ಖಾಲಿ ಚೊಂಬು, ಹಣೆಗೆ ನಾಮ: ಕಾಂಗ್ರೆಸ್ ಸರ್ಕಾರಕ್ಕೆ 'ಭಿಕ್ಷೆಯ ಹಣ' ಕಳುಹಿಸಿ ರೈತರ ವಿನೂತನ ಪ್ರತಿಭಟನೆ

ಬೆಂಗಳೂರು : ಧಿಕ್ಕಾರ.. ಧಿಕ್ಕಾರ.. ರಾಜ್ಯ ಸರ್ಕಾರದ ವಿರುದ್ಧ ದಿಕ್ಕಾರ... ಹೀಗೆ ರೈತರ ಆಕ್ರೋಶಕ್ಕೆ ಕಾರಣವಾಗಿದ್ದು, ರಾಜ್ಯ ಸರ್ಕಾರದ ಬರ ಪರಿಹಾರ ಘೋಷಣೆ.. ಅಧಿವೇಶನದಲ್ಲಿ ಡಿಸಿಎಂ ಪರಮೇಶ್ವರ್‌ ಅವರು ರಾಜ್ಯದ ರೈತರಿಗೆ ಬರ ಪರಿಹಾರವಾಗಿ, ಸರ್ಕಾರದಿಂದ 2,500 ನೀಡಲಾಗುತ್ತೆ ಅಂತ ಘೋಷಣೆ ಮಾಡಿದ್ರು.. ಆದ್ರೆ ಕಾಂಗ್ರೆಸ್‌ ಸರ್ಕಾರ ಘೋಷಿಸಿದ ಬರ ಪರಿಹಾರದ ವಿರುದ್ಧ ಅನ್ನದಾತರು ಸಿಡಿದೆದ್ದಿದ್ದಾರೆ.. ಅಧಿವೇಶನ ನಡೆಸಿ ಭಿಕ್ಷೆ ರೀತಿಯಲ್ಲಿ ಬರ ಪರಿಹಾರ ಘೋಷಣೆ ಮಾಡ್ಲಾಗಿದೆ ಅಂತ, ರೈತರು ಪ್ರತಿಭಟನೆ ಮಾಡಿದ್ದಾರೆ..

ಹಣೆಗೆ ನಾಮ... ಕೈಯಲ್ಲಿ ಖಾಲಿ ಚೊಂಬು... ಹೀಗೆ ಮಂಡ್ಯದಲ್ಲಿ ಸರ್ಕಾರದ 2,500 ರೂಪಾಯಿ ಬರ ಪರಿಹಾರದ ವಿರುದ್ಧ ರೈತರು ಸಿಡಿದೆದ್ದರು.. ಬಿಡಿಗಾಸಿನ ಪರಿಹಾರಕ್ಕೆ ಆಕ್ರೋಶಗೊಂಡ ರೈತರು, ಮದ್ದೂರಿನ ಕೊಪ್ಪ ವೃತ್ತದಲ್ಲಿ ಭಿಕ್ಷೆ ಬೇಡುವ ಮೂಲಕ ಸರ್ಕಾರದ ವಿರುದ್ಧ ಆಕ್ರೋಶ ಹೊರಹಾಕಿದ್ರು.. ರೈತರೇ ಭಿಕ್ಷೆ ಬೇಡಿ ಕಾಂಗ್ರೆಸ್‌ ಸರ್ಕಾರಕ್ಕೆ ಹಣ ಕಳುಹಿಸಿ ವಿನೂತನವಾಗಿ ಪ್ರತಿಭಟನೆ ಮಾಡಿದ್ರು...

ಇತ್ತ ಚಾಮರಾಜನಗರದಲ್ಲೂ 2,500 ರೂಪಾಯಿ ಬರ ಪರಿಹಾರ ಘೋಷಣೆ ಖಂಡಿಸಿ ಪ್ರತಿಭಟನೆ ಮಾಡಲಾಯ್ತು... ಕಬ್ಬು ಬೆಳೆಗಾರರ ಸಂಘದಿಂದ ರಾಷ್ಟ್ರೀಯ  ಹೆದ್ದಾರಿ ತಡೆದು, ರಾಜ್ಯ ಸರ್ಕಾರ ಪರಿಹಾರ ರೈತನ ಮೂಗಿಗೆ ತುಪ್ಪ ಸವರಿದಂತಿದೆ..ಎಕರೆಗೆ 50 ಸಾವಿರ ರೂಪಾಯಿ ಪರಿಹಾರ ನೀಡಬೇಕು...ಬೆಳೆ ಸಾಲಮನ್ನಾ ಮಾಡಬೇಕು ಅಂತ ರೈತರು ಆಗ್ರಹಿಸಿದ್ರು...

ಇನ್ನು ನಾನು ಎರಡು ಸಲ ಸಿಎಂ ಆದಾಗಲೂ ಕೇಂದ್ರದ ಬಳಿ ಕೈ ಚಾಚಲಿಲ್ಲ. ಆದ್ರೆ ಕಾಂಗ್ರೆಸ್‌ ಸರ್ಕಾರ ರೈತರಿಗೆ ಎರಡೂವರೆ ಸಾವಿರ ಸಬ್ಸಿಡಿ ಕೊಟ್ಟು, ಈಗ ಕೇಂದ್ರದ ಮುಂದೆ ಕೇಳುತ್ತಿದೆ ಅಂತ ಕೇಂದ್ರ ಸಚಿವ ಹೆಚ್‌ಡಿ ಕುಮಾರಸ್ವಾಮಿ ವಾಗ್ದಾಳಿ ನಡೆಸಿದ್ದಾರೆ.. ಒಟ್ಟಾರೆ, ಸರ್ಕಾರದ ವಿರುದ್ಧ ರೈತರ ಹೋರಾಟ ತಾರಕಕ್ಕೇರಿದೆ.. ಕೇವಲ 2,500 ರೂಪಾಯಿ ಬರ ಪರಿಹಾರದ ವಿರುದ್ಧ ಸಿಡಿದೆದ್ದಿರುವ ರೈತರು, ಹೆಚ್ಚಿನ ಪರಿಹಾರದ ನಿರೀಕ್ಷೆಯಲ್ಲಿದ್ದಾರೆ...