‘ದಿ ಪ್ಯಾರಡೈಸ್’ ಬಗ್ಗೆ ನೆಗೆಟಿವ್ ರಿವ್ಯೂಸ್, ಟ್ರೋಲ್ಸ್..! ನಟ ನಾನಿ ಸಂಚಲನ ಪೋಸ್ಟ್‌

Nani on the Paradise Movie : ಕೌಟುಂಬಿಕ ಹಾಗೂ 'ಲವ್ವರ್ ಬಾಯ್' ಪಾತ್ರಗಳ ಮೂಲಕ ಪ್ರೇಕ್ಷಕರ ಮನ ಗೆದ್ದಿದ್ದ ತೆಲುಗಿನ ಸ್ಟಾರ್ ನಟ ನಾನಿ, ಇತ್ತೀಚೆಗೆ ಬಿಡುಗಡೆಯಾದ ‘ದಿ ಪ್ಯಾರಡೈಸ್’ ಸಿನಿಮಾದಲ್ಲಿ ಪಕ್ಕಾ ಆಕ್ಷನ್ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಶರ್ಟ್‌ಲೆಸ್ ಆಗಿ, ಎರಡು ಜಡೆ ಹೆಣೆದುಕೊಂಡ ವಿಭಿನ್ನ ಲುಕ್‌ನಲ್ಲಿ ಅಬ್ಬರಿಸಿರುವ ನಾನಿ ಅವರ ಈ ಸಿನಿಮಾ, ವಿಪರೀತ ಹಿಂಸೆ ಮತ್ತು ಆಕ್ಷನ್ ದೃಶ್ಯಗಳಿಂದ ಕೂಡಿದೆ. ಆದರೆ, ಪ್ರೇಕ್ಷಕರಿಂದ ಈ ಚಿತ್ರಕ್ಕೆ ನಿರೀಕ್ಷಿತ ಮಟ್ಟದ ಬೆಂಬಲ ಸಿಕ್ಕಿಲ್ಲ.

ಚಿತ್ರದಲ್ಲಿದ್ದ ಅತಿಯಾದ ಹಿಂಸಾಚಾರ ಹಾಗೂ ಅನಗತ್ಯ ಆಕ್ಷನ್ ದೃಶ್ಯಗಳ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಟೀಕೆಗಳು ವ್ಯಕ್ತವಾಗಿದ್ದು, ಆನ್‌ಲೈನ್‌ನಲ್ಲಿ ಭಾರೀ ಟ್ರೋಲ್ ಮಾಡಲಾಗಿದೆ. ನಾನಿ ಅಭಿನಯದ ಇತ್ತೀಚಿನ ಯಾವುದೇ ಚಿತ್ರಕ್ಕೂ ಬರದ ರೀತಿಯಲ್ಲಿ ಈ ಸಿನಿಮಾಗೆ ಋಣಾತ್ಮಕ (ನೆಗೆಟಿವ್) ವಿಮರ್ಶೆಗಳು ಬಂದಿವೆ.

I have seen all your reactions and responses. I’ve received all your love and equally enjoyed your hilarious trolls. I’m heartwarmed by the way audience have owned the film, and also learnt from the flaws that critics and reviewers have pointed out.

Thank you for everything is…

— Nani (@NameisNani) September 25, 2026

 ನೆಗೆಟಿವ್ ಟೀಕೆಗಳಿಗೆ ನಾನಿ ನೀಡಿದ ಉತ್ತರ: "ನಿಮ್ಮ ಎಲ್ಲಾ ಪ್ರತಿಕ್ರಿಯೆಗಳು ಮತ್ತು ಅಭಿಪ್ರಾಯಗಳನ್ನು ನಾನು ಗಮನಿಸಿದ್ದೇನೆ. ನಿಮ್ಮ ಪ್ರೀತಿಯನ್ನು ಸ್ವೀಕರಿಸಿದ್ದೇನೆ ಹಾಗೂ ನಿಮ್ಮ ತಮಾಷೆಯ ಟ್ರೋಲ್‌ಗಳನ್ನು ಸಹ ಆನಂದಿಸಿದ್ದೇನೆ. ಪ್ರೇಕ್ಷಕರು ಈ ಚಿತ್ರವನ್ನು ತಮ್ಮದೆಂದು ಭಾವಿಸಿ ಸ್ವೀಕರಿಸಿರುವುದು ನನಗೆ ಸಂತಸ ತಂದಿದೆ. ಹಾಗೆಯೇ, ವಿಮರ್ಶಕರು ಎತ್ತಿ ತೋರಿಸಿದ ಲೋಪದೋಷಗಳಿಂದಲೂ ನಾನು ಪಾಠ ಕಲಿತಿದ್ದೇನೆ. ಎಲ್ಲಕ್ಕೂ ನನ್ನ ಧನ್ಯವಾದಗಳು.

ನಿಮಗೆ ಒಂದು ವಿಶಿಷ್ಟ ಸಿನಿಮಾ ಅನುಭವ ನೀಡುವ ಉದ್ದೇಶದಿಂದ ನಾವೆಲ್ಲರೂ ಅಪಾರ ಶ್ರಮವಹಿಸಿ ‘ದಿ ಪ್ಯಾರಡೈಸ್’ ಚಿತ್ರವನ್ನು ರೂಪಿಸಿದ್ದೇವೆ. ಇದನ್ನು ಸಂಭ್ರಮಿಸುವುದು ಅಥವಾ ಇದರ ಬಗ್ಗೆ ತೀರ್ಪು ನೀಡುವುದು ಈಗ ಸಂಪೂರ್ಣವಾಗಿ ನಿಮ್ಮ ಕೈಯಲ್ಲಿದೆ. ಈ ಚಿತ್ರದ ಬಗ್ಗೆ ನೀವು ತೋರಿದ ಉತ್ಸಾಹ ಮತ್ತು ನನ್ನ ಮೇಲಿಟ್ಟಿರುವ ಪ್ರೀತಿಗೆ ನಾನು ಸದಾ ಕೃತಜ್ಞ" ಎಂದು ಬರೆದುಕೊಂಡಿದ್ದಾರೆ.

ಶ್ರೀಕಾಂತ್ ಒಡೆಲ ನಿರ್ದೇಶನದ ಈ ಚಿತ್ರದಲ್ಲಿ ನಾನಿಗೆ ಜೋಡಿಯಾಗಿ ಖಯಾದು ಲೋಹರ್ ನಟಿಸಿದ್ದರೆ, ಪ್ರಮುಖ ಖಳನಾಯಕರ ಪಾತ್ರಗಳಲ್ಲಿ ಹಿರಿಯ ನಟ ಮೋಹನ್‌ಬಾಬು ಹಾಗೂ ಬಾಲಿವುಡ್ ನಟ ರಾಘವ್ ಜುರೆಲ್ ಕಾಣಿಸಿಕೊಂಡಿದ್ದಾರೆ.