ಒಮ್ಮೆ ಹೂಡಿಕೆ, ಜೀವನಪೂರ್ತಿ ತಿಂಗಳಿಗೆ ₹25,088 ಪಿಂಚಣಿ! ಈ ಯೋಜನೆ ಯಾವುದು ಗೊತ್ತಾ?

LIC Smart Pension: ನಿವೃತ್ತಿಯ ಬಳಿಕವೂ ಪ್ರತಿ ತಿಂಗಳು ಸ್ಥಿರ ಆದಾಯ ಬರಬೇಕು ಎಂಬುದು ಹಲವರ ಆಶಯ. ಈ ಹಿನ್ನೆಲೆಯಲ್ಲಿ ಒಂದೇ ಬಾರಿ ಹಣ ಹೂಡಿಕೆ ಮಾಡಿ, ನಂತರ ನಿಯಮಿತವಾಗಿ ಆನ್ಯುಟಿ (Annuity) ಆದಾಯ ಪಡೆಯುವ ಅವಕಾಶ ನೀಡುವ LIC Smart Pension ಯೋಜನೆ ಗಮನ ಸೆಳೆಯುತ್ತಿದೆ. ಇದು LICಯ Single Premium Immediate Annuity Plan ಆಗಿದ್ದು, ಪಾಲಿಸಿ ಆರಂಭಿಸುವಾಗ ಒಮ್ಮೆ ಪ್ರೀಮಿಯಂ ಪಾವತಿಸಿದ ಬಳಿಕ ಆಯ್ಕೆ ಮಾಡಿಕೊಂಡ ಆನ್ಯುಟಿ ಆಯ್ಕೆಯಂತೆ ಪಿಂಚಣಿ ಪಡೆಯಬಹುದು.

ಒಮ್ಮೆ ಪ್ರೀಮಿಯಂ ಪಾವತಿ

ಈ ಯೋಜನೆಯ ಪ್ರಮುಖ ವೈಶಿಷ್ಟ್ಯವೆಂದರೆ ಮಾಸಿಕ ಅಥವಾ ವಾರ್ಷಿಕವಾಗಿ ನಿರಂತರ ಪ್ರೀಮಿಯಂ ಪಾವತಿಸುವ ಅಗತ್ಯವಿಲ್ಲ. ಬದಲಾಗಿ ಪಾಲಿಸಿ ಖರೀದಿಸುವ ಸಂದರ್ಭದಲ್ಲಿ ಒಂದೇ ಬಾರಿಗೆ Single Premium ಪಾವತಿಸಬೇಕು. ನಂತರ ಆಯ್ಕೆ ಮಾಡಿಕೊಂಡಿರುವ ಆನ್ಯುಟಿ ಆಯ್ಕೆ ಮತ್ತು ಪಾವತಿ ವಿಧಾನಕ್ಕೆ ಅನುಗುಣವಾಗಿ ನಿಯಮಿತ ಆದಾಯ ಪಡೆಯುವ ವ್ಯವಸ್ಥೆ ಇದೆ. LIC ಪ್ರಕಾರ, Smart Pension ಯೋಜನೆಯಲ್ಲಿ ಕನಿಷ್ಠ ಪ್ರವೇಶ ವಯಸ್ಸು 18 ವರ್ಷವಾಗಿದ್ದು, ಆಯ್ಕೆ ಮಾಡಿಕೊಂಡ ಆನ್ಯುಟಿ ಆಯ್ಕೆಯ ಆಧಾರದ ಮೇಲೆ ಗರಿಷ್ಠ ವಯಸ್ಸು 65ರಿಂದ 100 ವರ್ಷಗಳವರೆಗೆ ಬದಲಾಗುತ್ತದೆ.  

₹32 ಲಕ್ಷ ಹೂಡಿಕೆಗೆ ₹25,088 ಪಿಂಚಣಿ?

ಈ ಯೋಜನೆಯಲ್ಲಿ 60 ವರ್ಷದ ವ್ಯಕ್ತಿಯೊಬ್ಬರು ₹32 ಲಕ್ಷ ಹೂಡಿಕೆ ಮಾಡಿದರೆ ವರ್ಷಕ್ಕೆ ಸುಮಾರು ₹3,01,056 ಆನ್ಯುಟಿ ದೊರೆಯಬಹುದು. ಇದನ್ನ 12 ತಿಂಗಳಿಗೆ ಹಂಚಿದರೆ ತಿಂಗಳಿಗೆ ಸುಮಾರು ₹25,088 ಆಗುತ್ತದೆ. ಆದರೆ ಇದು ಒಂದು ನಿರ್ದಿಷ್ಟ ಉದಾಹರಣೆಯ ಲೆಕ್ಕಾಚಾರ ಮಾತ್ರ. ಪ್ರತಿಯೊಬ್ಬ ಹೂಡಿಕೆದಾರರಿಗೂ ₹32 ಲಕ್ಷ ಹೂಡಿಕೆಗೆ ಇದೇ ₹25,088 ಪಿಂಚಣಿ ಸಿಗುತ್ತದೆ ಎಂದು ಅರ್ಥವಲ್ಲ. ವಯಸ್ಸು, ಹೂಡಿಕೆ ಮೊತ್ತ, ಆಯ್ಕೆ ಮಾಡಿರುವ ಆನ್ಯುಟಿ ಆಯ್ಕೆ, Single Life ಅಥವಾ Joint Life ಸೇರಿದಂತೆ ಹಲವು ಅಂಶಗಳ ಆಧಾರದ ಮೇಲೆ ಅಂತಿಮ ಆನ್ಯುಟಿ ಮೊತ್ತ ಬದಲಾಗಬಹುದು.

Single Life, Joint Life ಆಯ್ಕೆ

Smart Pensionನಲ್ಲಿ Single Life ಜೊತೆಗೆ Joint Life Annuity ಆಯ್ಕೆಯೂ ಇದೆ. ಹೀಗಾಗಿ ದಂಪತಿ ಒಟ್ಟಾಗಿ ನಿವೃತ್ತಿ ಆದಾಯ ಯೋಜಿಸಿಕೊಳ್ಳಲು Joint Life ಆಯ್ಕೆಯನ್ನ ಪರಿಗಣಿಸಬಹುದು. ಆದರೆ ಪ್ರತಿ ಆಯ್ಕೆಯಲ್ಲೂ ಪಿಂಚಣಿ ಮೊತ್ತ ಮತ್ತು ಮರಣದ ನಂತರದ ಪ್ರಯೋಜನಗಳ ನಿಯಮಗಳು ವಿಭಿನ್ನವಾಗಿರಬಹುದು. LIC ಅಧಿಕೃತ ಮಾಹಿತಿಯ ಪ್ರಕಾರ, Smart Pensionನಲ್ಲಿ ಹಲವು ಆನ್ಯುಟಿ ಆಯ್ಕೆಗಳಿವೆ. ಕೆಲವು ಆಯ್ಕೆಗಳಲ್ಲಿ ಜೀವಿತಾವಧಿಯ ಆನ್ಯುಟಿ, ಕೆಲವು ಆಯ್ಕೆಗಳಲ್ಲಿ ನಿರ್ದಿಷ್ಟ ಅವಧಿಗೆ ಖಚಿತ ಪಾವತಿ ಬಳಿಕ ಜೀವನಪೂರ್ತಿ ಆನ್ಯುಟಿ ಸೇರಿದಂತೆ ವಿವಿಧ ವ್ಯವಸ್ಥೆಗಳಿವೆ.  

ಮಾರುಕಟ್ಟೆ ಏರಿಳಿತಕ್ಕೆ ನೇರ ಸಂಬಂಧವಿಲ್ಲ

ಇದು ಷೇರು ಮಾರುಕಟ್ಟೆ ಆಧಾರಿತ ULIP ಯೋಜನೆಯಲ್ಲ. LIC ಇದನ್ನ Non-Par, Non-Linked, Immediate Annuity Plan ಎಂದು ವಿವರಿಸಿದೆ. ಹೀಗಾಗಿ ಷೇರು ಮಾರುಕಟ್ಟೆಯ ದೈನಂದಿನ ಏರಿಳಿತದ ಆಧಾರದ ಮೇಲೆ ಪಿಂಚಣಿ ಮೊತ್ತ ನೇರವಾಗಿ ಬದಲಾಗುವ ಮಾದರಿಯ ಹೂಡಿಕೆ ಇದಲ್ಲ. 

ಹೂಡಿಕೆಗೂ ಮುನ್ನ ನಿಯಮ ತಿಳಿಯಿರಿ

ಆನ್ಯುಟಿ ಯೋಜನೆಗಳಲ್ಲಿ ಮುಖ್ಯವಾಗಿ ಗಮನಿಸಬೇಕಾದ ಅಂಶವೆಂದರೆ ನೀವು ಆಯ್ಕೆ ಮಾಡುವ ಆನ್ಯುಟಿ ಆಯ್ಕೆ. ಪಾಲಿಸಿದಾರರ ಮರಣದ ಬಳಿಕ ನಾಮಿನಿಗೆ ಏನು ಸಿಗುತ್ತದೆ, ಖರೀದಿ ಮೊತ್ತ ಹಿಂದಿರುಗುತ್ತದೆಯೇ, ಸಂಗಾತಿಗೆ ಪಿಂಚಣಿ ಮುಂದುವರಿಯುತ್ತದೆಯೇ ಎಂಬುದು ಆಯ್ಕೆ ಮಾಡಿಕೊಂಡಿರುವ ಆಯ್ಕೆಯ ಮೇಲೆ ಅವಲಂಬಿತವಾಗಿರಬಹುದು. ಆದ್ದರಿಂದ ₹32 ಲಕ್ಷ ಹೂಡಿಕೆಗೆ ₹25,088 ಮಾಸಿಕ ಪಿಂಚಣಿ ಎಂಬ ಉದಾಹರಣೆಯನ್ನ ಖಚಿತ ಆದಾಯವೆಂದು ಪರಿಗಣಿಸಬಾರದು. 

ನಿಖರವಾದ ಆನ್ಯುಟಿ ಮೊತ್ತವನ್ನ ಪಾಲಿಸಿ ಖರೀದಿಸುವ ಸಮಯದಲ್ಲಿ LIC ನೀಡುವ ಅಧಿಕೃತ quotation ಹಾಗೂ ಪಾಲಿಸಿ ದಾಖಲೆಗಳ ಆಧಾರದ ಮೇಲೆ ಪರಿಶೀಲಿಸಬೇಕು. ನಿವೃತ್ತಿಯ ಬಳಿಕ ನಿಯಮಿತ ಆದಾಯ ಬಯಸುವವರು LIC Smart Pensionನ ವಿವಿಧ ಆಯ್ಕೆಗಳನ್ನ ಪರಿಶೀಲಿಸಬಹುದು. ಆದರೆ ಹೂಡಿಕೆ ಮಾಡುವ ಮೊದಲು ಆನ್ಯುಟಿ ದರ, ಮರಣದ ನಂತರದ ಪ್ರಯೋಜನ, ತೆರಿಗೆ, ಹಣ ಹಿಂಪಡೆಯುವಿಕೆ ಹಾಗೂ ಇತರ ಅನ್ವಯಿಸುವ ನಿಯಮಗಳನ್ನ ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳುವುದು ಮುಖ್ಯ.

(ಗಮನಿಸಿರಿ: ಈ ಲೇಖನವನ್ನು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಬರೆಯಲಾಗಿದೆ. ಯಾವುದೇ ರೀತಿಯ ಹೂಡಿಕೆ ಮಾಡುವ ಮೊದಲು ಅಥವಾ ಯಾವುದೇ ಹಣಕಾಸಿನ ಅಪಾಯವನ್ನು ತೆಗೆದುಕೊಳ್ಳುವ ಮೊದಲು ನಿಮ್ಮ ಹಣಕಾಸು ಸಲಹೆಗಾರರನ್ನು ಸಂಪರ್ಕಿಸಿ. ಯಾವುದೇ ರೀತಿಯ ಅಪಾಯಕ್ಕೆ Zee Kannada News ಜವಾಬ್ದಾರನಾಗಿರುವುದಿಲ್ಲ.)