡುವುದು ಖಂಡಿತ. ದುಡಿದ ಹಣ ಕೊಡದೆ ವಂಚಿಸುವುದು ಮಾತ್ರವಲ್ಲದೆ, ಕೇಳಿದ್ದಕ್ಕೆ ಪ್ರಾಣ ತೆಗೆಯಲು ಹೊರಡುವ ಇಂತಹ ಕ್ರೂರಿಗಳಿಗೆ ಕಠಿಣ ಶಿಕ್ಷೆಯಾಗಬೇಕು ಎಂಬುದು ಸಾರ್ವಜನಿಕರ ಒತ್ತಾಯವಾಗಿದೆ.

Add Zee News as a Preferred Source
TAGS:
Kannada News