ಬೆಂಗಳೂರಿಗರಿಗೆ ಮುಗಿಯದ ಮಳೆ ಕಂಟಕ: ಇನ್ನೂ ಕೆಲವು ದಿನ ಭಾರಿ ಮಳೆಯ ಮುನ್ಸೂಚನೆ ನೀಡಿದ ಹವಾಮಾನ ಇಲಾಖೆ!

ಬಂಗಾಳಕೊಲ್ಲಿಯಲ್ಲಿ ಉಂಟಾದ ವಾಯುಭಾರ ಕುಸಿತದ ಎಫೆಕ್ಟ್‌ಗೆ ನಮ್ಮ ಸಿಲಿಕಾನ್ ಸಿಟಿಯಲ್ಲಿ ರಾತ್ರಿಯಿಡೀ ಮಳೆರಾಯ ಸಕ್ಕತ್ ಸೌಂಡ್‌ ಮಾಡಿದ್ದಾನೆ..ನಿನ್ನೆ ರಾತ್ರಿಯಿಂದ ಶುರುವಾದ ಗುಡುಗು ಸಹಿತ ಭಾರಿ ಮಳೆ, ಬೆಳಗಿನವರೆಗೂ ನಿಲ್ಲದೇ ನಮ್ಮ ಬೆಂಗಳೂರು ಜನರನ್ನು ಅಕ್ಷರಶಃ ನಡುಗಿಸಿಬಿಟ್ಟಿದೆ. ಯಾವೆಲ್ಲಾ ಏರಿಯಾದಲ್ಲಿ ಹೇಗಿದೆ ಪರಿಸ್ಥಿತಿ? ಈ ವರದಿ ನೋಡಿ....

ಬಂಗಾಳಕೊಲ್ಲಿಯ ವಾಯುಭಾರ ಕುಸಿತದ ಪರಿಣಾಮ ಬೆಂಗಳೂರು ನಗರದಲ್ಲಿ ವರುಣ ದೇವ ತನ್ನ ಅಬ್ಬರ ತೋರಿಸಿದ್ದಾನೆ. ನಿನ್ನೆ ರಾತ್ರಿಯಿಂದ ಶುರುವಾದ ಜಡಿಮಳೆ ಹಾಗೂ ಗುಡುಗು ಸಹಿತ ಮಳೆಯ ಆರ್ಭಟ  ಮಾರ್ನಿಂಗ್ ವರೆಗೂ ಕಂಟಿನ್ಯೂ ಆಗಿದೆ. ರಾಜಧಾನಿಯಾದ್ಯಂತ ಮೋಡಕವಿದ ವಾತಾವರಣವಿದ್ದು, ನವಿಲು ಕತ್ತಲಲ್ಲಿ ಸಿಟಿ ಮೈಮರೆತು ಮಲಗಿದ್ದಾಗ ಮಳೆರಾಯ ಸಕ್ಕತ್ ಸೌಂಡ್‌ ಬಾಕ್ಸ್ ಬಜಾಯಿಸಿದ್ದಾನೆ..

ಸಿಟಿಯ ಹೈಫೈ ಏರಿಯಾಗಳಿಂದ ಹಿಡಿದು ಲೋಕಲ್ ಕಡೆಗಳವರೆಗೂ ಮಳೆರಾಯ ಸಖತ್ ಬ್ಯಾಟಿಂಗ್ ಮಾಡಿದ್ದಾನೆ. ನಿರ್ದಿಷ್ಟವಾಗಿ ಶಾಂತಿನಗರ, ವಸಂತನಗರ, ಕಾರ್ಪೊರೇಷನ್ ಸರ್ಕಲ್, ಮೆಜೆಸ್ಟಿಕ್, ಕೋರಮಂಗಲ, ಸಿಟಿ ಮಾರ್ಕೆಟ್, ಮಲ್ಲೇಶ್ವರಂ, ಯಶವಂತಪುರ, ಜಯನಗರ, ವಿಜಯನಗರ, ಜೆ.ಪಿ. ನಗರ, ರಾಜಾಜಿನಗರ, ಚಂದ್ರಾಲೇಔಟ್, ನಾಗರಬಾವಿ, ಸುಂಕದಕಟ್ಟೆ, ಕಾಮಾಕ್ಷಿಪಾಳ್ಯ, ಬಸವೇಶ್ವರನಗರ ಹಾಗೂ ಹೆಬ್ಬಾಳ ಸೇರಿದಂತೆ ಸಿಟಿಯ ಮೂಲೆ ಮೂಲೆಯಲ್ಲೂ ಮಳೆ ಸುರಿದಿದೆ.ಪಣತ್ತೂರು ಬಳಿ ಅಂಡರ್ ಪಾಸ್ ನಲ್ಲಿ ಜಲ ದಿಂಗ್ಬದನವಾಗಿ ವಾಹನ ಸವಾರರು ಪರದಾಡೊ ಪರಿಸ್ಥಿತಿ ನಿರ್ಮಾಣವಾಗಿತ್ತು...ಇನ್ನೂ ಎಲೆಕ್ಟ್ರಾನಿಕ್ ಸಿಟಿಯ ಡ್ಯಾಡೀಸ್ ಗಾರ್ಡನ್ ಲೇ ಔಟ್ನಲ್ಲಿ ಕಾರು ನಡು ರಸ್ತೆಯಲ್ಲಿ ಕುಸಿದು ರಾಜಧಾನಿಯ ರಸ್ತೆಯ ದುಸ್ಥಿತಿ ಬಗ್ಗೆ ದಿವ್ಯ ದರ್ಶನ ತೋರಿದೆ...HSR ಲೇ ಔಟ್ನ ಅಗರದಲ್ಲಿ ಬೃಹತ್ ಮರ ಧರಶಾಹಿಯಾಗಿ ಸಂಚಾರಕ್ಕೆ ಅಡಚಣೆ ಉಂಟು ಮಾಡಿತ್ತು

ಮಳೆಯೆಂದರೆ ನಮಗೆ ಖುಷಿನೇ, ಆದ್ರೆ ಈ ರಸ್ತೆಗಳ ಕಥೆ ನೋಡಿದ್ರೆ ತಲೆ ಮೇಲೆ ಕೈಹೊತ್ಕೊಳ್ಳಬೇಕು ಅಷ್ಟೇ...ರಸ್ತೆಗಳಲ್ಲೆಲ್ಲಾ ಮಳೆ ನೀರು ಕೆರೆಯಂತೆ ನಿಂತುಹೋಗಿದ್ದು, ಬೆಳಿಗ್ಗೆ ಆಫೀಸ್‌ಗೆ, ಕಾಲೇಜಿಗೆ ಹೊರಟ ವಾಹನ ಸವಾರರು ಮತ್ತು ಜನಸಾಮಾನ್ಯರು ಸಕ್ಕತ್ ಪರದಾಡಬೇಕಾಗಿ ಬಂದಿದೆ. ಟ್ರಾಫಿಕ್ ಜಾಮ್ ಬೇರೆ ಕಿರಿಕಿರಿ ಉಂಟುಮಾಡಿದ್ದು, ಜನ ಜೀವನ ಸಂಪೂರ್ಣ ಅಸ್ತವ್ಯಸ್ತವಾಗಿದೆ...ಇನ್ನೂ ವಾರಗಳ ಕಾಲ ಮಳೆರಾಯ ಅಬ್ಬರಿಸಲಿದ್ದಾನೆ ಭಾರತೀಯ ಹವಮಾನ ಇಲಾಖೆ ಮುನ್ಸೂಚನೆ ನೀಡಿದೆ.

ಒಟ್ಟಿನಲ್ಲಿ, ಬಂಗಾಳಕೊಲ್ಲಿಯ ವಾಯುಭಾರ ಕುಸಿತದ ಈ ಮಳೆ ಬೆಂಗಳೂರಿಗರಿಗೆ ಕೂಲ್ ವೆದರ್ ಕೊಟ್ರೂ, ಮಳೆಗೆ ಟ್ರಾಫಿಕ್ ಹಾಗೂ ನೀರು ನಿಲ್ಲುವ ಸಮಸ್ಯೆಗಳಿಂದ ಮತ್ತೊಮ್ಮೆ ನರಕ ದರ್ಶನ ಮಾಡಿಸಿದೆ.