SOCIAL MEDIA

Newsletter

PARTNER SITES
Select Language Select State

ಇಂದಿನ ಅಡಿಕೆ ಧಾರಣೆ: ರಾಜ್ಯದ ಪ್ರಮುಖ ಎಪಿಎಂಸಿಗಳಲ್ಲಿ ಎಷ್ಟು ಬೆಲೆ? ಇಲ್ಲಿದೆ ಸಂಪೂರ್ಣ ವಿವರ

ಕರ್ನಾಟಕದ ಪ್ರಮುಖ ಎಪಿಎಂಸಿಗಳಲ್ಲಿ ನವೆಂಬರ್ 13ರ ಅಡಿಕೆ ಧಾರಣೆಯಲ್ಲಿ ಮಾರುಕಟ್ಟೆ ಹಾಗೂ ಅಡಿಕೆ ತಳಿಗೆ ಅನುಗುಣವಾಗಿ ವ್ಯತ್ಯಾಸ ಕಂಡುಬಂದಿದೆ. ಚನ್ನಗಿರಿ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಗರಿಷ್ಠ ₹48,201ರವರೆಗೆ ವಹಿವಾಟಾಗಿದ್ದರೆ, ಯಲ್ಲಾಪುರದಲ್ಲಿ ರಾಶಿ ಅಡಿಕೆ ₹51,209ರವರೆಗೆ ಬೆಲೆ ಪಡೆದಿದೆ. ಸಿದ್ದಾಪುರದಲ್ಲಿ ರಾಶಿ ಅಡಿಕೆ ಗರಿಷ್ಠ ₹46,809 ಹಾಗೂ ಬಂಟ್ವಾಳದಲ್ಲಿ ಹಳೆಯ ಅಡಿಕೆ ₹56,000ರವರೆಗೆ ಮಾರಾಟವಾಗಿದೆ.

Written By Puttaraj K Alur
Published: Nov 14, 2026, 10:17 IST | Updated: Nov 14, 2026, 10:25 IST
Image Credit: Arecanut Price Today
Join

Arecanut Price Today: ಕರ್ನಾಟಕದ ಅಡಿಕೆ ಮಾರುಕಟ್ಟೆ ಧಾರಣೆಯ ಮೇಲೆ ರೈತರು ಹಾಗೂ ವ್ಯಾಪಾರಿಗಳ ಗಮನವಿದೆ. ಶಿವಮೊಗ್ಗ, ಚನ್ನಗಿರಿ, ಯಲ್ಲಾಪುರ, ಶಿರಸಿ, ಬಂಟ್ವಾಳ, ಸಾಗರ ಸೇರಿದಂತೆ ಪ್ರಮುಖ ಮಾರುಕಟ್ಟೆಗಳಲ್ಲಿ ಅಡಿಕೆಯ ವಿಧ ಮತ್ತು ಗುಣಮಟ್ಟಕ್ಕೆ ಅನುಗುಣವಾಗಿ ಬೆಲೆಗಳಲ್ಲಿ ವ್ಯತ್ಯಾಸ ಕಂಡುಬರುತ್ತದೆ. ರಾಜ್ಯದ ಕೆಲವು ಮಾರುಕಟ್ಟೆಗಳಲ್ಲಿ ಅಡಿಕೆಗೆ ಉತ್ತಮ ದರವಿದ್ದರೆ, ಇನ್ನು ಕೆಲವು ಮಾರುಕಟ್ಟೆಗಳಲ್ಲಿ ಅಡಿಕೆ ಧಾರಣೆ ಕುಸಿತ ಕಂಡಿದೆ. ಪ್ರತಿದಿನವೂ ಅಡಿಕೆ ಧಾರಣೆಯಲ್ಲಿ ಏರಿಳಿತ ಕಂಡುಬರುತ್ತಿರುತ್ತದೆ. ರಾಜ್ಯದ ಪ್ರಮುಖ ಎಪಿಎಂಸಿಗಳಲ್ಲಿ ಇತ್ತೀಚಿನ ಅಡಿಕೆ ಧಾರಣೆ ಮಾಹಿತಿಯನ್ನ ಇಲ್ಲಿ ನೀಡಲಾಗಿದೆ. 
ರಾಜ್ಯದ ಪ್ರಮುಖ ಎಪಿಎಂಸಿ ಮಾರುಕಟ್ಟೆಗಳ ಅಡಿಕೆ ದರ

ನವೆಂಬರ್ 13ರಂದು ವರದಿಯಾದ ಮಾರುಕಟ್ಟೆವಾರು ಕನಿಷ್ಠ, ಗರಿಷ್ಠ ಮತ್ತು ಪ್ರಚಲಿತ ಧಾರಣೆ ಹೀಗಿದೆ. ಕೆಳಗಿನ ದರಗಳು ಪ್ರತಿ 100 ಕೆ.ಜಿ.ಗೆ ರೂಪಾಯಿಗಳಲ್ಲಿ ಇವೆ.

| ಜಿಲ್ಲೆ / ಮಾರುಕಟ್ಟೆ       | ಅಡಿಕೆ ವಿಧ    | ಕನಿಷ್ಠ ದರ | ಗರಿಷ್ಠ ದರ | ಪ್ರಚಲಿತ ದರ |
| ------------------------ | ------------ | --------- | --------- | ---------- |
| ಚಿಕ್ಕಮಗಳೂರು – ಕಡೂರು      | ರಾಶಿ         | ₹46,500   | ₹47,811   | ₹47,511    |
| ದಕ್ಷಿಣ ಕನ್ನಡ – ಬಂಟ್ವಾಳ   | ಹಳೆ ತಳಿ      | ₹35,000   | ₹56,000   | ₹48,300    |
| ದಕ್ಷಿಣ ಕನ್ನಡ – ಬೆಳ್ತಂಗಡಿ | ಹೊಸ ತಳಿ      | ₹27,000   | ₹47,000   | ₹29,500    |
| ದಕ್ಷಿಣ ಕನ್ನಡ – ಸುಳ್ಯ     | ಹಳೆ ತಳಿ      | ₹37,000   | ₹55,000   | ₹47,000    |
| ದಾವಣಗೆರೆ – ಚನ್ನಗಿರಿ      | ಹೊಸ ರಾಶಿ ಇಡಿ | ₹47,609   | ₹48,201   | ₹47,883    |
| ದಾವಣಗೆರೆ – ಚನ್ನಗಿರಿ      | ರಾಶಿ ಇಡಿ     | ₹40,099   | ₹48,201   | ₹45,263    |
| ದಾವಣಗೆರೆ – ದಾವಣಗೆರೆ      | ರಾಶಿ         | ₹25,227   | ₹25,229   | ₹25,228    |
| ದಾವಣಗೆರೆ – ಹೊನ್ನಾಳಿ      | ಇಡಿ          | ₹21,000   | ₹21,000   | ₹21,000    |
| ಉತ್ತರ ಕನ್ನಡ – ಸಿದ್ದಾಪುರ  | ಚಾಲಿ         | ₹36,500   | ₹42,699   | ₹41,699    |
| ಉತ್ತರ ಕನ್ನಡ – ಸಿದ್ದಾಪುರ  | ರಾಶಿ         | ₹43,899   | ₹46,809   | ₹45,989    |
| ಉತ್ತರ ಕನ್ನಡ – ಯಲ್ಲಾಪುರ   | ಚಾಲಿ         | ₹32,209   | ₹46,609   | ₹45,299    |
| ಉತ್ತರ ಕನ್ನಡ – ಯಲ್ಲಾಪುರ   | ರಾಶಿ         | ₹41,609   | ₹51,209   | ₹48,499    |
| ಉತ್ತರ ಕನ್ನಡ – ಯಲ್ಲಾಪುರ   | ಆಪಿ          | ₹55,695   | ₹55,695   | ₹55,695    |

ಶಿರಸಿ ಮಾರುಕಟ್ಟೆಯ ಅಡಿಕೆ ಧಾರಣೆ

ಉತ್ತರ ಕನ್ನಡ ಜಿಲ್ಲೆಯ ಶಿರಸಿ ಎಪಿಎಂಸಿಯಲ್ಲಿ ವಿವಿಧ ಅಡಿಕೆ ತಳಿಗಳಿಗೆ ವರದಿಯಾದ ದರಗಳು ಹೀಗಿವೆ:

| ಅಡಿಕೆ ವಿಧ | ಕನಿಷ್ಠ ದರ | ಗರಿಷ್ಠ ದರ | ಮಾದರಿ ದರ |
| --------- | --------- | --------- | -------- |
| ಚಾಲಿ      | ₹37,800   | ₹46,556   | ₹41,808  |
| ರಾಶಿ      | ₹40,699   | ₹47,320   | ₹45,468  |
| ಬೆಟ್ಟೆ    | ₹36,399   | ₹44,116   | ₹40,171  |
| ಕೆಂಪುಗೋಟು | ₹24,019   | ₹32,761   | ₹29,441  |

ಮಾರುಕಟ್ಟೆವಾರು ದರದಲ್ಲಿ ವ್ಯತ್ಯಾಸ

ಲಭ್ಯವಿರುವ ದರಪಟ್ಟಿಯನ್ನ ಗಮನಿಸಿದರೆ, ಯಲ್ಲಾಪುರ ಮಾರುಕಟ್ಟೆಯಲ್ಲಿ ಆಪಿ ಅಡಿಕೆಗೆ ₹55,695 ಪ್ರಚಲಿತ ದರ ದಾಖಲಾಗಿದೆ. ಬಂಟ್ವಾಳದಲ್ಲಿ ಹಳೆ ತಳಿಯ ಅಡಿಕೆಗೆ ₹48,300 ಪ್ರಚಲಿತ ದರವಿದೆ. ಚನ್ನಗಿರಿ ಮಾರುಕಟ್ಟೆಯಲ್ಲಿ ಹೊಸ ರಾಶಿ ಇಡಿಗೆ ₹47,883 ಹಾಗೂ ರಾಶಿ ಇಡಿಗೆ ₹45,263 ಪ್ರಚಲಿತ ದರ ವರದಿಯಾಗಿದೆ. ಅದೇ ರೀತಿ ಸಿದ್ದಾಪುರ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆಗೆ ₹45,989 ಮತ್ತು ಚಾಲಿಗೆ ₹41,699 ಪ್ರಚಲಿತ ದರ ದಾಖಲಾಗಿದೆ. ಶಿರಸಿ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆಯ ಮಾದರಿ ದರ ₹45,468 ಆಗಿದೆ. ದಾವಣಗೆರೆ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆಗೆ ₹25,228 ಪ್ರಚಲಿತ ದರ ವರದಿಯಾಗಿದೆ.  

ರೈತರು ಗಮನಿಸಬೇಕಾದ ಅಂಶಗಳು

ಅಡಿಕೆಯ ಬೆಲೆ ಮಾರುಕಟ್ಟೆ, ತಳಿ, ಗುಣಮಟ್ಟ ಮತ್ತು ವಹಿವಾಟಿನ ಪ್ರಮಾಣಕ್ಕೆ ಅನುಗುಣವಾಗಿ ಬದಲಾಗುತ್ತದೆ. ಒಂದೇ ಮಾರುಕಟ್ಟೆಯಲ್ಲಿಯೂ ವಿವಿಧ ತಳಿಗಳಿಗೆ ಬೇರೆ ಬೇರೆ ದರಗಳು ದಾಖಲಾಗುತ್ತವೆ. ಆದ್ದರಿಂದ ರೈತರು ತಮ್ಮ ಅಡಿಕೆಯ ವಿಧಕ್ಕೆ ಅನ್ವಯಿಸುವ ಕನಿಷ್ಠ, ಗರಿಷ್ಠ ಹಾಗೂ ಪ್ರಚಲಿತ ದರಗಳನ್ನ ಪರಿಶೀಲಿಸಿ ಮಾರಾಟದ ನಿರ್ಧಾರ ಕೈಗೊಳ್ಳಬೇಕು. ಇಲ್ಲಿನ ದರಗಳು ನವೆಂಬರ್ 13ರ ಲಭ್ಯ ದಾಖಲೆಗಳನ್ನ ಆಧರಿಸಿದೆ. ಮಾರಾಟ ಮಾಡುವ ಮೊದಲು ಸ್ಥಳೀಯ ಎಪಿಎಂಸಿ ಅಥವಾ ಮಾರುಕಟ್ಟೆಯಲ್ಲಿ ಇತ್ತೀಚಿನ ದರವನ್ನ ಖಚಿತಪಡಿಸಿಕೊಳ್ಳುವುದು ಉತ್ತಮ.

Add Zee News as a Preferred Source
TAGS:

About the Author

ಪುಟ್ಟರಾಜ ಕೆ. ಆಲೂರ (Puttaraj K Alur) ಅನುಭವಿ ಪತ್ರಕರ್ತರಾಗಿದ್ದು, ಪ್ರಸ್ತುತ ಜೀ ಕನ್ನಡ ನ್ಯೂಸ್‌ನ ಡಿಜಿಟಲ್ ವಿಭಾಗದಲ್ಲಿ ಸೀನಿಯರ್ ಸಬ್ ಎಡಿಟರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಮುದ್ರಣ, ದೂರದರ್ಶನ ಮತ್ತು ಡಿಜಿಟಲ್ ಮಾಧ್ಯಮ ಸೇರಿದಂತೆ ಪತ್ರಿಕೋದ್ಯಮದ ವಿವಿಧ ಕ್ಷೇತ್ರಗಳಲ್ಲಿ 10ಕ್ಕೂ ಹೆಚ್ಚು ವರ್ಷಗಳ ವೃತ್ತಿಪರ ಅನುಭವ ಹೊಂದಿದ್ದಾರೆ. ಮೈಸೂರಿನ ರಾಜ್ಯಧರ್ಮ ಮತ್ತು ಮೈಸೂರು ಮಿತ್ರ ದಿನಪತ್ರಿಕೆಗಳಲ್ಲಿ ವೃತ್ತಿಜೀವನ ಆರಂಭಿಸಿದ ಅವರು, ಬೆಂಗಳೂರಿನ ದಿಗ್ವಿಜಯ ನ್ಯೂಸ್, ದೆಹಲಿಯ ಒಪೇರಾ ನ್ಯೂಸ್, ಯುಸಿ ನ್ಯೂಸ್ ಮತ್ತು ಒಪೊಯಿ ನ್ಯೂಸ್ ಸೇರಿದಂತೆ ಹಲವು ಮಾಧ್ಯಮ ಸಂಸ್ಥೆಗಳಲ್ಲಿ ಸೇವೆ ಸಲ್ಲಿಸಿದ್ದಾರೆ.ಕಳೆದ 5 ವರ್ಷಗಳಿಂದ ಜೀ ಕನ್ನಡ ನ್ಯೂಸ್‌ನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಅವರು, ವಿವಿಧ ವಿಷಯಗಳ ಸುದ್ದಿಗಳನ್ನು ಸರಳ, ಸ್ಪಷ್ಟ ಮತ್ತು ಓದುಗರಿಗೆ ಆಸಕ್ತಿದಾಯಕವಾಗಿ ಪ್ರಸ್ತುತಪಡಿಸುವಲ್ಲಿ ಪರಿಣತಿ ಹೊಂದಿದ್ದಾರೆ. ಮೈಸೂರು ವಿಶ್ವವಿದ್ಯಾನಿಲಯದ ಮಾನಸಗಂಗೋತ್ರಿಯಲ್ಲಿ M.Sc. in Electronic Media ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಮನರಂಜನೆ, ಕ್ರೀಡೆ, ಜ್ಯೋತಿಷ್ಯ ಮತ್ತು ಆಧ್ಯಾತ್ಮಿಕತೆ, ಆರೋಗ್ಯ, ಲೈಫ್‌ಸ್ಟೈಲ್, ವೈರಲ್ ಸುದ್ದಿಗಳು, ಬ್ಯುಸಿನೆಸ್ ಹಾಗೂ ಷೇರು ಮಾರುಕಟ್ಟೆ ಸೇರಿದಂತೆ ಹಲವು ವಿಭಾಗಗಳಲ್ಲಿ ಸುದ್ದಿ ಬರವಣಿಗೆಯ ಅನುಭವ ಹೊಂದಿದ್ದಾರೆ. 
Read More

ZEENEWS TRENDING STORIES